ಬೆಂಗಳೂರು: ವಾರಾಂತ್ಯದಲ್ಲಿ ಒರಾಯನ್ ಮಾಲ್ನಲ್ಲಿ ಮಕ್ಕಳ ದಿನಾಚರಣೆ ಸಲುವಾಗಿ ವಿಶೇಷವಾದ ಕಾರ್ಯಕ್ರಮವನ್ನು ಆಯೋಜಿಸಲಾಗಿದ್ದು, ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ.
ಒರಾಯನ್ ಮಾಲ್ನಲ್ಲಿ ಮಕ್ಕಳ ದಿನಾಚರಣೆ : ವಿಕೆಂಡ್ನಲ್ಲಿ ನಕ್ಕು ನಲಿದ ಮಕ್ಕಳು
ಹೆಸರಾಂತ ನೆರಳು ನಾಟಕ ಕಲಾವಿದ ಪ್ರಹ್ಲಾದ್ ಆಚಾರ್ಯ ಅವರ ವಿದ್ಯಾರ್ಥಿಗಳ ಮೋಡಿ ಮಾಡುವ ನೆರಳು ಕಲಾ ಪ್ರದರ್ಶನ ಮಕ್ಕಳಿಗೆ ಅಪರೂಪದ ಈ ಕಲೆಯನ್ನು ಪರಿಚಯ ಮಾಡಿಸಿತು. ಫ್ಲಬ್ಬರ್ ದಿ ಕ್ಲೌನ್ ಒಳಗೊಂಡ ಫ್ಲಬ್ಬರ್ ಮತ್ತು ಪಂಚಿನೆಲ್ಲೊ ಕ್ಲೌನ್ ಪ್ರದರ್ಶನವು ಎಲ್ಲರನ್ನು ನಗೆಗಡಲಲ್ಲಿ ತೇಲುವಂತೆ ಮಾಡಿತು.
ಇನ್ನು ಒರಾಯನ್ ಮಾಲ್ನ ಸೀನಿಯರ್ ಜಿಎಂ ವಿಜಯ್ ಕುಮಾರ್ ಭಾಟಿಯಾ ಮಾತನಾಡಿ, ಪೋಷಕರಿಗೆ ಮತ್ತು ಮಕ್ಕಳಿಗೆ ವಿಶಿಷ್ಟವಾದದ್ದನ್ನು ನೀಡಲು ಬಯಸಿದ್ದರಿಂದ ನಾವು ಇಂತಹ ವಿಶೇಷ ಕಾರ್ಯಕ್ರಮವನ್ನ ಮಾಡಿದ್ದೆವು. ಮಕ್ಕಳ ದಿನಾಚರಣೆಯನ್ನು ಅದರ ಸ್ವಂತಿಕೆ ಮತ್ತು ವೈವಿಧ್ಯತೆಯೊಂದಿಗೆ ಒಟ್ಟುಗೂಡಿಸುವುದು ಇದರ ಉದ್ದೇಶವಾಗಿತ್ತು. ಇದಕ್ಕೆ ಸಾಕ್ಷಿಯಾಗಿ ಎಲ್ಲೆಡೆಯಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ.
