ಬೆಂಗಳೂರು: ಬಾಲಕಿ ಅನುಮಾನಾಸ್ಪದವಾಗಿ ಸಾವನ್ನಪ್ಪಿರುವ ಘಟನೆ ನಗರದ ಬಾಗಲಗುಂಟೆ ಬಳಿಯ ಮಲ್ಲಸಂದ್ರದಲ್ಲಿ ಬೆಳಕಿಗೆ ಬಂದಿದೆ.
ಪೂಜಾ (11) ಸಾವಿಗೀಡಾಗಿರುವ ಬಾಲಕಿ. ಮಲ್ಲಸಂದ್ರದಲ್ಲಿ ಬಾಲಕಿ ತಂದೆ-ತಾಯಿ ಜೊತೆ ವಾಸವಿದ್ದು, ಪೋಷಕರು ಗೋಬಿ ಮಂಚೂರಿ ಅಂಗಡಿ ನಡೆಸಿಕೊಂಡು ಜೀವನ ಸಾಗಿಸುತ್ತಿದ್ದಾರೆ. ಪ್ರತಿ ದಿನ ಸಂಜೆ 7 ರಿಂದ 9 ರವರೆಗೆ ಪೂಜಾಗೆ ಟಿವಿ ನೋಡುವ ಅಭ್ಯಾಸವಿತ್ತು. ಸೋಮವಾರ ಕೂಡ ಟಿವಿ ನೋಡಲೆಂದು ಅಪ್ಪ-ಅಮ್ಮನಿಗೆ ತಿಳಿಸಿ ಗೋಬಿ ಅಂಗಡಿಯಿಂದ ಮನೆಗೆ ಬಂದು ನೇಣು ಬಿಗಿದುಕೊಂಡು ಸಾವನ್ನಪ್ಪಿದ್ದಾಳೆ.
ಯಾರು ಇಲ್ಲದ ವೇಳೆ ಸಾವನ್ನಪ್ಪಿದ್ದು ಹಲವು ಅನುಮಾನಗಳಿಗೆ ಎಡೆಮಾಡಿಕೊಟ್ಟಿದೆ. ಮತ್ತೊಂದೆಡೆ ಟಿವಿ ನೋಡುತ್ತಾ ಬಾಲಕಿ ಸಾವನ್ನಪ್ಪಿದ್ದು, ಟಿವಿಯ ಯಾವುದಾದರು ದೃಶ್ಯ ನೋಡಿ ಈ ರೀತಿ ಮಾಡಿಕೊಂಡಿದ್ದಾಳಾ? ಎನ್ನುವ ಅನುಮಾನ ಕೂಡ ಕಾಡುತ್ತಿದೆ. ಸ್ಥಳಕ್ಕೆ ಬಾಗಲಗುಂಟೆ ಪೊಲೀಸರು ಭೇಟಿ ನೀಡಿ ಪರಿಶೀಲಿಸಿದರು.
