ಬೆಂಗಳೂರು: ರೈಲಿನಲ್ಲಿ ಸಂಚರಿಸುತ್ತಿದ್ದ ವ್ಯಕ್ತಿಯೋರ್ವ ಫೋನ್ನಲ್ಲಿ ಮಾತನಾಡುತ್ತಿರುವಾಗಲೇ ಕಳ್ಳನೊಬ್ಬ ಫೋನ್ ಕದ್ದು ಪರಾರಿಯಾಗಿರುವ ಘಟನೆ ನಗರದ ಹೆಬ್ಬಾಳ ರೈಲ್ವೆ ನಿಲ್ದಾಣದ ಬಳಿ ನಡೆದಿದೆ.
ಯಶವಂತಪುರದಿಂದ ಕಣ್ಣೂರು ರೈಲಿನಲ್ಲಿ ಸಂಜೀಬ್ ಘೋಷ್ ಎಂಬುವವರು ಪ್ರಯಾಣ ಮಾಡುತ್ತಿದ್ದರು. ರೈಲು ಹೆಬ್ಬಾಳ ತಲುಪುತ್ತಿದ್ದಂತೆ ನಿಧಾನವಾಗಿ ಚಲಿಸುತ್ತಿತ್ತು. ಈ ವೇಳೆ ಸ್ನೇಹಿತನ ಕರೆ ಬಂತು ಎಂದು ಸಂಜೀಬ್ ಡೋರ್ ಬಳಿ ಹೋಗಿ ಮಾತನಾಡುವಾಗ ರೈಲಿನ ಪಕ್ಕ ಬಂದ ವ್ಯಕ್ತಿ ಫೋನ್ ಕಿತ್ತುಕೊಂಡಿದ್ದಾನೆ. ಕೂಡಲೇ ಸಂಜೀಬ್ ಕಿರುಚಿಕೊಂಡಾಗ ಮತ್ತೋರ್ವ ಕಲ್ಲಿನಿಂದ ಹೊಡೆದಿದ್ದಾನೆ.
ಈ ಹಿನ್ನೆಲೆ ಸಂಜೀಬ್ ಬಲಗಣ್ಣಿಗೆ ತೀವ್ರ ಗಾಯವಾಗಿದ್ದು, ರೈಲಿನಲ್ಲಿದ್ದ ಇನ್ನಿತರ ಪ್ರಯಾಣಿಕರು, ಆರ್ಪಿಎಫ್ ಸಿಬ್ಬಂದಿ ಸಂಜೀಬ್ಗೆ ಕೂಡಲೇ ರೈಲಿನಲ್ಲೇ ಪ್ರಾಥಮಿಕ ಚಿಕಿತ್ಸೆ ನೀಡಿದ್ದಾರೆ. ಆದರೆ ಈ ಹಿಂದೆ ಇದೇ ತರಹದ ಪ್ರಕರಣಗಳು ನಡೆದಿದ್ದರೂ ಸಹ ಇದುವರೆಗೂ ಯಾವೊಬ್ಬ ಆರೋಪಿಯನ್ನೂ ಪೊಲೀಸರು ಬಂಧಿಸಿಲ್ಲ ಎಂಬ ಮಾತುಗಳು ಕೇಳಿ ಬರ್ತಿವೆ.
