ಬೆಂಗಳೂರು: ಸಿಸಿಬಿ ಮಾದಕ ದ್ರವ್ಯ ನಿಗ್ರಹ ದಳದ ಪೊಲೀಸರು ದಾಳಿ ನಡೆಸಿ, ಮಾದಕ ವಸ್ತು ಗಾಂಜಾ ಮಾರಾಟ ಮಾಡುತ್ತಿದ್ದ ಅಂತಾರಾಜ್ಯ ಡ್ರಗ್ ಪೆಡ್ಲರ್ಗಳನ್ನು ಬಂಧಿಸಿದ್ದಾರೆ.
ರಿಜ್ವಾನ್ ಪಾಷಾ, ಶಬ್ಬೀರ್ ಪಾಷಾ, ವಸೀಮ್ ಅಕ್ರಂ, ಮೊಹಮ್ಮದ್ ಕುತುಬುದ್ದೀನ್ ಪಾಷಾ ಬಂಧಿತರು. ಇವರಿಂದ 5 ಲಕ್ಷ ರೂ. ಬೆಲೆ ಬಾಳುವ 10 ಕೆಜಿ ಗಾಂಜಾ, 4 ಮೊಬೈಲ್ ಫೋನ್ಗಳು ಮತ್ತು ಕೃತ್ಯಕ್ಕೆ ಬಳಸಿದ ಈಚರ್ ಗೂಡ್ಸ್ ವಾಹನವನ್ನು ವಶಕ್ಕೆ ಪಡೆಯಲಾಗಿದೆ.
ಮುಂಬೈ ಗಾಂಜಾ ಸ್ಮಗ್ಲರ್ಗಳಾದ ಬಾಂಬೆ ಆಸೀಫ್ ಹಾಗೂ ಶಿವನನ್ನು ಸಂಪರ್ಕಿಸಿ ಗಾಂಜಾ ಸರಬರಾಜು ನಡೆಸುತ್ತಿದ್ದರು. ವೃತ್ತಿಯಲ್ಲಿ ಡ್ರೈವರ್‌ಗಳಾಗಿದ್ದುಕೊಂಡ ಇವರು ನಗರದಿಂದ ಮುಂಬೈಗೆ ಗೂಡ್ಸ್ ಮೂಲಕ ಮಾದಕ ವಸ್ತುಗಳನ್ನು ಸಾಗಿಸುತ್ತಿದ್ದರು. ವಾಪಸ್ ಮುಂಬೈಯಿಂದ ಬರುವಾಗ ಗಾಂಜಾ ನಗರಕ್ಕೆ ತೆಗೆದುಕೊಂಡು ಬರುತ್ತಿದ್ದರು.
ಇದನ್ನೂ ಓದಿ: ಬಳ್ಳಾರಿಯಲ್ಲಿ ಕೃಷಿ ಹೊಂಡಕ್ಕೆ ಹಾರಿ ತಾಯಿ, ಮಕ್ಕಳ ಆತ್ಮಹತ್ಯೆ; ಕುಟುಂಬಕ್ಕಿತ್ತು ₹ 20 ಲಕ್ಷ ಸಾಲ!
ಆರೋಪಿ ರಿಜ್ವಾನ್ ಮುಂಬೈನಿಂದ ಗಾಂಜಾ ತಂದು ಶಬ್ಬೀರ್, ವಾಸೀಂ ಕುತುಬುದ್ದೀನ್ ಮೂಲಕ ಮಾರಾಟ ಮಾಡುತ್ತಿದ್ದ. ಆರೋಪಿಗಳ ವಿರುದ್ಧ ಚಾಮರಾಜಪೇಟೆಯಲ್ಲಿ ಇದೀಗ ಪ್ರಕರಣ ದಾಖಲಾಗಿದ್ದು, ತನಿಖೆ ಮುಂದುವರೆದಿದೆ.
