ಹೋಟೆಲ್​ನಲ್ಲಿ ಕುಳಿತು ಆಹಾರ ಸೇವಿಸುವ ವ್ಯವಸ್ಥೆ ಸ್ಥಗಿತ: ಏನಂತಾರೆ ಮಾಲೀಕರು?

ಸಾರ್ವಜನಿಕರಿಗೆ ಹೋಟೆಲ್​ ಒಳಗಡೆ ಊಟದ ವ್ಯವಸ್ಥೆ ನೀಡುವುದು ಸುರಕ್ಷಿತವಲ್ಲ ಎಂಬುದನ್ನು ಅರಿತ ಮಾಲೀಕರು, ನಗರದಲ್ಲಿ ಕೊರೊನಾ ನಿಯಂತ್ರಣಕ್ಕೆ ಬರುವವರೆಗೆ ತಾತ್ಕಲಿಕವಾಗಿ ಟೇಬಲ್ ವ್ಯವಸ್ಥೆ ನಿಲ್ಲಿಸಲು ನಿರ್ಧರಿಸಿದ್ದು ,ಪಾರ್ಸಲ್ ವ್ಯವಸ್ಥೆ ಮುಂದುವರಿಸುವುದಾಗಿ ಮಾಲೀಕ ಅರುಣ್ ಅಡಿಗ ತಿಳಿಸಿದ್ದಾರೆ.

ಬೆಂಗಳೂರು: ಸಿಲಿಕಾನ್ ಸಿಟಿಯಲ್ಲಿ ಕೊರೊನಾ ದಿನೇ ದಿನೆ ಹೆಚ್ಚುತ್ತಿರುವ ಹಿನ್ನೆಲೆ ಜೂನ್​ 27 ರಿಂದ ಕೆಲವು ದಿನಗಳ ಮಟ್ಟಿಗೆ ಗಾಂಧಿ ಬಜಾರ್​​​​​​ನ ವಿದ್ಯಾರ್ಥಿ ಭವನ ಹೋಟೆಲ್​ನಲ್ಲಿ ಸಾರ್ವಜನಿಕರು ಕುಳಿತು ಆಹಾರ ಸೇವಿಸುವ ವ್ಯವಸ್ಥೆಯನ್ನು ತಡೆಹಿಡಿಯಲು ಮಾಲೀಕರು ನಿರ್ಧರಿಸಿದ್ದಾರೆ.

ಜೂನ್ 08 ರಿಂದ ಹೊಸ ಟೇಬಲ್ ವ್ಯವಸ್ಥೆ ಮೂಲಕ ಗ್ರಾಹಕರಿಗೆ ಮತ್ತೆ ಊಟದ ವ್ಯವಸ್ಥೆ ಆರಂಭಿಸಿತ್ತು. ಅಲ್ಲದೇ ಎಂದಿನಂತೆ ಹೋಟೆಲ್​ಗೆ ಆಗಮಿಸುತ್ತಿದ್ದ ಗ್ರಾಹಕರು ದೋಸೆಯನ್ನು ಸವಿಯುತ್ತಿದ್ದರು. ಇದೀಗ ಕೊರೊನಾ ತನ್ನ ವ್ಯಾಪ್ತಿಯನ್ನು ವಿಸ್ತರಿಸಿರುವುದರಿಂದ ಮಾಲೀಕರು ಆತಂಕಕ್ಕೀಡಾಗಿದ್ದಾರೆ.

ಹೋಟೆಲ್​ನಿಂದ ಗ್ರಾಹಕರಿಗೆ ಮನವಿ

ಸಾರ್ವಜನಿಕರಿಗೆ ಹೋಟೆಲ್​​ ಒಳಗಡೆ ಊಟದ ವ್ಯವಸ್ಥೆ ಮಾಡುವುದು ಸುರಕ್ಷಿತವಲ್ಲ ಎಂಬುದನ್ನು ಅರಿತ ಮಾಲೀಕರು, ನಗರದಲ್ಲಿ ಕೊರೊನಾ ನಿಯಂತ್ರಣಕ್ಕೆ ಬರುವವರೆಗೆ ತಾತ್ಕಲಿಕವಾಗಿ ಟೇಬಲ್ ವ್ಯವಸ್ಥೆಯನ್ನು ನಿಲ್ಲಿಸಲು ನಿರ್ಧರಿಸಿದ್ದು ,ಪಾರ್ಸಲ್ ವ್ಯವಸ್ಥೆ ಮುಂದುವರಿಸುವುದಾಗಿ ಮಾಲೀಕ ಅರುಣ್ ಅಡಿಗ ತಿಳಿಸಿದ್ದಾರೆ.