ಬೆಂಗಳೂರು : ವಿಶ್ವದ ಬೃಹತ್ ಪರಿಸರ ಆಂದೋಲನವಾದ "ಭೂ ಸಮಯ" (ಅರ್ಥ್ ಹವರ್) ಆಚರಿಸಲು ನಾಳೆ ರಾತ್ರಿ 8-30 ರಿಂದ 9-30ರವರೆಗೆ ಒಂದು ಗಂಟೆ ಕಾಲ ಮನೆಗಳಲ್ಲಿ ಅಗತ್ಯವಿಲ್ಲದ ವಿದ್ಯುತ್ ದೀಪಗಳನ್ನು ಆರಿಸಿ ಸಹಕರಿಸಬೇಕೆಂದು ಬೆಸ್ಕಾಂ ಮನವಿ ಮಾಡಿದೆ.
ವಲ್ಡ್ ವೈಡ್ ಫಂಡ್ ಸಂಸ್ಥೆ ವಿಶ್ವದಾದ್ಯಂತ ಇದನ್ನು ಆಯೋಜಿಸಿದೆ. ಪ್ರತಿ ವರ್ಷ ಮಾರ್ಚ್ ತಿಂಗಳಲ್ಲಿ ವಾತಾವರಣ ಬದಲಾವಣೆಯ ವಿರುದ್ಧ ಬೆಂಬಲಿಸಲು ಒಂದು ಗಂಟೆ ವಿದ್ಯುತ್ ದೀಪಗಳನ್ನು ಆರಿಸುವ ಮೂಲಕ ಪರಿಸರದ ಬದ್ಧತೆ ಸೂಚಿಸುವ ಸಾಂಕೇತಿಕ ಕಾರ್ಯಕ್ರಮವಾಗಿದೆ.
ಇದನ್ನೂ ಓದಿ: ಪ್ರತಿಯೊಬ್ಬರ ಮೇಲೆ ಮೈಸೂರಿನಲ್ಲಿ 100 ಕ್ಕೂ ಹೆಚ್ಚು ಕೇಸ್ಗಳಿವೆ: ಪೊಲೀಸ್ ಆಯುಕ್ತ
ಜೊತೆಗೆ ಎಲ್ಲಾ ಅಧಿಕಾರಿ-ನೌಕರರು ತಮ್ಮ ಕಚೇರಿ-ಮನೆಗಳಲ್ಲಿ ವಿದ್ಯುತ್ ಉಳಿತಾಯ ಮಾಡಬೇಕೆಂದು ಬೆಸ್ಕಾಂ ಸುತ್ತೋಲೆ ಹೊರಡಿಸಿದೆ.
