ಬೆಂಗಳೂರು: ನವರಾತ್ರಿ ವೇಳೆ ದುರ್ಗಾ ಪೂಜೆಗೆ ಸಂಬಂಧಿಸಿದಂತೆ ಬಿಬಿಎಂಪಿ, ನಗರಕ್ಕೆ ಪ್ರತ್ಯೇಕ ಮಾರ್ಗಸೂಚಿ ಹೊರಡಿಸಿದೆ.
ಅಕ್ಟೋಬರ್ 11 ರಿಂದ ಅ.15 ರವರೆಗೆ ದುರ್ಗಾ ಪೂಜೆಗೆ ಅವಕಾಶ ಕೊಡುವಂತೆ ಮೈತ್ರಿ ಬಂಧನ್ ಸಮಾಜ ಮನವಿ ಮಾಡಿದ್ದು ಬಿಬಿಎಂಪಿ ಅನುಮತಿ ನೀಡಿ, ಈ ಕೆಳಗಿನ ಮಾರ್ಗಸೂಚಿಗಳನ್ನು ಪಾಲಿಸುವಂತೆ ಹೇಳಿದೆ.
- ನಗರದಲ್ಲಿ 5 ದಿನ ದುರ್ಗಾ ಪೂಜೆಗೆ ಅವಕಾಶ
- 4 ಅಡಿ ಮೀರದಂತೆ ದುರ್ಗಾದೇವಿ ಮೂರ್ತಿ ಇರಬೇಕು
- ಮೂರ್ತಿ ಕೂರಿಸುವ ಸ್ಥಳ ಸ್ಯಾನಿಟೈಸ್ ಮಾಡಬೇಕು
- ವಾರ್ಡ್ಗೆ ಒಂದೇ ಮೂರ್ತಿ ಕೂರಿಸಲು ಅವಕಾಶವಿದ್ದು, ಜಂಟಿ ಆಯುಕ್ತರಿಂದ ಅನುಮತಿ ಪಡೆಯಬೇಕು
- ಸಾಮಾನ್ಯ ಪ್ರಾರ್ಥನೆಗೆ ಮಾತ್ರ ಅವಕಾಶ
- 50 ಜನ ಮೀರದಂತೆ ಪ್ರಾರ್ಥನೆಯಲ್ಲಿ ಭಾಗವಹಿಸಬೇಕು
- ಸಾಮಾಜಿಕ ಅಂತರ ಕಾಪಾಡಿಕೊಳ್ಳುವುದು ಅಗತ್ಯ
- ಪೂಜಾ ಸ್ಥಳದಲ್ಲಿ ಹಣ್ಣು, ಹೂ, ಸಿಹಿ ವಿತರಣೆಗೆ ಅವಕಾಶವಿಲ್ಲ
- ಕೇವಲ 100 ಜನರಿಗೆ ಮಾತ್ರ ಪಾಸ್, ಅಹ್ವಾನ ಪತ್ರಿಕೆ ನೀಡಬೇಕು
- ಪ್ರವೇಶ ದ್ವಾರದಲ್ಲಿ ಥರ್ಮಲ್ ಸ್ಕ್ರೀನಿಂಗ್ ಕಡ್ಡಾಯ
- ದಿನಕ್ಕೆ ನಾಲ್ಕು ಬಾರಿ ಕುರ್ಚಿ, ಟೇಬಲ್ಗಳಿಗೆ ಸ್ಯಾನಿಟೈಸ್ ಮಾಡಬೇಕು
- ಕೋವಿಡ್ ನಿಯಮಗಳ ಕುರಿತು ಡಿಸ್ ಪ್ಲೇ ಅಳವಡಿಸಬೇಕು
- ಕುಡಿಯುವ ನೀರಿನ ವ್ಯವಸ್ಥೆ ಮಾಡಬೇಕು
- ಮೂರ್ತಿ ವಿಸರ್ಜನೆಗೆ ಜಂಟಿ ಆಯುಕ್ತರು ಅನುಮತಿ ನೀಡಿರುವ ಸಾರ್ವಜನಿಕ ಕೆರೆ, ಟ್ಯಾಂಕ್ನಲ್ಲಿಯೇ ಬಿಡಬೇಕು.
ಈ ಮೇಲಿನ ನಿಯಮಗಳನ್ನು ಸಂಘಟನೆಗಳು ಪಾಲಿಸದಿದ್ದಲ್ಲಿ, ಪೂಜಾ ಅನುಮತಿ ಹಿಂಪಡೆಯಲಾಗುವುದು ಎಂದು ಬಿಬಿಎಂಪಿ ಎಚ್ಚರಿಸಿದೆ.
