ಬೆಂಗಳೂರು: ಸ್ಯಾಂಡಲ್ವುಡ್ ಡ್ರಗ್ ಪ್ರಕರಣದಲ್ಲಿ ಬಂಧಿಯಾಗಿರಿವ ಅನಿಕಾ ಹಾಗೂ ಆ್ಯಡಂ ಪಾಶಾ ರ ವಾಟ್ಸಪ್ ಚಾಟ್ ಪತ್ತೆಯಾಗಿದ್ದು, ಇದರ ಆಧಾರದ ಮೇಲೆ ಎನ್ಸಿಬಿ ಸಾಕಷ್ಟು ವಿಚಾರಗಳನ್ನು ಕಲೆ ಹಾಕುತ್ತಿದೆ.
ಆ್ಯಡಂ ತನ್ನ ಫೋನ್ ನಿಂದ ಅನಿಕಾ ಹಾಗೂ ಇತರೆ ಪೆಡ್ಲರ್ಗಳ ಜೊತೆಗಿನ ಚಾಟ್ ಲಿಸ್ಟ್ ಡಿಲೀಟ್ ಮಾಡಿರುವ ವಿಚಾರ ತಿಳಿದು ಬಂದಿದ್ದು, ಮೊಬೈಲ್ ರಿಟ್ರೈವ್ಗಾಗಿ ಎಫ್ಎಸ್ಎಲ್ ಗೆ ರವಾನೆ ಮಾಡಲಾಗಿತ್ತು. ಅದರಲ್ಲಿ ಬಂಧಿತೆ ಅನಿಕಾ ಸೇರಿದಂತೆ ಇತರೆ ಸ್ನೇಹಿತರಿರುವ ವಾಟ್ಸಪ್ ಗ್ರೂಪ್ ಇದ್ದು, ಆ ಗ್ರೂಪಿನಲ್ಲಿ ಪಾರ್ಟಿ, ಮೋಜು-ಮಸ್ತಿ ಬಗ್ಗೆ ಮಾತುಕತೆ ನಡೆಸಿರುವುದು ಹಾಗೂ ತಾವು ಮೊದಲೆ ಫ್ಲಾನ್ ಮಾಡಿದ ಸ್ಥಳಗಳಲ್ಲಿ ಸೇರಿ ಡ್ರಗ್ ಸಪ್ಲೈ ಮಾಡುತ್ತಿದ್ದ ವಿಚಾರ ತಿಳಿದುಬಂದಿದೆ.
ಸದ್ಯ ಆ್ಯಡಂ ಪಾಷ ಪರಪ್ಪನ ಅಗ್ರಹಾರದಲ್ಲಿ ಕ್ವಾರಂಟೈನ್ ಆಗಿದ್ದು, ಜೈಲಾಧಿಕಾರಿಗಳಿಗೂ ದೊಡ್ಡ ತಲೆನೋವಾಗಿದ್ದಾನೆ ಎನ್ನಲಾಗಿದೆ.
