ಬೆಂಗಳೂರು : ಪುನೀತ್ ರಾಜ್ ಕುಮಾರ್ ಇಷ್ಟು ಚಿಕ್ಕ ವಯಸ್ಸಿಗೆ ಅಗಲಬಾರದಿತ್ತು. ಅವರ ಕಡೆಯ ಪಯಣವನ್ನು ನಾವು ನಾಳೆ ನೆರವೇರಿಸಬೇಕು. ಕನ್ನಡಿಗರ ಮನಸ್ಸಿನಲ್ಲಿ ಅಪ್ಪು ಚಿರಸ್ತಾಯಿಯಾಗಿ ಉಳಿಯಲಿದ್ದಾರೆ ಎಂದು ನಟ ರಾಮ್ ಕುಮಾರ್ ಹೇಳಿದರು.
ಪುನೀತ್ ಜೊತೆಗಿನ ಒಡನಾಟವನ್ನು ಬಿಚ್ಚಿಟ್ಟ ನಟ ರಾಮ್ ಕುಮಾರ್
ಕಂಠೀರವ ಕ್ರೀಡಾಂಗಣದಲ್ಲಿ ಮಾತನಾಡಿದ ಅವರು, ನಾಳೆ ಬೆಳಗ್ಗೆ 5 ಗಂಟೆಗೆ ಕ್ರೀಡಾಂಗಣಕ್ಕೆ ಬಂದು ಸೇರಬೇಕು. ವಿಧಿ-ವಿಧಾನದಂತೆ ಕ್ರಿಯೆಗಳನ್ನು ನಡೆಸಲು ನಿರ್ಧರಿಸಲಾಗಿದೆ.
ಇಷ್ಟು ದಿನ ಅಪ್ಪು ನಮಗೆ ತೃಪ್ತಿಪಡಿಸಿದ್ದಾರೆ. ಅದೇ ರೀತಿ ನಾವು ಅವರ ಕೊನೆಯ ಪಯಣವನ್ನು ಯಾವುದೇ ಅಡೆಚಣೆ ಇಲ್ಲದ ರೀತಿಯಲ್ಲಿ ಅವರಿಗಾಗಿ ನಾವೆಲ್ಲ ಮಾಡಬೇಕಿದೆ ಎಂದರು.
ಪುನೀತ್ ತಂದೆಗೆ ತಕ್ಕ ಮಗನಾಗಿದ್ದರು. ಅಷ್ಟು ಸಾಕು, ಈ ವಯಸ್ಸಿನಲ್ಲಿ ಹೋಗಬಾರದಿತ್ತು. ಎಲ್ಲಾ ಕೆಲಸ ಮಾಡಿದ್ದಾರೆ. 40 ವರ್ಷ ಸಿನಿಮಾದಲ್ಲೇ ಕಳೆದಿದ್ದಾರೆ. ಹಾಗೆ ನೋಡಿದರೆ ಎಲ್ಲರಿಗೂ ಅಪ್ಪು ಸೀನಿಯರ್, ಅವರು ಚಿರಸ್ತಾಯಿಯಾಗಿ ಎಲ್ಲರ ಮನಸ್ಸಿನಲ್ಲಿ ಇರಲಿದ್ದಾರೆ ಎಂದರು.
ಇದನ್ನೂ ಓದಿ: ಅಪ್ಪು ಅಂತ್ಯ ಸಂಸ್ಕಾರದ ಬಗ್ಗೆ ಕುಟುಂಬಸ್ಥರ ಜೊತೆ ಸಿಎಂ ಚರ್ಚೆ
