ಆ್ಯಂಬುಲೆನ್ಸ್​ ಅನ್ನೇ ಲಗೇಜ್ ವಾಹನ ಮಾಡಿಕೊಂಡ ಚಾಲಕ: ಸಾರ್ವಜನಿಕರಿಂದ ತೀವ್ರ ಆಕ್ಷೇಪ

ಆ್ಯಂಬುಲೆನ್ಸ್​ನಲ್ಲಿ ಹಾಸಿಗೆ ಹಾಗೂ ಲಗೇಜ್ ತುಂಬಿಕೊಂಡು ಚಾಲಕ, ಸಿಗ್ನಲ್​ನಲ್ಲಿ ದಾರಿ ಮಾಡಿಕೊಡುವಂತೆ ಸೈರನ್ ಹಾಕುವ ಮೂಲಕ ಚಾಲಕ ಕಾನೂನು ಉಲ್ಲಂಘನೆ ಮಾಡಿದ್ದಾನೆ. ಇದಕ್ಕೆ ತೀವ್ರ ಆಕ್ಷೇಪ ವ್ಯಕ್ತಪಡಿರುವ ಸಾರ್ವಜನಿಕರು, ಇಂಥವರ ವಿರುದ್ಧ ಕೇಸ್ ಹಾಕಿ, ಕಾನೂನಿನ ಪಾಠ ಕಲಿಸಬೇಕಿದೆ ಎಂದು ಆಗ್ರಹಿಸಿದ್ದಾರೆ.

ಬೆಂಗಳೂರು‌: ಲಗೇಜ್ ತುಂಬಿದ್ದ ಆ್ಯಂಬುಲೆನ್ಸ್​ನಲ್ಲಿ ಸೈರನ್ ಹಾಕುವ ಮೂಲಕ ಚಾಲಕ ಕಾನೂನು ಉಲ್ಲಂಘನೆ ಮಾಡಿದ್ದು, ಸಾರ್ವಜನಿಕರು ತೀವ್ರ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ.

ಆ್ಯಂಬುಲೆನ್ಸ್​ನಲ್ಲಿ ಹಾಸಿಗೆ ಹಾಗೂ ಲಗೇಜ್ ತುಂಬಿಕೊಂಡು ಚಾಲಕ, ಸಿಗ್ನಲ್​ನಲ್ಲಿ ದಾರಿ ಮಾಡಿಕೊಡುವಂತೆ ಸೈರನ್ ಹಾಕಿ ಕಾನೂನು ಉಲ್ಲಂಘನೆ ಮಾಡಿದ್ದಾನೆ. ಶಿವಾಜಿನಗರದಿಂದ ಫ್ರೇಜರ್ ಟೌನ್ ಮಾರ್ಗದಲ್ಲಿ ಸೈರನ್​ ಹಾಕಿಕೊಂಡು ಹೋಗುತ್ತಿದ್ದಾಗ ಸಾರ್ವಜನಿಕರು ದೃಶ್ಯ ಸೆರೆ ಹಿಡಿದಿದ್ದಾರೆ ಎನ್ನಲಾಗ್ತಿದೆ.

ಕೆಎ 51, ಬಿ 8479 ನಂಬರ್​ನ ಪ್ರೈವೇಟ್ ಆ್ಯಂಬುಲೆನ್ಸ್ ಚಾಲಕ ಕಾನೂನು ದುರ್ಬಳಕೆ ಮಾಡಿಕೊಂಡಿದ್ದಾನೆ. ಇದೇನು ಆ್ಯಂಬುಲೆನಾ, ಇಲ್ಲಾ ಲಗೇಜ್ ವೆಹಿಕಲ್ಲಾ?. ಇಂಥವರ ವಿರುದ್ಧ ಕೇಸ್ ಹಾಕಿ, ಕಾನೂನಿನ ಪಾಠ ಕಲಿಸಬೇಕಿದೆ ಎಂದು ಸಾರ್ವಜನಿಕರು ಸಾಮಾಜಿಕ ಜಾಲತಾಣಗಳ ಮೂಲಕ ಆಗ್ರಹಿಸಿದ್ದಾರೆ.