ಸಿಎಂ ಗೃಹ ಕಚೇರಿಗೆ ಆಗಮಿಸಿ ಕೋವಿಡ್‌ ಪರಿಹಾರ ನಿಧಿಗೆ 75 ಲಕ್ಷ ರೂ ದೇಣಿಗೆ

ಕೋವಿಡ್‌ ಪರಿಹಾರ ನಿಧಿಗೆ ಫೆಡರೇಶನ್ ಆಫ್ ಇಂಡಿಯನ್ ಗ್ರಾನೈಟ್ ಆ್ಯಂಡ್ ಸ್ಟೋನ್ ಇಂಡಸ್ಟ್ರಿ 50 ಲಕ್ಷ ರೂ. ದೇಣಿಗೆ ನೀಡಿದೆ.

ಬೆಂಗಳೂರು: ಮುಖ್ಯಮಂತ್ರಿಗಳ ಕೋವಿಡ್-19 ಪರಿಹಾರ ನಿಧಿಗೆ ಫೆಡರೇಶನ್ ಆಫ್ ಇಂಡಿಯನ್ ಗ್ರಾನೈಟ್ ಆ್ಯಂಡ್ ಸ್ಟೋನ್ ಇಂಡಸ್ಟ್ರಿ 75 ಲಕ್ಷ ರೂ.ಗಳ ದೇಣಿಗೆ ಹಾಗೂ ನೈರ್ಮಲ್ಯ ಪರಿಕರಗಳನ್ನು ನೀಡಿದೆ.

ಮುಖ್ಯಮಂತ್ರಿಗಳ ಗೃಹ ಕಚೇರಿ ಕೃಷ್ಣಾಗೆ ಆಗಮಿಸಿದ ಕಂಪನಿಯ ನಿಯೋಗ ದೇಣಿಗೆಯ ಚೆಕ್ ಅನ್ನು ಸಿಎಂ ಬಿ.ಎಸ್‌.ಯಡಿಯೂರಪ್ಪನವರಿಗೆ ಹಸ್ತಾಂತರಿಸಿತು.
ಇದೇ ವೇಳೆ, ಸಿಎಂ ಕೋವಿಡ್ ಪರಿಹಾರ ನಿಧಿಗೆ ಸಿ.ಎಸ್.ಐ. ಕರ್ನಾಟಕ ಸೆಂಟ್ರಲ್ ಡಯಾಸಿಸ್ ವತಿಯಿಂದ 25 ಲಕ್ಷ ರೂ.ಗಳ ಚೆಕ್​​ ಅನ್ನು ಬಿಷಪ್ ರೆವರೆಂಡ್ ಪಿ.ಕೆ.ಸ್ಯಾಮ್ಯುಯಲ್ ನೀಡಿದರು. ಕರ್ನಾಟಕ ಸೆಂಟ್ರಲ್ ಡಯಾಸಿಸ್‌ನ ಪದಾಧಿಕಾರಿಗಳು ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು.

ಕರ್ನಾಟಕ ಸೆಂಟ್ರಲ್ ಡಯಾಸಿಸ್ ವತಿಯಿಂದ ಚೆಕ್​ ವಿತರಣೆ

ನಂತರ ಸಿಎಂ, ಪೇಟಿಎಂ ಯೂಸರ್ಸ್, ಲೈಫ್ ಬಾಯ್ ಸೋಪ್ ಮತ್ತು ಯುವಿ ಕೆನ್ ವತಿಯಿಂದ ಆರೋಗ್ಯ ಮತ್ತು ಪೊಲೀಸ್ ಸಿಬ್ಬಂದಿಗೆ ನೀಡಲಾದ ಮೂರು ಲಕ್ಷ ನೈರ್ಮಲ್ಯ ಪರಿಕರಗಳನ್ನು ಸ್ವೀಕರಿಸಿದರು.