ನೆಲಮಂಗಲ : ದಷ್ಟಪುಷ್ಟವಾಗಿಯೇ ಇದ್ದ ಹೋರಿ ಮತ್ತು ಹಸುಗಳನ್ನ ಕಸಾಯಿಖಾನೆಗೆ ಸಾಗಿಸುತ್ತಿದ್ದ ಲಾರಿಯ ಮೇಲೆ ದಾಳಿ ನಡೆಸಿದ ನೆಲಮಂಗಲ ಪೊಲೀಸರು 13 ಹೋರಿ ಮತ್ತು 2 ಹಸುಗಳ ರಕ್ಷಣೆ ಮಾಡಿದ್ದಾರೆ.
ನೆಲಮಂಗಲ ಪಟ್ಟಣದ ನವಯುಗ ಟೋಲ್ ಬಳಿ ಖಚಿತ ಮಾಹಿತಿ ನೆಲಮಂಗಲ ಟೌನ್ ಪೊಲೀಸರು ಲಾರಿ ತಡೆದು ತಪಾಸಣೆ ನಡೆಸಿದಾಗ ಅಕ್ರಮವಾಗಿ ಹಸುಗಳನ್ನ ಸಾಗಿಸುತ್ತಿದ್ದ ಪ್ರಕರಣ ಬೆಳಕಿಗೆ ಬಂದಿದೆ. ಚಿತ್ರದುರ್ಗದಿಂದ ಬೆಂಗಳೂರಿನ ಯಶವಂತಪುರದ ಕಸಾಯಿಖಾನೆಗೆ ಹಸುಗಳ ಸಾಗಣೆ ಮಾಡಲಾಗತ್ತಿತ್ತು.
ನೆಲಮಂಗಲ ಪೊಲೀಸರಿಂದ 13 ಹೋರಿ 2 ಹಸುಗಳ ರಕ್ಷಣೆ
ಈ ಸಂಬಂಧ ಬಂದ ದೂರಿನ ಹಿನ್ನೆಲೆಯಲ್ಲಿ ಸ್ಥಳಕ್ಕೆ ಧಾವಿವಿಸಿದ ಪೊಲೀಸರಿಗೆ ಲಾರಿಗೆ ಪರವಾನಗಿ ಮತ್ತು ಹಸು ಸಾಗಣೆಗೆ ದಾಖಲೆ ಇಲ್ಲದಿರೋದು ಬೆಳಕಿಗೆ ಬಂದಿದೆ. ಅಕ್ರಮವಾಗಿ ಹಸು ಸಾಗಿಸುತ್ತಿದ್ದ ರಫೀಕ್ ಲಾರಿ ಚಾಲಕ ಜಾಫರ್ ಷರೀಫ್ ನನ್ನ ಪೊಲೀಸರು ಬಂಧಿಸಿದ್ದಾರೆ. ರಕ್ಷಣೆ ಮಾಡಿದ 13 ಹೋರಿ ಮತ್ತು 2 ಹಸುಗಳನ್ನ ಶಿವಗಂಗೆಯ ಹೊನ್ನಮ್ಮಗವಿ ಮಠಕ್ಕೆ ನೀಡಲಾಗಿದೆ. ನೆಲಮಂಗಲ ಟೌನ್ ಪೊಲೀಸ್ ಠಾಣೆಯಲ್ಲಿ ಈ ಸಂಬಂಧ ಪ್ರಕರಣ ದಾಖಲಾಗಿದೆ.
