ಆನೇಕಲ್​ನಲ್ಲಿ ವೆಂಟಿಲೇಟರ್ ಹಾಸಿಗೆ, ಕೋವಿಡ್​ ಕೇರ್​ ಸೆಂಟರ್​ ಉದ್ಘಾಟಿಸಿದ ಸಂಸದ ಡಿಕೆ ಸುರೇಶ್​

ಆನೇಕಲ್​ನಲ್ಲಿ ವೆಂಟಿಲೇಟರ್ ಹಾಸಿಗೆ, ಕೋವಿಡ್​ ಸೆಂಟರ್​ ಅನ್ನು ಸಂಸದ ಡಿಕೆ ಸುರೇಶ್​ ಲೋಕಾರ್ಪಣೆಗೊಳಿಸಿದ್ದಾರೆ.

ಆನೇಕಲ್/ಬೆಂಗಳೂರು: ಆನೇಕಲ್ ಸಾರ್ವಜನಿಕ ಆಸ್ಪತ್ರೆಯಲ್ಲಿ ಎಂಟು ವೆಂಟಿಲೇಟರ್ ಹಾಸಿಗೆಗಳನ್ನು ಸಂಸದ ಡಿಕೆ ಸುರೇಶ್ ಹಾಗೂ ಜಿಲ್ಲಾಧಿಕಾರಿ ಜೆ ಮಂಜುನಾಥ್​ರಿಂದ ಲೋಕಾರ್ಪಣೆಗೊಳಿಸಿದರು.

ಈಗಾಗಲೇ 43 ಹಾಸಿಗೆಗಳು ಕೋವಿಡ್​ಗಾಗಿ ಮೀಸಲಿಡಲಾಗಿದ್ದು, ಇದೀಗ ಎಂಟು ವೆಂಟಿಲೇಟರ್ ಹಾಸಿಗೆಗಳು ಸೇರ್ಪಡೆಗೊಂಡಿವೆ. ಆನೇಕಲ್ ಭಾಗದಲ್ಲಿ ಸೋಂಕಿತರಿಗೆ ಆಮ್ಲಜನಕ‌ ಹಾಸಿಗೆಗಳ ಕೊರತೆ ಹೆಚ್ಚಾಗಿರುವ ಕಾರಣ ಒತ್ತಡದ ಮೇರೆಗೆ ಸರ್ಕಾರ ಇದೀಗ ಕಣ್ಣು ತೆರೆದಿದೆ. ಬಿಐಎ ಸಹಯೋಗದಲ್ಲಿ 13 ಪಿಎಚ್​ಸಿಗಳಿಗೆ 2000 ಮೆಡಿಕಲ್ ಕಿಟ್​ಗಳ ಹಂಚಿಕೆ ಜೊತೆಗೆ ನೂತನ ಕೊವಿಡ್ ಕೇರ್ ಸೆಂಟರ್​​​ಗೂ ಚಾಲನೆ ಸಿಕ್ಕಿತು.

ಆನೇಕಲ್​ನ ಸರ್ಕಾರಿ ವಸತಿ ಗೃಹವನ್ನು ಕೋವಿಡ್ ಕೇರ್ ಸೆಂಟರ್ ಆಗಿ ಪರಿವರ್ತಿಸಲಾಗಿದೆ. ಸುಮಾರು 50 ಬೆಡ್​ಗಳ ವ್ಯವಸ್ಥೆ ಮಾಡಲಾಗಿದ್ದು, ಕೊರೊನಾ ರೋಗಿಗಳಿಗೆ ಐಸೋಲೆಷನ್ ವ್ಯವಸ್ಥೆಗೆ ಅನುವು ಮಾಡಿಕೊಡಲಾಯಿತು.