ಕುರುಬರ ಎಸ್​ಟಿ ಮೀಸಲಾತಿ ಹೋರಾಟ ಸಮಾವೇಶಕ್ಕೆ ಹರಿದು ಬಂದ ಜನಸಾಗರ

ನೈಸ್ ಜಂಕ್ಷನ್ ಬಳಿಯ ಬೆಂಗಳೂರು ಅಂತಾರಾಷ್ಟ್ರೀಯ ವಸ್ತು ಪ್ರದರ್ಶನ ಪ್ರದೇಶದಲ್ಲಿ ಕುರುಬರ ಎಸ್​ಟಿ ಮೀಸಲಾತಿ ಹೋರಾಟದ ಸಮಾರೋಪ ಸಮಾರಂಭ ನಡೆಯುತ್ತಿದ್ದು, ರಾಜ್ಯದ ಮೂಲೆ ಮೂಲೆಯಿಂದ ಕುರುಬ ಸಮುದಾಯವರು ಆಗಮಿಸಿದ್ದಾರೆ.

ನೆಲಮಂಗಲ: ಕುರುಬ ಸಮುದಾಯ ಎಸ್​ಟಿ ಮೀಸಲಾತಿ‌ ಹೋರಾಟದ ಸಮಾರೋಪ ಸಮಾರಂಭ ತುಮಕೂರು ರಸ್ತೆಯ ಬಿಐಇಸಿಯಲ್ಲಿ ನಡೆಯುತ್ತಿದ್ದು ಕಾರ್ಯಕ್ರಮಕ್ಕೆ ಜನಸಾಗರವೇ ಹರಿದುಬಂದಿದೆ.

ಉತ್ತರ ಕರ್ನಾಟಕದಿಂದ ಜನರು ಬಸ್​ಗಳಲ್ಲಿ ಆಗಮಿಸಿದ್ದಾರೆ. ಸಂಗೊಳ್ಳಿ ರಾಯಣ್ಣ ಮತ್ತು ಕನಕದಾಸರಿಗೆ ಜಯಘೋಷ ಕೂಗುವ ಮೂಲಕ ತಮ್ಮ ಅಭಿಮಾನ ಮೆರೆಯುತ್ತಿದ್ದಾರೆ. ನೈಸ್ ರೋಡ್ ಜಂಕ್ಷನ್​ನಲ್ಲಿ ವಾಹನ ದಟ್ಟಣೆ ತಡೆಯವ ಸಲುವಾಗಿ ಬದಲಿ ಮಾರ್ಗದ ವ್ಯವಸ್ಥೆ ಮಾಡಲಾಗಿದೆ.

ಪಾರ್ಕಿಂಗ್ ವ್ಯವಸ್ಥೆಯ‌ನ್ನು ಬಿಐಇಸಿಯ ಬದಲಿಗೆ ನೈಸ್ ರಸ್ತೆ ಪಕ್ಕದ ಮೈದಾನದಲ್ಲಿ ಮಾಡಲಾಗಿದ್ದು, ಸಮಾರಂಭ ಮುಗಿದ ನಂತರ ಟ್ರಾಫಿಕ್ ಸಮಸ್ಯೆಯಾಗುವ ಸಾಧ್ಯತೆ ಕಡಿಮೆ ಇದೆ.