ದೇವನಹಳ್ಳಿ: ತಾಲೂಕಿನ ಗಾಲ್ಫ್ ಶೈರ್ ರೆಸಾರ್ಟ್ನಲ್ಲಿ ಶಶಿಕಲಾ ಅವರು ವಿಶ್ರಾಂತಿ ಪಡೆಯುತ್ತಿದ್ದು, ಈ ನಡುವೆ ಚಿನ್ನಮ್ಮ ಅವರನ್ನು ಸ್ವಾಗತಿಸಲು ರೆಸಾರ್ಟ್ ಮುಂದೆ ತಮಿಳಿನ ಬ್ಯಾನರ್ಗಳನ್ನು ಹಾಕಲಾಗಿತ್ತು. ಅವನ್ನು ಕನ್ನಡಪರ ಸಂಘಟನೆ ಕಾರ್ಯಕರ್ತರು ಸುಟ್ಟು ಹಾಕಿದ್ದಾರೆ.
ಜೈಲು ಶಿಕ್ಷೆಗೊಳಗಾಗಿ ಶಶಿಕಲಾ ಪರಪ್ಪನ ಅಗ್ರಹಾರದಿಂದ ಬಿಡುಗಡೆಯಾದ ನಂತರ ತಾಲೂಕಿನ ಸಾದಹಳ್ಳಿ ಗಾಲ್ಫ್ ಶೈರ್ ರೆಸಾರ್ಟ್ನಲ್ಲಿ ವಿಶ್ರಾಂತಿ ಪಡೆಯುವುದರ ಜೊತೆಗೆ ತಮಿಳುನಾಡಿನ ರಾಜಕೀಯ ಲೆಕ್ಕಾಚಾರ ಹಾಕುತ್ತಿದ್ದಾರೆ. ಇಂದು ಬೆಳಗ್ಗೆ ರೆಸಾರ್ಟ್ನಿಂದ ಚೆನ್ನೈಗೆ ಶಶಿಕಲಾ ಪ್ರಯಾಣ ಬೆಳೆಸಲಿದ್ದು, ಅವರನ್ನು ಸ್ವಾಗತಿಸಲು ತಮಿಳುನಾಡಿನಿಂದ ಬೆಂಬಲಿಗರು ರೆಸಾರ್ಟ್ನತ್ತ ಧಾವಿಸುತ್ತಿದ್ದಾರೆ. ಜೊತೆಗೆ ಚಿನ್ನಮ್ಮಗೆ ಸ್ವಾಗತ ಕೋರಲು ತಮಿಳು ಭಾಷೆಯಲ್ಲಿನ ಬ್ಯಾನರ್ಗಳನ್ನು ರೆಸಾರ್ಟ್ ಸುತ್ತಮುತ್ತ ಹಾಕಿದ್ದಾರೆ.
ಓದಿ: ಮಂಗಳೂರು: ಯುವಕನ ಮೇಲೆ ದುಷ್ಕರ್ಮಿಗಳಿಂದ ಮಾರಣಾಂತಿಕ ಹಲ್ಲೆ
ಇದಕ್ಕೆ ಕರ್ನಾಟಕ ರಕ್ಷಣಾ ವೇದಿಕೆ ಪ್ರವೀಣ್ ಶೆಟ್ಟಿ ಬಣದ ಕಾರ್ಯಕರ್ತರು ಆಕ್ರೋಶ ವ್ಯಕ್ತಪಡಿಸಿದ್ದು, ರೆಸಾರ್ಟ್ ಸುತ್ತಮುತ್ತ ಹಾಕಿದ್ದ ಬ್ಯಾನರ್ಗಳನ್ನು ಸುಟ್ಟು ಹಾಕಿ ಶಶಿಕಲಾ ವಿರುದ್ಧ ಕಿಡಿಕಾರಿದ್ದಾರೆ. ರೆಸಾರ್ಟ್ ಅನ್ನು ತಮಿಳುಮಯ ಮಾಡಲು ಹೊರಟಿದ್ದಾರೆ. ಶಶಿಕಲಾ ಅವರು ರೆಸಾರ್ಟ್ನಲ್ಲಿ ಇರಲು ನಮ್ಮದೇನು ತಕರಾರು ಇಲ್ಲ. ತಮಿಳುನಾಡಿನಲ್ಲಿ ಬೇಕಾದರೆ ಅವರ ವಿಜೃಂಭಣೆ ಮಾಡಿಕೊಳ್ಳಲಿ ಎಂದಿದ್ದಾರೆ.
