ತ್ರಿವಳಿ ಮಕ್ಕಳಿಗೆ ಜನ್ಮ ನೀಡಿದ ಮಹಾತಾಯಿ

ಬಾಗಲಕೋಟೆಯ ಸಾವಳಗಿ ಗ್ರಾಮದ ರೇವತಿ ಪರಶುರಾಮ ಮೈಗೂರ ಎನ್ನುವವರು ಮೂರು ಹೆಣ್ಣು ಮಕ್ಕಳಿಗೆ ಜನ್ಮ ನೀಡಿದ್ದಾರೆ.

ಬಾಗಲಕೋಟೆ: ಸಾವಳಗಿ ಗ್ರಾಮದ ಮಹಿಳೆಯೊಬ್ಬರು ಜಮಖಂಡಿ ನಗರದ ಮಾಳಗಿ ನರ್ಸಿಂಗ್ ಹೋಮ್​ನಲ್ಲಿ ತ್ರಿವಳಿ ಮಕ್ಕಳಿಗೆ ಜನ್ಮ ನೀಡಿದ್ದಾರೆ.

ಸಾವಳಗಿ ಗ್ರಾಮದ ನಿವಾಸಿ ರೇವತಿ ಪರಶುರಾಮ ಮೈಗೂರ ಮೂರು ಹೆಣ್ಣು ಮಕ್ಕಳಿಗೆ ಜನ್ಮ ನೀಡಿದ್ದಾರೆ. ಈ ಮೂರು ಮಕ್ಕಳು 1.8 ಕೆ.ಜಿ ತೂಕವಿದ್ದು ಸಶಕ್ತರಾಗಿದ್ದಾರೆ ಎಂದು ಡಾ.ನಯನಾ ಮಾಳಗಿ ತಿಳಿಸಿದ್ದಾರೆ.

ಸ್ತ್ರೀ ರೋಗ ತಜ್ಞರಾದ ಡಾ.ನಯನಾ ಮಾಳಗಿ, ಅರವಳಿಕೆ ತಜ್ಞ ಡಾ.ಮನೋಹರ್, ಬಸಯ್ಯ ಮಠ ಹಾಗೂ ಮಾಳಗಿ ಆಸ್ಪತ್ರೆಯ ಸಿಬ್ಬಂದಿ ಶಸ್ತ್ರ ಚಿಕಿತ್ಸೆ ಮೂಲಕ ಹೆರಿಗೆಯನ್ನು ಯಶಸ್ವಿಯಾಗಿ ನಡೆಸಿದ್ದಾರೆ.