ಬಾಗಲಕೋಟೆ: ತೇರದಾಳ ಕ್ಷೇತ್ರದ ಶಾಸಕ ಸಿದ್ದು ಸವದಿ ಅವರು ತಮ್ಮ ಕ್ಷೇತ್ರದ ಮತದಾರನಿಗೆ ಉದ್ಧಟತನದಿಂದ ಮಾತನಾಡಿರುವುದಕ್ಕೆ ಕ್ಷೇತ್ರದ ಮಾಜಿ ಶಾಸಕಿ ಉಮಾಶ್ರೀ ತೀವ್ರ ವಿರೋಧ ವ್ಯಕ್ತಪಡಿಸಿದ್ದಾರೆ.
ಶಾಸಕರು, ನನ್ನ ಕ್ಷೇತ್ರದ ಮತದಾರರು ಮತ್ತು ತಮ್ಮ ಬಿಜೆಪಿ ಕಾರ್ಯಕರ್ತರ ಮೇಲೆಯೇ ಹೀಗೆ ಉದ್ಧಟತನದಿಂದ ವರ್ತಿಸಿರುವುದು ಎಷ್ಟೊಂದು ಸರಿ. ಕ್ಷೇತ್ರದ ಜನತೆ ಶಾಸಕರಿಗೆ ಅಲ್ಲದೆ ಬೇರೆ ಯಾರಿಗೆ ಕೇಳಬೇಕು. ಕೊರೊನಾದಿಂದ ಮೃತಪಟ್ಟಿರುವ ಕುಟುಂಬದವರಿಗೆ ಸಾಂತ್ವನ ಹೇಳುವ ಬದಲು ಹೀಗೆ ಮಾತನಾಡಿದರೆ ಹೇಗೆ ಎಂದು ಪ್ರಶ್ನಿಸಿದ್ದಾರೆ.
ಇದನ್ನು ಓದಿ-ನಾಲಾಯಕ್ ಇಡು ಫೋನ್, ಬಾಳ ಶಾಣ್ಯಾ ಅದಿ: ಸಿದ್ದು ಸವದಿ ಆವಾಜ್ - ವಿಡಿಯೋ ವೈರಲ್
ಆಕ್ಸಿಜನ್ ಕೊರತೆಯಿಂದ ಜನರು ಸಾಯುತ್ತಿದ್ದಾರೆ. ಅದರ ಬಗ್ಗೆ ಚಿಂತನೆ ಮಾಡುವುದನ್ನು ಬಿಟ್ಟು ಹೀಗೆ ವರ್ತಿಸುವುದು ಖಂಡನೀಯ. ಕ್ಷೇತ್ರದ ಜನತೆಯ ಸಮಸ್ಯೆಗಳನ್ನು ಸಮಾಧಾನದಿಂದ ಆಲಿಸಿ ಬಗೆಹರಿಸುವ ನಿಟ್ಟಿನಲ್ಲಿ ಕ್ರಮ ತೆಗೆದುಕೊಳ್ಳಬೇಕು, ಇಲ್ಲವಾದರೆ ಮುಂದೆ ಮತದಾರರು ದಂಗೆ ಏಳುವಂತಾಗುತ್ತದೆ. ಸರ್ಕಾರ ನಿದ್ದೆಯಲ್ಲಿ ಇದ್ದು, ಎಚ್ಚರ ಆಗಬೇಕಾಗಿದೆ ಎಂದು ಉಮಾಶ್ರೀ ತರಾಟೆಗೆ ತೆಗೆದುಕೊಂಡಿದ್ದಾರೆ.
