ಲೈಂಗಿಕ ಕಿರುಕುಳ ನೀಡುತ್ತಿದ್ದ ಅತ್ತೆ-ಮಾವನನ್ನೇ ಹತ್ಯೆಗೈದ ಸೊಸೆ..

ಲೈಂಗಿಕ‌ ಕಿರುಕುಳ ನೀಡಿದನೆಂದು ತನ್ನ ಮಾವ ಹಾಗೂ ಅತ್ತೆಯನ್ನು ಸೊಸೆಯೊಬ್ಬಳು ಹತ್ಯೆ ಮಾಡಿರುವ ಘಟನೆ ಜಮಖಂಡಿ ತಾಲೂಕಿನ ಜಂಬಗಿ ಕೆ ಡಿ ಗ್ರಾಮದಲ್ಲಿ ಈ ಘಟನೆ ನಡೆದಿದೆ.

ಬಾಗಲಕೋಟೆ: ತನ್ನ ಮಾವನ ಲೈಂಗಿಕ‌ ಕಿರುಕುಳಕ್ಕೆ ಬೇಸತ್ತ ಸೊಸೆಯೊಬ್ಬಳು ಕಬ್ಬಿಣದ ರಾಡ್​ನಿಂದ ಮಾವ ಹಾಗೂ ಅಡ್ಡ ಬಂದ ಅತ್ತೆಯನ್ನೇ ಹತ್ಯೆ ಮಾಡಿದ್ದಾರೆ.

ಜಿಲ್ಲೆಯ ಜಮಖಂಡಿ ತಾಲೂಕಿನ ಜಂಬಗಿ ಕೆಡಿ ಗ್ರಾಮದಲ್ಲಿ ಈ ಘಟನೆ ಜರುಗಿದೆ. ಸಿದ್ದರಾಯ ಮಲ್ಲೇಶನವರ (56) ಹಾಗೂ ಕಲಾವತಿ ಮಲ್ಲೇಶನವರ (45) ಕೊಲೆಯಾದವರು. ಗೀತಾ ಮಲ್ಲೇಶನವರ ಕೊಲೆ ಮಾಡಿರುವ ಆರೋಪಿ.

ಗೀತಾಗೆ ನಿತ್ಯ ಲೈಂಗಿಕ ದೌರ್ಜನ್ಯ ಎಸಗುತ್ತಿದ್ದರಿಂದ ಬೇಸತ್ತು ಗುರುವಾರ ಸಂಜೆ ಕಬ್ಬಿಣದ ರಾಡ್​ನಿಂದ ತನ್ನ ಮಾವ ಸಿದ್ದರಾಯ ತಲೆಗೆ ಹೊಡೆದಿದ್ದಾಳೆ. ಬಳಿಕ ಅಡ್ಡ ಬಂದ ಅತ್ತೆಗೂ ರಾಡ್​ನಿಂದ ಹೊಡೆದು ಕೊಲೆ ಮಾಡಿದ್ದಾಳೆ ಎನ್ನಲಾಗ್ತಿದೆ. ಸ್ಥಳಕ್ಕೆ ಸಾವಳಗಿ ಪೊಲೀಸರು ಭೇಟಿ ನೀಡಿ, ಪರಿಶೀಲನೆ ನಡೆಸಿದ್ದಾರೆ.