ಮಹಿಳಾ ತಂಡಕ್ಕೆ ಚಕ್​​ ದೇ! ಇಂಡಿಯಾ 'ಕಬೀರ್ ಖಾನ್'​ ಆದ ಕೋಚ್​​ ಮರಿಜಿನ್​... ಚಿನ್ನ ಗೆದ್ದು ಬನ್ನಿ ಎಂದ ಶಾರುಖ್​!

2007ರಲ್ಲಿ ತೆರೆ ಕಂಡಿದ್ದ ಚಕ್​​ ದೇ! ಇಂಡಿಯಾ ಚಿತ್ರದಲ್ಲಿ ಮಹಿಳಾ ಹಾಕಿ ತಂಡದ ಕೋಚ್​ ಆಗಿ ಬಾಲಿವುಡ್​ ನಟ ಶಾರುಖ್​ ಖಾನ್​ ನಟನೆ ಮಾಡಿದ್ದರು. ಇದೀಗ ಟೋಕಿಯೋ ಒಲಿಂಪಿಕ್ಸ್​ನಲ್ಲಿ ರಾಣಿ ರಾಂಪಾಲ್​ ತಂಡ ಅದ್ಭುತ ಪ್ರದರ್ಶನ ನೀಡುತ್ತಿದ್ದಂತೆ ತಂಡದ ಕೋಚ್​ ಜೋರ್ಡ್‌ ಮರಿಜಿನ್ ಅವರ ಗುಣಗಾನವಾಗುತ್ತಿದೆ.

ಮುಂಬೈ: ಟೋಕಿಯೋ ಒಲಿಂಪಿಕ್ಸ್​​ನಲ್ಲಿ ವಿಶ್ವದ ನಂಬರ್​​ 2 ತಂಡ ಆಸ್ಟ್ರೇಲಿಯಾ ವಿರುದ್ಧ 1-0 ಅಂತರದಿಂದ ಗೆಲುವು ದಾಖಲು ಮಾಡಿರುವ ಭಾರತದ ಮಹಿಳಾ ಹಾಕಿ ತಂಡ ಐತಿಹಾಸಿಕ ದಾಖಲೆ ನಿರ್ಮಾಣ ಮಾಡಿದೆ. ತಂಡದ ಈ ಸಾಧನೆಗೆ ಇನ್ನಿಲ್ಲದ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಈಗಾಗಲೇ ಪ್ರಧಾನಿ ನರೇಂದ್ರ ಮೋದಿ ಸೇರಿದಂತೆ ಅನೇಕರು ರಾಣಿ ರಾಂಪಲ್​​ ನೇತೃತ್ವದ ತಂಡಕ್ಕೆ ಶುಭ ಹಾರೈಸಿ, ಸೆಮಿಫೈನಲ್​ಗೆ ಶುಭಾಶಯ ತಿಳಿಸಿದ್ದಾರೆ.

ಆಸ್ಟ್ರೇಲಿಯಾ ವಿರುದ್ಧ ಗೆದ್ದ ಭಾರತದ ಮಹಿಳಾ ಹಾಕಿ ತಂಡ

ಇದೀಗ ಬಾಲಿವುಡ್​​ ಬಾದ್ ಶಾ ಖ್ಯಾತಿಯ​ ಶಾರುಖ್ ಖಾನ್​ ಕೂಡ ವಿಶ್ ಮಾಡಿದ್ದು, ತಂಡದ ಕೋಚ್​ ಆಗಿರುವ ಜೋರ್ಡ್‌ ಮರಿಜಿನ್​ ಅವರಿಗೆ ಅಭಿನಂದನೆ ಸಲ್ಲಿಕೆ ಮಾಡಿದ್ದಾರೆ. ತಂಡದ ಕ್ವಾರ್ಟರ್​​ ಫೈನಲ್​​ನಲ್ಲಿ ಗೆಲುವು ಸಾಧಿಸುತ್ತಿದ್ದಂತೆ ಕೋಚ್​​ ಜೋರ್ಡ್‌ ಮರಿಜಿನ್​ ತಮ್ಮ ಟ್ವಿಟರ್​​ನಲ್ಲಿ Sorry family , I coming again later ಎಂದು ಬರೆದುಕೊಂಡಿದ್ದು, ತಂಡದೊಂದಿಗೆ ಇರುವ ಫೋಟೋ ಶೇರ್ ಮಾಡಿದ್ದರು. ಇದಕ್ಕೆ ಪ್ರತಿಕ್ರಿಯೆ ನೀಡಿರುವ ಶಾರುಖ್​ ಖಾನ್​, ಹಾ..ಹಾ.. ಯಾವುದೇ ಸಮಸ್ಯೆ ಇಲ್ಲ. ಹಿಂದುರುಗಿ ಬರುವಾಗ ದೇಶದ ಕೋಟ್ಯಾಂತರ ಜನರಿಗೆ ಚಿನ್ನ ತೆಗೆದುಕೊಂಡು ಬನ್ನಿ ಎಂದಿದ್ದು, ಮಾಜಿ ಕೋಚ್​ ಕಬೀರ್​ ಖಾನ್​ ಎಂದು ಬರೆದುಕೊಂಡಿದ್ದಾರೆ.

• Haan haan no problem. Just bring some Gold on your way back….for a billion family members. This time Dhanteras is also on 2nd Nov. From: Ex-coach Kabir Khan. https://t.co/QcnqbtLVGX

  — Shah Rukh Khan (@iamsrk) August 2, 2021 " class="align-text-top noRightClick twitterSection" data="

  Haan haan no problem. Just bring some Gold on your way back….for a billion family members. This time Dhanteras is also on 2nd Nov. From: Ex-coach Kabir Khan. https://t.co/QcnqbtLVGX

  — Shah Rukh Khan (@iamsrk) August 2, 2021

  ">

  Haan haan no problem. Just bring some Gold on your way back….for a billion family members. This time Dhanteras is also on 2nd Nov. From: Ex-coach Kabir Khan. https://t.co/QcnqbtLVGX

  — Shah Rukh Khan (@iamsrk) August 2, 2021

ಇದಕ್ಕೆ ಪ್ರತಿಕ್ರಿಯೆ ನೀಡಿರುವ ಕೋಚ್​​ ಜೋರ್ಡ್‌ ಮರಿಜಿನ್​ ನಿಮ್ಮೆ ಎಲ್ಲ ಬೆಂಬಲ ಹಾಗೂ ಪ್ರೀತಿಗೆ ಧನ್ಯವಾದಗಳು. ಖಂಡಿತವಾಗಿ ಶಕ್ತಿ ಮೀರಿ ಶ್ರಮಿಸುತ್ತೇವೆ. ನಿಮ್ಮ ರಿಯಲ್​ ಕೋಚ್​ ಎಂದಿದ್ದಾರೆ.

ಕೋಚ್​​ ಜೋರ್ಡ್‌ ಮರಿಜಿನ್ ಹಾಗೂ ನಟ ಶಾರುಖ್ ಖಾನ್​

ಈ ಹಿಂದೆ ಚಕ್​ ದೇ! ಇಂಡಿಯಾ ಚಿತ್ರ ರಿಲೀಸ್ ಆಗಿದ್ದ ಸಂದರ್ಭದಲ್ಲಿ ಶಾರುಖ್​ ಖಾನ್ ಮಹಿಳಾ ತಂಡದ ಕೋಚ್​ ಆಗಿ ನಟನೆ ಮಾಡಿದ್ದರು. 2007ರಲ್ಲಿ ಈ ಚಿತ್ರ ತೆರೆ ಕಂಡಿತ್ತು. ಶಾರುಖ್​ ಖಾನ್​ ಅವರ ನಟನೆಗೆ ಇನ್ನಿಲ್ಲದ ಮೆಚ್ಚುಗೆ ವ್ಯಕ್ತವಾಗಿತ್ತು. ಇದೀಗ ರಿಯಲ್​ ಕೋಚ್​ ಜೋರ್ಡ್​ ಮರಿಜಿನ್ ಹಾಗೂ ಸಿನಿಮಾದ ಕೋಚ್​ ಶಾರುಖ್ ಖಾನ್​ ನಡುವಿನ ಟ್ವಿಟ್​ಗೆ ಮೆಚ್ಚುಗೆ ವ್ಯಕ್ತವಾಗಿದೆ.

ಕೋಚ್​​ ಜೋರ್ಡ್‌ ಮರಿಜಿನ್​ ತಂಡ ಹಾಗೂ ಸಿನಿಮಾದಲ್ಲಿ ನಟನೆ ಮಾಡಿದ್ದ ಶಾರುಖ್​ ಖಾನ್​

ಟೋಕಿಯೋದಲ್ಲಿ ಭಾರತದ ಮಹಿಳಾ ಹಾಕಿ ತಂಡ ಟೋಕಿಯೋ ಒಲಿಂಪಿಕ್ಸ್​ನಲ್ಲಿ ಅದ್ಭುತ ಪ್ರದರ್ಶನ ನೀಡುವಲ್ಲಿ ಜೋರ್ಡ್‌ ಮರಿಜಿನ್‌ ಅವರ ಪಾತ್ರ ಮಹತ್ವದಾಗಿದೆ.