ವಿಂಬಲ್ಡನ್: ಹಾಲಿ ಚಾಂಪಿಯನ್ ನೂವಾಕ್ ಜಾಕೋವಿಕ್,ನಡಾಲ್ ಹಾಗೂ ರೋಜರ್ ಫೆಡರರ್ ವಿಂಬಲ್ಡನ್ನಲ್ಲಿ ಸೆಮಿಫೈನಲ್ ಪ್ರವೇಶಿಸಿದ್ದಾರೆ.
ಇಂದು ನಡೆದ ಕ್ವಾರ್ಟರ್ ಫೈನಲ್ನಲ್ಲಿ ಅಗ್ರಕ್ರಮಾಂಕದ ಸರ್ಬಿಯಾದ ಜಾಕೋವಿಕ್ 6-4, 6-0, 6-2 ರಲ್ಲಿ ಬೆಲ್ಜಿಯಂನ ಡೇವಿಡ್ ಗೊಫಿನ್ರನ್ನು ಮಣಿಸಿ ಸೆಮಿಫೈನಲ್ ಪ್ರವೇಶಿಸಿದ್ದಾರೆ. ಅಗ್ರ ಕ್ರಮಾಂಕದ ಜಾಕೋವಿಕ್ ಮುಂದೆ 23 ನೇ ಶ್ರೇಯಾಂಕದ ಗೊಫಿನ್ ಮೊದಲ ಸೆಟ್ನಲ್ಲಿ ಮಾತ್ರ ಪ್ರತಿರೋಧ ಒಡ್ಡದ ಅವರ ನಂತರದ 2 ಸೆಟ್ಗಳನ್ನು ಸುಲಭವಾಗಿ ಬಿಟ್ಟುಕೊಟ್ಟರು.
ಎರಡನೇ ಶ್ರೇಯಾಂಕದ ರಾಫೆಲ್ ನಡಾಲ್ ಕ್ವಾರ್ಟರ್ ಫೈನಲ್ನಲ್ಲಿ ಅಮೆರಿಕಾದ ಸ್ಯಾಮ್ ಕ್ವೆರ್ರೆ ವಿರುದ್ಧ 7-5,6-2,6-2 ರಲ್ಲಿ ಜಯ ಸಾಧಿಸಿ ಸೆಮಿಫೈನಲ್ ಪ್ರವೇಶಿಸಿದರು. ನಡಾಲ್ ಸೆಮಿಫೈನಲ್ ಪಂದ್ಯದಲ್ಲಿ ರೋಜರ್ ಫೆಡೆರರ್ ವಿರುದ್ಧ ಸೆಣಸಾಡಲಿದ್ದಾರೆ.
ಮತ್ತೊಂದು ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ರೋಜರ್ ಫೆಡರರ್ ಜಪಾನ್ ಕಿ ನಿಶಿಕೋರಿ ವಿರುದ್ಧ 4-6,6-1,6-4,6-4 ರಲ್ಲಿ ಪ್ರಭಲ ಪ್ರತಿರೋಧದ ನಡುವೆ ಜಯ ಸಾಧಿಸಿ ಸೆಮೀಸ್ ಎಂಟ್ರಿ ನೀಡಿದರು.
ಮೂರನೇ ಕ್ವಾರ್ಟರ್ ಫೈನಲ್ನಲ್ಲಿ ಸ್ಪೇನಿನ ರಾಬರ್ಟೊ ಬಾಟಿಸ್ಟ ಅಗುಟ್ ಅರ್ಜೆಂಟೈನಾದ ಗೈಡೊ ಪೆಲ್ಲ ವಿರುದ್ಧ 7-5,6-4,3-6,6-3 ರಲ್ಲಿ ಸೋಲನುಭವಿಸಿ ಸೆಮಿಫೈನಲ್ ತಲುಪಿದರು. ಅಗುಟ್ ತಮ್ಮ ಸೆಮಿಫೈನಲ್ನಲ್ಲಿ ಸರ್ಬಿಯಾದ ಜಾಕೋವಿಕ್ ವಿರುದ್ಧ ಸೆಣಸಲಿದ್ದಾರೆ.
