ಮೆಲ್ಬೋರ್ನ್ : ಅಗ್ರ ಶ್ರೇಯಾಂಕದ ನೊವಾಕ್ ಜೋಕೊವಿಕ್ ಆಸ್ಟ್ರೇಲಿಯನ್ ಓಪನ್ನ 2ನೇ ಸುತ್ತಿನ ಪಂದ್ಯದಲ್ಲಿ ಅಮೆರಿಕಾದ ಫ್ರಾನ್ಸಿಸ್ ಟಿಯಾಫೋ ವಿರುದ್ಧ ಜಯ ಸಾಧಿಸಿ 3ನೇ ಸುತ್ತಿಗೆ ಪ್ರವೇಶಿಸಿದ್ದಾರೆ.
ಬುಧವಾರ ನಡೆದ ಪಂದ್ಯದಲ್ಲಿ ಟಿಯಾಫೋ ನಂಬರ್ ಒನ್ ಆಟಗಾರನಿಗೆ ತೀವ್ರ ಪೈಪೋಟಿ ನೀಡಿದರಾದರೂ ಚಾಂಪಿಯನ್ ಆಟಗಾರನ ಮುಂದೆ ಮೂರುವರೆ ಗಂಟೆ ನಡೆದ ಪಂದ್ಯದಲ್ಲಿ ಸೋಲು ಕಂಡರು. ಜೋಕೊವಿಕ್ 6-3, 6-7 (3), 7-6 (2), 6-3 ಅಂತರದಿಂದ ಮಣಿಸಿದರು.
ಮೊದಲ ಸೆಟ್ನ ಸುಲಭವಾಗಿ ಗೆದ್ದ ಜೋಕೊವಿಕ್ಗೆ ಎರಡನೇ ಸೆಟ್ನಲ್ಲಿ ತೀವ್ರ ಪೈಪೋಟಿ ನೀಡಿ ಟ್ರೈಬ್ರೇಕರ್ನಲ್ಲಿ ಟಿಯೋಫೋಗೆ ಶರಣಾದರು. ಮತ್ತೆ ಮೂರನೇ ಸುತ್ತು ಕೂಡ ಟ್ರೈ ಬ್ರೇಕರ್ ತಲುಪಿತ್ತಾದರೂ, ಜೋಕೊವಿಕ್ ಗೆಲುವು ಸಾಧಿಸಿದರು.
ಟಿಯಾಫೋ ನಾಲ್ಕನೇ ಸೆಟ್ನಲ್ಲಿ ಸಮಯದ ಉಲ್ಲಂಘನೆ ಮಾಡಿದ್ದರಿಂದ ಸರ್ವ್ ಕಳೆದುಕೊಂಡರು. ಹಾಗಾಗಿ, 4ನೇ ಸೆಟ್ ಜೋಕೊವಿಕ್ ಗೆಲ್ಲುವ ಮೂಲಕ ಪಂದ್ಯವನ್ನು ಗೆದ್ದುಕೊಂಡರು. 3ನೇ ಸುತ್ತಿನ ಪಂದ್ಯದಲ್ಲಿ ಸರ್ಬಿಯನ್ ಆಟಗಾರ ಅಮೆರಿಕಾದ ಟೇಲರ್ ಫ್ರಿಟ್ಜ್ ಅವರ ಸವಾಲನ್ನು ಎದುರಿಸಲಿದ್ದಾರೆ.
8 ಬಾರಿ ಚಾಂಪಿಯನ್ ಆಟಗಾರ ಈ ಹಿಂದೆ ಒಮ್ಮೆ ಮಾತ್ರ 2ನೇ ಸುತ್ತಿನಲ್ಲಿ ಹೊರಬಿದ್ದಿದ್ದಾರೆ, ಅವರು 2017ರಲ್ಲಿ ಡೆನಿಸ್ ಇಸ್ಟೋಮಿನ್ ವಿರುದ್ದ ಸೋಲು ಕಂಡಿದ್ದರು.
ಇದನ್ನು ಓದಿ:2021ರ ಆಸ್ಟ್ರೇಲಿಯನ್ ಓಪನ್: ಮೂರನೇ ಸುತ್ತಿಗೆ ಲಗ್ಗೆ ಇಟ್ಟ ಸೆರೆನಾ ವಿಲಿಯಮ್ಸ್
