ನ್ಯೂಯಾರ್ಕ್: ವಿಶ್ವದ ಮೂರನೇ ಶ್ರೇಯಾಂಕಿತ ಡೊಮಿನಿಕ್ ಥೀಮ್ ಅವರ ಕೈಯಲ್ಲಿ 3-6, 3-6, 2-6 ಸೆಟ್‌ಗಳಿಂದ ಸೋಲನುಭವಿಸಿದ ಭಾರತದ ಟೆನ್ನಿಸ್ ತಾರೆ ಸುಮಿತ್ ನಗಲ್ ಯುಎಸ್ ಓಪನ್ನಿಂದ ಹೊರಬಿದ್ದಿದ್ದಾರೆ.
27ನೇ ಜನ್ಮ ದಿನದ ಸಂಭ್ರಮದಲ್ಲಿದ್ದ ಡೊಮಿನಿಕ್ ಥೀಮ್ ಭಾರತದ ಸುಮಿತ್ ನಗಲ್ ರನ್ನು ನೇರ ಸೆಟ್‌ಗಳಿಂದ ಸೋಲಿಸಿದ್ದಾರೆ.
ಈ ವರ್ಷದ ಆಸ್ಟ್ರೇಲಿಯನ್ ಓಪನ್ ಫೈನಲಿಸ್ಟ್ ಥೀಮ್ ಅವರು ನಗಲ್ ಆಟದ ವಿಡಿಯೋಗಳನ್ನು ನೋಡಿದ್ದಾರೆ. ನಗಲ್ ಅವರ ಸಾಮರ್ಥ್ಯ ಗಮನಿಸಿ, ಚೆನ್ನಾಗಿ ತಯಾರಾಗಿ ಬಂದಿದ್ದಾರೆ. ಫೋರ್‌ಹ್ಯಾಂಡ್ ಬದಿಯಲ್ಲಿ ಅನೇಕ ಚೆಂಡುಗಳನ್ನು ನೀಡದಿರುವ ಸ್ಪಷ್ಟ ತಂತ್ರದೊಂದಿಗೆ ಕಣಕ್ಕಿಳಿದಿದ್ದರು.
ಗ್ರ್ಯಾಂಡ್ ಸ್ಲಾಮ್ನಲ್ಲಿ ಭಾರತಕ್ಕೆ ಅಪರೂಪದ ಗೆಲುವು ತಂದುಕೊಟ್ಟಿದ್ದ ನಗಲ್ ಹೊಸ ಭರವಸೆ ಮೂಡಿಸಿದ್ದರು. ಆದರೆ ಎರಡು ಫ್ರೆಂಚ್ ಓಪನ್ ಫೈನಲ್ ಪಂದ್ಯಗಳನ್ನು ಆಡಿರುವ ಆಟಗಾರನನ್ನು ಎದುರಿಸುವುದು ಅವರಿಗೆ ಸವಾಲಿನ ಕೆಲಸವಾಗಿತ್ತು.
