ಲಂಡನ್: ಎಟಿಪಿ ಫೈನಲ್ಸ್ನ ಕೊನೆಯ ಪಂದ್ಯದಲ್ಲಿ ಯುಎಸ್ ಓಪನ್ಸ್ ಫೈನಲಿಸ್ಟ್ ಡೊನಮಿಕ್ ಥೀಮ್ ಹಾಗೂ ಡ್ಯಾನಿಲ್ ಮೆಡ್ವೆಡೆವ್ ನಡುವಿನ ರೋಚಕ ಪಂದ್ಯದಲ್ಲಿ ಮೆಡ್ವೆಡೆವ್ ಭರ್ಜರಿ ಜಯದಾಖಲಿಸಿ ಎಟಿಪಿ ಪ್ರಶ್ತಸಿ ಮುಡಿಗೇರಿಸಿಕೊಂಡಿದ್ದಾರೆ.
ಮೆಡ್ವೆಡೆವ್ ತಮ್ಮ ವೃತ್ತಿಜೀವನದ ಅತ್ಯಂತ ಶ್ರೇಷ್ಠ ಪ್ರಶಸ್ತಿ ಗೆದ್ದು ಬೀಗಿದ್ದಾರೆ. ಈ ಮೂಲಕ ಪ್ರಶಸ್ತಿಗಾಗಿ ಗ್ರೂಪ್ ಪಂದ್ಯದಲ್ಲಿ ಘಟಾನುಘಟಿಗಳ ವಿರುದ್ಧ ಗೆದ್ದು ಫೈನಲ್ ಪ್ರವೇಶಿಸಿದ್ದ ಡೊನಮಿಕ್ ವಿರುದ್ಧ ರೋಚಕ ಜಯ ದಾಖಲಿಸಿ ಚೊಚ್ಚಲ ಎಟಿಪಿ ಪ್ರಶಸ್ತಿ ತನ್ನದಾಗಿಸಿಕೊಂಡಿದ್ದಾರೆ.
ಪಂದ್ಯದ ಮೊದಲ ಸುತ್ತಿನಲ್ಲಿ ಡೊನಮಿಕ್ ಗೆಲುವು ಪಡೆದು ಉತ್ತಮ ಆರಂಭ ಪಡೆದಿದ್ದರು. ಆದರೆ ನಂತರದ ಎರಡು ಸೆಟ್ಗಳಲ್ಲಿ ಡೇನಿಲ್ ಕಮ್ ಬ್ಯಾಕ್ ಮಾಡಿ 4-6, 7-6, 6-4ರ ಸೆಟ್ನಿಂದ ಗೆಲುವು ಪಡೆದರು.
ಇದಕ್ಕೂ ಮೊದಲು ಲೀಗ್ ಹಾಗೂ ಸೆಮಿಫೈನಲ್ ಪಂದ್ಯದಲ್ಲಿ ವಿಶ್ವದ ಅಗ್ರ ಆಟಗಾರರಾದ ನೋವಾಕ್ ಜೋಕೊವಿಕ್ ಹಾಗೂ ರಾಫೆಲ್ ನಡಾಲ್ ವಿರುದ್ಧ ಜಯ ಕಂಡಿದ್ದರು. ಈ ಮೂಲಕ ವಿಶ್ವ ರ‍್ಯಾಂಕಿಂಗ್ನ ಅಗ್ರ ಮೂರು ಸ್ಥಾನ ಪಡೆದಿದ್ದ ಆಟಗಾರರನ್ನು ಸೋಲಿಸಿ ಈ ಪ್ರಶಸ್ತಿ ಪಡೆದ ಮೊದಲ ಆಟಗಾರ ಎಂಬ ಕೀರ್ತಿಗೆ ಡೇನಿಯಲ್ ಭಾಜನರಾದರು.
ಈ ಮೂಲಕ 2021ರ ಗ್ರ್ಯಾಂಡ್ ಸ್ಲ್ಯಾಮ್ ಪ್ರಶಸ್ತಿ ಪಡೆಯುವ ಯುವಪಡೆಯಲ್ಲಿ ಡೇನಿಯಲ್ ಮೆಡ್ವೆಡೆವ್ ಸಹ ಪ್ರಮುಖರು ಎನಿಸಿಕೊಂಡಿದ್ದಾರೆ.
