ಬೆಲ್ಗ್ರೇಡ್: ಸರ್ಬಿಯಾದಲ್ಲಿ ನಡೆದ ವಿಶ್ವದ 3ನೇ ಶ್ರೇಯಾಂಕದ ಆಸ್ಟ್ರೀಯನ್ ಟೆನ್ನಿಸಿಗ ಡೊಮೆನಿಕ್ ಥೀಮ್ ಸರ್ಬಿಯಾದ ಫಿಲಿಪ್ ಕ್ರಜಿನೋವಿಕ್ರನ್ನು ಮಣಿಸಿ ಪ್ರಶಸ್ತಿ ಎತ್ತಿ ಹಿಡಿದಿದ್ದಾರೆ.
ಥೀಮ್ 4-3(7-2),2-4, 4-2 ರಲ್ಲಿ ಸರ್ಬನಿಯನ್ ಟೆನ್ನಿಸ್ ಆಟಗಾರರನ್ನು ಬಗ್ಗುಬಡಿದಿದ್ದಾರೆ. ಭಾನುವಾರ ನಡೆದ ಟೂರ್ನಿಯ ಫೈನಲ್ ಪಂದ್ಯದಲ್ಲಿ ಥೀಮ್ ಮೊಲ ಸೆಟ್ನಲ್ಲಿ ಕ್ರಜಿನೋವಿಕ್ ಅವರೊಂದಿಗೆ ಕಠಿಣ ಪೈಪೋಟಿ ಎದುರಿಸಿದ್ದರು. ಆದರೆ ಟೈಬ್ರೇಕ್ನಲ್ಲಿ ಸೆಟ್ ಗೆಲ್ಲುಕೊಳ್ಳುವಲ್ಲಿ ಯಶಸ್ವಿಯಾದರು.
ಪ್ರಸ್ತುತ ವಿಶ್ವದ 32 ನೇ ಸ್ಥಾನದಲ್ಲಿರುವ ಕ್ರಜಿನೋವಿಕ್, ಎರಡನೇ ಸೆಟ್ನಲ್ಲಿ ತಿರುಗಿ ಬಿದ್ದು, 3-1ರ ಹಿನ್ನಡೆಯೊಂದಿಗೂ 4-2ರಲ್ಲಿ ಸೆಟ್ ಗೆಲ್ಲುವಲ್ಲಿ ಯಶಸ್ವಿಯಾದರು. ಆದರೆ ಮೂರನೇ ಸೆಟ್ನಲ್ಲಿ ವಿಶ್ವದ 3ನೇ ಶ್ರೇಯಾಂಕದ ಆಟಗಾರ ವಿರುದ್ಧ 2-4ರಲ್ಲಿ ಸೋಲುವ ಮೂಲಕ ರನ್ನರ್ ಆಪ್ಗೆ ತೃಪ್ತಿಪಟ್ಟಿದ್ದಾರೆ.
ಅಗ್ರಕ್ರಮಾಂಕದ ಟೆನ್ನಿಸ್ ಆಟಗಾರ ನೂವಾಕ್ ಜೊಕೊವಿಕ್ ಅವರ ಸಂಘಟನೆ ಈ ಪ್ರಾದೇಶಿಕ ಚಾರಿಟಿ ಟೆನ್ನಿಸ್ ಟೂರ್ನಮೆಂಟ್ಅನ್ನು ಜೂನ್ 13-14 ರಂದು ಆಯೋಜಿಸಿತ್ತು.
ನೊವಾಕ್ ಜೊಕೊವಿಕ್ ಭಾನುವಾರ ಕ್ರಜಿನೋವಿಕ್ ವಿರುದ್ಧ 2-4, 4-2, 4-1 ಸೋಲು ಕಂಡಿದ್ದರು. ಆದರೂ ಗುಂಪಿನಲ್ಲಿ ಎರಡನೇಯವರಾಗಿ ಸ್ಥಾನಪಡೆದುಕೊಂಡಿದ್ದರು.
