ನ್ಯೂಯಾರ್ಕ್: 18 ನೇ ಗ್ರ್ಯಾಂಡ್ ಸ್ಲಾಮ್ ಮೇಲೆ ಕಣ್ಣಿಟ್ಟಿರುವ ಸರ್ಬಿಯಾದ ನೊವಾಕ್ ಜೋಕೊವಿಕ್ ತಮ್ಮ ಮೂರನೆ ಸುತ್ತಿನ ಪಂದ್ಯದಲ್ಲಿ ಜಾನ್ ಲೆನ್ನಾರ್ಡ್ ಸ್ಟ್ರಫ್ರನ್ನು ಮಣಿಸಿ 4 ನೇ ಸುತ್ತು ಪ್ರವೇಶಿಸಿದ್ದಾರೆ.
ಮೂರನೇ ಸುತ್ತಿನ ಪಂದ್ಯದಲ್ಲಿ ವಿಶ್ವದ ನಂಬರ್ ಒನ್ ಆಟಗಾರ 6-3,6-3,6-1ರ ನೇರ ಸೆಟ್ಗಳಲ್ಲಿ ಜರ್ಮನಿಯ ಲೆನ್ನಾರ್ಡ್ ಸ್ಟ್ರಫ್ ಮಣಿಸಿ ಫ್ರೀ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದಾರೆ. ಅವರು ಮುಂದಿನ ಸುತ್ತಿನ ಪಂದ್ಯದಲ್ಲಿ ಸ್ಪೇನಿನ ಪಾಬ್ಲೊ ಕರೆನೊ ಬುಸ್ಟಾ ಅವರನ್ನು ಎದುರಿಸಲಿದ್ದಾರೆ.
ಮಹಿಳೆಯರ ವಿಭಾಗದಲ್ಲಿ10ನೇ ಶ್ರೇಯಾಂಕದ ಜಪಾನ್ನ ನವೋಮಿ ಒಸಾಕ ತಮ್ಮ ಮೂರನೇ ಸುತ್ತಿನ ಪಂದ್ಯದಲ್ಲಿ ಉಕ್ಕ್ರೇನ್ನ ಮಾರ್ಟ ಕಾಸ್ಟ್ಯುಕ್ರನ್ನು 6-3, 6-7, 6-2 ರಲ್ಲಿ ಮಣಿಸಿ ಫ್ರೀ ಕ್ವಾರ್ಟರ್ಫೈನಲ್ ಪ್ರವೇಶಿಸಿದ್ದಾರೆ. ಒಸಾಕ ತನ್ನ ಮುಂದಿನ ಸುತ್ತಿನಲ್ಲಿ ಇಸ್ಟೋನಿಯಾದ ಅನೆಟ್ ಕೊಂಟಾವೀಟ್ ಅವರನ್ನು ಎದುರಿಸಲಿದ್ದಾರೆ.
ಎಂಟನೇ ಶ್ರೇಯಾಂಕದ ಕ್ರೊವೇಷಿಯಾದ ಪೆಟ್ರಾ ಮಾರ್ಟಿಕ ರಷ್ಯಾದ ವಾರ್ವರ ಗ್ರ್ಯಾಚೇವಾರನ್ನು 6-3-6-3 ರಲ್ಲಿ ಮಣಿಸಿ ನಾಲ್ಕನೇ ಸುತ್ತು ಪ್ರವೇಶಿಸಿದ್ದಾರೆ.
