ಅಬುಧಾಬಿ: ಐಸಿಸಿ ಟಿ-20 ವಿಶ್ವಕಪ್ನ ಸೂಪರ್-12ರ ಗ್ರೂಪ್ 2ರ ಪಂದ್ಯದಲ್ಲಿಂದು ಅಫ್ಘಾನಿಸ್ತಾನ ತಂಡ ನಮೀಬಿಯಾ ಸವಾಲು ಎದುರಿಸಲಿದೆ. ಈಗಾಗಲೇ ಒಂದೊಂದು ಪಂದ್ಯದಲ್ಲಿ ಗೆಲುವು ಸಾಧಿಸಿರುವ ಉಭಯ ತಂಡಗಳು ಇಂದಿನ ಮ್ಯಾಚ್ನಲ್ಲಿ ಗೆದ್ದು ಮತ್ತಷ್ಟು ಆತ್ಮವಿಶ್ವಾಸ ವೃದ್ಧಿಸಿಕೊಳ್ಳುವ ತವಕದಲ್ಲಿವೆ.
ಮಧ್ಯಾಹ್ನ 3:30ಕ್ಕೆ ಅಬುಧಾಬಿ ಮೈದಾನದಲ್ಲಿ ಪಂದ್ಯ ಆರಂಭಗೊಳ್ಳಲಿದೆ. ಸ್ಕಾಟ್ಲೆಂಡ್ ವಿರುದ್ಧ ಭರ್ಜರಿ ಗೆಲುವು ದಾಖಲು ಮಾಡಿದ್ದ ಅಫ್ಘಾನಿಸ್ತಾನ ತಂಡ ನಂತರ ಪಾಕಿಸ್ತಾನದ ವಿರುದ್ಧ ಹೋರಾಡಿ ಸೋಲು ಕಂಡಿದೆ. ಆದರೆ ಇಂದಿನ ಪಂದ್ಯದಲ್ಲಿ ಗೆಲುವು ಸಾಧಿಸಿ, ಜಯದ ಲಯಕ್ಕೆ ಮರಳುವ ಇರಾದೆ ಇಟ್ಟುಕೊಂಡಿದೆ.
ಇನ್ನು ಇದೇ ಮೊದಲ ಬಾರಿ ವಿಶ್ವಕಪ್ ಟೂರ್ನಿಯಲ್ಲಿ ಆಡುತ್ತಿರುವ ನಮೀಬಿಯಾ ತಂಡ ಆಲ್ರೌಂಡ್ ಆಟದ ಮೂಲಕ ಸ್ಕಾಟ್ಲೆಂಡ್ ತಂಡಕ್ಕೆ ಸೋಲಿನ ರುಚಿ ತೋರಿಸಿದ್ದು, ಇಂದಿನ ಪಂದ್ಯದಲ್ಲಿ ಗೆಲುವು ಸಾಧಿಸಿ, ಸತತ ಎರಡನೇ ಜಯದ ತವಕದಲ್ಲಿದೆ. ಅಫ್ಘಾನಿಸ್ತಾನದಲ್ಲಿ ರಾಶೀದ್ ಖಾನ್, ಮುಜೀಬ್ ಉರ್ ರಹಮಾನ್, ಮೊಹಮ್ಮದ್ ನಬಿ ಸೇರಿದಂತೆ ಸ್ಪಿನ್ನರ್ಗಳಿದ್ದು, ಹಜರುತುಲ್ಲಾ ಝಜೈ, ಮೊಹಮ್ಮದ್ ಸಹ್ಜಾದ್, ಮೊಹಮ್ಮದ್ ನಬಿ, ರಹಮದುಲ್ಲಾ ಗುರ್ಬಾಜ್ ಸೇರಿದಂತೆ ಅನೇಕ ಸ್ಫೋಟಕ ಬ್ಯಾಟರ್ಗಳಿದ್ದಾರೆ.
ಇದನ್ನೂ ಓದಿರಿ: ವಿರಾಟ್ vs ವಿಲಿಯಮ್ಸನ್: ಇಂದಿನ ಪಂದ್ಯ ಗೆಲ್ಲುವ ತಂಡಕ್ಕೆ ಸೆಮಿಫೈನಲ್ ಹಾದಿ ಸುಗಮ
ನಮೀಬಿಯಾ ಕೂಡ ಆಲ್ರೌಂಡ್ ತಂಡವಾಗಿದ್ದು, ತಂಡದಲ್ಲಿ ವಿಲಿಯಮ್ಸ್, ಮೈಕಲ್ ವಾನ್ ಗ್ರಿನ್, ಡೇವಿಡ್ ವೈಸ್ ಹಾಗೂ ಗ್ರಿಲ್ಯಾಂಡ್ ಸ್ಫೋಟಕ ಬ್ಯಾಟಿಂಗ್ ಆಡುವ ಸಾಮರ್ಥ್ಯ ಹೊಂದಿದ್ದಾರೆ. ಜೊತೆಗೆ ಬೌಲಿಂಗ್ನಲ್ಲಿ ರೂಬೆನ್ ಟ್ರಂಪೆಲ್ಮನ್, ಜಾನ್ ಫ್ರಿಲಿಂಕ್, ಡೇವಿಡ್ ವೈಸ್ನಂತಹ ಬೌಲರ್ಗಳಿದ್ದಾರೆ.
ಆಡುವ 11ರ ಬಳಗ ಇಂತಿದೆ
ನಮೀಬಿಯಾ: ವಿಲಿಯಮ್ಸ್, ಜೇನ್ ಗ್ರೀನ್, ಗ್ರಿಲ್ಯಾಂಡ್, ಎರಾಸ್ಮಸ್(ಕ್ಯಾಪ್ಟನ್) ಡೇವಿಡ್ ವೈಸ್, ಮೈಕಲ್ ವ್ಯಾನ್, ಸ್ಮಿಟ್, ಜಾನ್ ಫ್ರಿಲಿಂಕ್, ಫ್ರಾನ್ಸ್, ಜಾನ್ ನಿಕೋಲ್, ರೊಬೆನ್ ಟ್ರಂಪೆಲ್ಮನ್, ಬರ್ನಾರ್ಡ್
ಅಫ್ಘಾನಿಸ್ತಾನ: ಹಜರತುಲ್ಲಾ ಝಜೈ, ಮೊಹಮ್ಮದ್ ಶಹ್ಜಾದ್, ರಹಮನುಲ್ಲಾ ಗುರ್ಬಾಜ್, ಮೊಹಮ್ಮದ್ ನಬಿ(ಕ್ಯಾಪ್ಟನ್) ಅಸ್ಗರ್ ಅಫ್ಘಾನ್, ಗುಲ್ಬದಿನ್ ನೈಬ್, ರಾಶೀದ್ ಖಾನ್,ಕರೀಂ ಜನತ್/ಫರಿದ್ ಅಹ್ಮದ್,ಮುಜೀಬ್ ಉರ್ ರಹಮಾನ್
