ಒಲಿಂಪಿಕ್ಸ್​ ಪದಕಕ್ಕೆ 12 ವರ್ಷ: ಸರ್ಕಾರಿ ಉದ್ಯೋಗಕ್ಕಾಗಿ ಗ್ಲೌಸ್ ತೊಟ್ಟಿದ್ದ ವಿಜೇಂದರ್​ ಸಿಂಗ್​ ಕಹಾನಿ

2008ರ ಈ ದಿನ ವಿಜೇಂದರ್​ ಸಿಂಗ್​ ಅವರ ಸಾಧನೆಯನ್ನು ಇಡೀ ಭಾರತ ಕಣ್ತುಂಬಿಕೊಂಡಿತ್ತು. ಬಾಕ್ಸಿಂಗ್​ ಇತಿಹಾಸದಲ್ಲೇ ಮೊದಲ ಬಾರಿಗೆ ಒಲಿಂಪಿಕ್ಸ್​ನಲ್ಲಿ ಪದಕ ಮುಡಿಗೇರಿಸಿಕೊಂಡ ವಿಜೇಂದರ್​ ಸಿಂಗ್​ ಭಾರತೀಯರ ಮನೆಮಾತಾದರು.

ನವದೆಹಲಿ: ಕೇವಲ ಸರ್ಕಾರಿ ಕೆಲಸ ಪಡೆದು ಜೀವನದಲ್ಲಿ ನೆಲೆಕಂಡುಕೊಳ್ಳುವ ಸಲುವಾಗಿ ಗ್ಲೌಸ್​ ತೊಟ್ಟು ರಿಂಗ್​ಗೆ​ ಇಳಿದಿದ್ದ ವಿಜೇಂದರ್​ ಸಿಂಗ್ ಭಾರತದ​ ಬಾಕ್ಸಿಂಗ್ ಲೋಕದ ದಂತ ಕಥೆಯಾಗಿ ಬದಲಾದರು.

2008ರ ಈ ದಿನ ವಿಜೇಂದರ್​ ಸಿಂಗ್​ ಅವರ ಸಾಧನೆಯನ್ನು ಇಡೀ ಭಾರತ ಕಣ್ತುಂಬಿಕೊಂಡಿತ್ತು. ಬಾಕ್ಸಿಂಗ್​ ಇತಿಹಾಸದಲ್ಲೇ ಮೊದಲ ಬಾರಿಗೆ ಒಲಿಂಪಿಕ್ಸ್​ನಲ್ಲಿ ಪದಕ ಮುಡಿಗೇರಿಸಿಕೊಂಡ ವಿಜೇಂದರ್​ ಸಿಂಗ್​ ಭಾರತೀಯರ ಮನೆಮಾತಾದರು.

ಹಲವಾರು ಒಲಿಂಪಿಕ್ಸ್​ಗಳಲ್ಲಿ ಭಾರತದ ಬಾಕ್ಸರ್​ಗಳು ಅವಕಾಶ ಪಡೆದರೂ ಪದಕಕ್ಕಾಗಿ ಕಾಯುವಿಕೆ ತುಂಬಾ ವರ್ಷಗಳ ಕಾಲ ಮುಂದುವರಿದಿತ್ತು. ಆದರೆ ಆರಡಿ ಎತ್ತರದ ವಿಜೇಂದರ್ ಸಿಂಗ್​​ 2008ರ ಬೀಜಿಂಗ್​ ಒಲಿಂಪಿಕ್ಸ್​ನಲ್ಲಿ ಕಂಚಿನ ಪದಕವನ್ನು ಎತ್ತಿ ಹಿಡಿಯುವ ಮೂಲಕ ಭಾರತಕ್ಕೆ ಪದಕ ತಂದುಕೊಟ್ಟಿದ್ದರು.

ವಿಶೇಷವೆಂದರೆ ಆ ಒಲಿಂಪಿಕ್ಸ್​ನಲ್ಲಿ ಭಾರತದ ಅಖಿಲ್​ ಕುಮಾರ್​ ಮೇಲೆ ಪದಕದ ನಿರೀಕ್ಷೆ ಬಲವಾಗಿತ್ತು. ಅದಕ್ಕೆ ತಕ್ಕಂತೆ ಅವರೂ ಕೂಡ ವಿಶ್ವದ ನಂಬರ್ ಒನ್​ ಶ್ರೇಯಾಂಕದ ಬಾಕ್ಸರ್​ಗೆ ಮಣ್ಣು ಮುಕ್ಕಿಸಿ ಕ್ವಾರ್ಟರ್ ಫೈನಲ್​ ಪ್ರವೇಶಿಸಿದ್ದರು. ಆದರೆ ಕ್ವಾರ್ಟರ್​ ಫೈನಲ್​ನಲ್ಲಿ ಸೋಲನುಭವಿಸಿ ನಿರಾಶೆ ಮೂಡಿಸಿದ್ದರು.

ವಿಜೇಂದರ್​ ಸಿಂಗ್

ಅದೇ ಸಂದರ್ಭದಲ್ಲಿ ಅಭಿನವ್​ ಬಿಂದ್ರಾ 10 ಮೀಟರ್​ ರೈಫಲ್​ನಲ್ಲಿ ಐತಿಹಾಸಿಕ ಚಿನ್ನದ ಪದಕ ಗೆದ್ದರು. ನಂತರ ಸುಶಿಲ್​ ಕುಮಾರ್​ ಕುಸ್ತಿಯಲ್ಲಿ ಕಂಚಿನ ಪದಕ ಗೆದ್ದರು. ಇದರ ನಂತರ ಕೋಟ್ಯಾಂತರ ಭಾರತೀಯರ ಭರವಸೆ ವಿಜೇಂದರ್​ ಕಡೆ ತಿರುಗಿತು. ಆದರೆ ಒತ್ತಡವನ್ನು ಯಶಸ್ವಿಯಾಗಿ ನಿಭಾಯಿಸಿದ ವಿಜೇಂದರ್ ಸಿಂಗ್​ ಈಕ್ವೆಡಾರ್​ನ ಕಾರ್ಲೋಸ್​ ಗೊಂಗರ ಅವರನ್ನು ಮಣಿಸಿ ಬಾಕ್ಸಿಂಗ್ ಇತಿಹಾಸದಲ್ಲೇ ಭಾರತಕ್ಕೆ ಮೊದಲ ಪದಕ ತಂದುಕೊಟ್ಟರು.

• This Day That Year:
  22nd Aug, 2008: Star Indian Boxer Vijender Singh won Bronze medal in Beijing Olympics and changed the face of Indian Boxing | @boxervijender pic.twitter.com/eUeS0Xy6Wg

  — India_AllSports (@India_AllSports) August 22, 2020 " class="align-text-top noRightClick twitterSection" data="

  This Day That Year:
  22nd Aug, 2008: Star Indian Boxer Vijender Singh won Bronze medal in Beijing Olympics and changed the face of Indian Boxing | @boxervijender pic.twitter.com/eUeS0Xy6Wg

  — India_AllSports (@India_AllSports) August 22, 2020

  ">

  This Day That Year:
  22nd Aug, 2008: Star Indian Boxer Vijender Singh won Bronze medal in Beijing Olympics and changed the face of Indian Boxing | @boxervijender pic.twitter.com/eUeS0Xy6Wg

  — India_AllSports (@India_AllSports) August 22, 2020

ಅಂದು ಕಂಚಿನ ಪದಕ ಪಡೆದರೂ ಇವರ ಸಾಧನೆ ಭಾರತದ ಬಾಕ್ಸಿಂಗ್​ ಲೋಕದಲ್ಲಿ ಕ್ರಾಂತಿಯನ್ನೇ ಸೃಷ್ಟಿಸಿತು. ಇವರ ಬೆನ್ನಲ್ಲೇ ಭಾರತದ ಮಹಿಳಾ ಲೆಜೆಂಡ್​ ಮೇರಿಕೋಮ್​ 2012ರ ಆವೃತ್ತಿಯಲ್ಲಿ ಕಂಚಿನ ಪದಕಕ್ಕೆ ಕೊರಳೊಡ್ಡಿದರು. ಇದೀಗ ಪ್ರಸ್ತುತ ಮೂರಕ್ಕೂ ಹೆಚ್ಚು ಬಾಕ್ಸರ್​ಗಳು 2021ರ ಒಲಿಂಪಿಕ್ಸ್​ಗೆ ನೇರ ಅರ್ಹತೆ ಪಡೆದಿದ್ದಾರೆ.

ವಿಜೇಂದರ್​ ಸಿಂಗ್​ ಅವರ ಸಹೋದರ ಮನೋಜ್​ ಕುಮಾರ್​ ಬಾಕ್ಸಿಂಗ್​ನಲ್ಲಿದ್ದದ್ದರಿಂದ ಸೇನೆಯಲ್ಲಿ ಕೆಲಸ ಗಿಟ್ಟಿಸಿಕೊಂಡಿದ್ದರು. ಇದೇ ಕಾರಣದಿಂದ ಬಾಕ್ಸಿಂಗ್​ಗೆ ಎಂಟ್ರಿಕೊಟ್ಟಿದ ವಿಜೇಂದರ್​ ಸಿಂಗ್​ ಬಾಕ್ಸಿಂಗ್​ ಅನ್ನೇ ಉಸಿರಾಗಿಸಿಕೊಂಡರು ಎನ್ನುವುದು ಇತಿಹಾಸ. ಸದ್ಯಕ್ಕೆ ಅಮೆಚೂರ್​ ಬಾಕ್ಸಿಂಗ್ ಬಿಟ್ಟು ವೃತ್ತಿಪರ ಬಾಕ್ಸಿಂಗ್​ನಲ್ಲಿ ಮಿಂಚುತ್ತಿರುವ ವಿಜೇಂದರ್​ ಸಿಂಗ್​ ಸೋಲಿಲ್ಲದ ಸರದಾರನಂತೆ ಮಿಂಚುತ್ತಿದ್ದಾರೆ.