ದುಬೈ : ಭಾರತದ ಮೂವರು ಬಾಕ್ಸರ್ಗಳು ದುಬೈನಲ್ಲಿ ನಡೆಯುತ್ತಿರುವ ಏಷ್ಯನ್ ಜೂನಿಯರ್ ಚಾಂಪಿಯನ್ಶಿಪ್ನಲ್ಲಿ ಫೈನಲ್ ಪ್ರವೇಶಿಸಿದ್ದಾರೆ. ಮಂಗಳವಾರ ರಾತ್ರಿ ನಡೆದ ಸೆಮಿಫೈನಲ್ ಪಂದ್ಯದಲ್ಲಿ 48 ಕೆಜಿ ವಿಭಾಗದಲ್ಲಿ ರೋಹಿತ್ ಚಮೋಲಿ ಮತ್ತು 81+ ಕೆಜಿ ವಿಭಾಗದಲ್ಲಿ ಭರತ್ ಜೂನ್ ಹಾಗೂ ಹುಡುಗಿಯರ ವಿಭಾಗದಲ್ಲಿ ಮುಸ್ಕಾನ್(46ಕೆಜಿ) ಫೈನಲ್ ಪ್ರವೇಶಿಸಿದ್ದಾರೆ.
ಭರತ್ ಕಿರ್ಗಿಸ್ತಾನದ ಎಮಿರ್-ಖಾನ್ ವಿರುದ್ಧ 5-0, ಚಮೋಲಿ ಇಷ್ಟೇ ಅಂಕಗಳ ಅಂತರದಿಂದ ಕಜಕಿಸ್ತಾನದ ಐದರ್ ಕದಿರ್ಖಾನ್ ವಿರುದ್ಧ ಗೆಲುವು ಸಾಧಿಸಿದರು. ಮುಸ್ಕಾನ್ ಕಜಕಿಸ್ತಾನದ ಯೆಲ್ಯಾನೂರ್ ತುರ್ಗನೊವಾ ವಿರುದ್ಧ ಸರ್ವಾನುಮತದ ಗೆಲುವನ್ನು ಪಡೆದರು. ದೇವಿಕಾ ಘೋರ್ಪಡೆ(50ಕೆಜಿ), ಸುಪ್ರಿಯಾ ರಾವತ್ (66 ಕೆಜಿ) ಮತ್ತು ಆರ್ಜೂ (54 ಕೆಜಿ) 2-3ರಲ್ಲಿ ಉಜ್ಬೇಕಿಸ್ತಾನದ ಬಾಕ್ಸರ್ಗಳ ವಿರುದ್ಧ ಸೆಮಿಫೈನಲ್ನಲ್ಲಿ ಸೋಲು ಅನುಭವಿಸಿ ಕಂಚು ಪಡೆದರು.
ಹುಡುಗರ ಸ್ಪರ್ಧೆಯಲ್ಲಿ ಅಂಕುಶ್(66ಕೆಜಿ) ಕೂಡ ಉಜ್ಬೆಕಿಸ್ತಾನದ ಫಾಜ್ಲಿದ್ದೀನ್ ಎರ್ಕಿಂಬೋವ್ ವಿರುದ್ಧ ನಾಲ್ಕರ ಘಟ್ಟದಲ್ಲಿ ಸೋಲು ಕಂಡು ಕಂಚಿಗೆ ತೃಪ್ತಿಪಟ್ಟುಕೊಂಡರು. ಈ ಸ್ಪರ್ಧೆಯಲ್ಲಿ ಯೂತ್ ಚಾಂಪಿಯನ್ಶಿಪ್ನಲ್ಲಿ ಚಿನ್ನ ಗೆಲ್ಲುವ ಸ್ಪರ್ಧಿ 6000 ಅಮೆರಿಕನ್ ಡಾಲರ್, ಬೆಳ್ಳಿ ಪದಕ ಗೆದ್ದವರಿಗೆ 3000 ಮತ್ತು ಕಂಚು ಗೆದ್ದವರಿಗೆ 1,500 ಡಾಲರ್ ಬಹುಮಾನ್ ನೀಡಲಾಗುತ್ತದೆ. ಜೂನಿಯರ್ ಚಾಂಪಿಯನ್ ವಿಭಾಗದಲ್ಲಿ ಚಿನ್ನಕ್ಕೆ 4000, ಬೆಳ್ಳಿಗೆ 2000 ಮತ್ತು ಕಂಚಿಗೆ 1000 ಡಾಲರ್ ಬಹುಮಾನ ನೀಡಲಾಗುತ್ತದೆ.
ಇದನ್ನು ಓದಿ:ಏಷ್ಯನ್ ಯೂತ್ ಬಾಕ್ಸಿಂಗ್: ಸೆಮಿಫೈನಲ್ ತಲುಪಿದ ನಾಲ್ವರು ಭಾರತೀಯ ಬಾಕ್ಸರ್ಗಳು
