ನವದೆಹಲಿ: ದುಬೈನಲ್ಲಿ ನಡೆಯುತ್ತಿರುವ ಎಎಸ್ಬಿಸಿ ಯೂತ್ ಅಂಡ್ ಜೂನಿಯರ್ ಬಾಕ್ಸಿಂಗ್ ಚಾಂಪಿಯನ್ಶಿಪ್ನಲ್ಲಿ ಭಾರತದ ಮೂರು ಬಾಕ್ಸರ್ಗಳು ಸೆಮಿಫೈನಲ್ ಪ್ರವೇಶಿಸುವ ಮೂಲಕ ಮೂರು ಪದಕ ಖಚಿತ ಪಡಿಸಿದ್ದಾರೆ.
ರೋಹಿತ್ ಚಮೋಲಿ(48 ಕೆಜಿ), ಅಂಕುಶ್(66ಕೆಜಿ) ಮತ್ತು ಗೌರವ್ ಸೈನಿ(70ಕೆಜಿ) ಶನಿವಾರ ಸೆಮಿಫೈನಲ್ ಪ್ರವೇಶಿಸಿದ್ದಾರೆ. ಚಂಡೀಗಡದ ಚಮೋಲಿ ಸಿರಿಯಾದ ಅಲ್ಹಾಸ್ಸಾನ್, ಕಡೌಸ್ ವಿರುದ್ಧ 5-0, ಅಂಕುಶ್ ಕುವೈತ್ ಬಾಕ್ಸರ್ ಬದೇರ್ ಶೆಹಾಬ್ ವಿರುದ್ಧ 5-0 ಮತ್ತು ಹರಿಯಾಣದ ಸೈನಿ ಕೂಡ ಮತ್ತೊಬ್ಬ ಕುವೈತ್ ಬಾಕ್ಸರ್ ವಿರುದ್ಧ ಜಯ ಸಾಧಿಸಿದರು.
ಆರಂಭಿಕದ ದಿನದಂದು ಜೂನಿಯರ್ ಬಾಕ್ಸರ್ಗಳಾದ ಆಶೀಷ್(54ಕೆಜಿ), ಪ್ರೀತ್ ಮಲಿಕ್(63ಕೆಜಿ) ಮತ್ತು ಅನ್ಶುಲ್(57ಕೆಜಿ) ತಮ್ಮ ಮೊದಲ ಸುತ್ತಿನ ಪಂದ್ಯಗಳಲ್ಲಿ ಜಯಬೇರಿ ಬಾರಿಸಿದ್ದರು.
67 ಕೆಜಿ ವಿಭಾಗದಲ್ಲಿ ದಕ್ಷ್ ಸಿಂಗ್ , 75 ಕೆಜಿ ವಿಭಾಗದಲ್ಲಿ ದೀಪಕ್, 86 ಕೆಜಿ ವಿಭಾಗದಲ್ಲಿ ಆದಿತ್ಯ ಜಂಘು, 92 ಕೆಜಿ ವಿಭಾಗದಲ್ಲಿ ಅಭಿಮನ್ಯು ಲೌರಾ ಹಾಗೂ 2021ರ ಯೂತ್ ಚಾಂಪಿಯನ್ಶಿಪ್ ಕಂಚಿನ ಪದಕ ವಿಜೇತ ಬಿಶ್ವಾಮಿತ್ರಾ ಚೊಂಗ್ಥಾಮ್ ಶನಿವಾರ ಕಣಕ್ಕಿಳಿಯಲಿದ್ದಾರೆ.
ಆದರೆ, ಯಶವರ್ಧನ್ ಸಿಂಗ್(60ಕೆಜಿ), ಉಸ್ಮಾನ್ ಮೊಹ್ಮದ್ ಸುಲ್ತಾನ್(56ಕೆಜಿ), ನಕ್ಷ್ ಬೆನಿವಾಲ್(75ಕೆಜಿ) ಮತ್ತು ರಿಷಭ್ ಸಿಂಗ್(81ಕೆಜಿ) ತಮ್ಮ ಮೊದಲ ಸುತ್ತಿನ ಬೌಟ್ನಲ್ಲೇ ಸೋಲು ಕಂಡರು.
ಈ ಸ್ಪರ್ಧೆಯಲ್ಲಿ ವಯಸ್ಸಿನ ಆಧಾರಿತ ಗುಂಪಿನಲ್ಲಿ ಚಿನ್ನ ಗೆಲ್ಲುವ ಸ್ಪರ್ಧಿ 6000 ಅಮೆರಿಕನ್ ಡಾಲರ್, ಬೆಳ್ಳಿ ಪದಕ ಗೆದ್ದವರಿಗೆ 3000 ಮತ್ತು ಕಂಚು ಗೆದ್ದವರಿಗೆ 1,500 ಡಾಲರ್ ಬಹುಮಾನ್ ನೀಡಲಾಗುತ್ತದೆ.
ಜೂನಿಯರ್ ಚಾಂಪಿಯನ್ ವಿಭಾಗದಲ್ಲಿ ಚಿನ್ನಕ್ಕೆ 4000 , ಬೆಳ್ಳಿಗೆ 2000 ಮತ್ತು ಕಂಚಿಗೆ 1000 ಡಾಲರ್ ಬಹುಮಾನ ನೀಡಲಾಗುತ್ತದೆ.
