ನವದೆಹಲಿ: ಕೇಂದ್ರ ಕ್ರೀಡಾ ಸಚಿವಾಲಯ 6 ಹೊಸ ಖೇಲೋ ಇಂಡಿಯಾ ಸೆಂಟರ್ ಆಫ್ ಎಕ್ಸಲೆನ್ಸ್(KISCE) ಕೇಂದ್ರಗಳನ್ನು ತೆರೆಯಲು ಅನುಮೋದನೆ ನೀಡಿದ್ದು, 2020-21ರ ಹಣಕಾಸು ವರ್ಷಕ್ಕೆ 67.32 ಕೋಟಿ ರೂ.ಗಳ ಏಕೀಕೃತ ಬಜೆಟ್ ಅಂದಾಜಿಸಿದೆ. ಈ ಹಣದಲ್ಲಿ ಮುಂದಿನ 4 ವರ್ಷಗಳಲ್ಲಿ ಒಲಿಂಪಿಕ್ಸ್ ಮಟ್ಟದ ಯುವ ಕ್ರೀಡಾ ಪ್ರತಿಭೆಗಳನ್ನು ಗುರುತಿಸುವುದು ಹಾಗೂ ಬೆಳೆಸುವ ಉದ್ದೇಶ ಹೊಂದಿದೆ.
ಅಸ್ಸಾಂ, ಮಹಾರಾಷ್ಟ್ರ, ಮಧ್ಯಪ್ರದೇಶ, ಮೇಘಾಲಯ, ಸಿಕ್ಕಿಮ್ ಮತ್ತು ಕೇಂದ್ರಾಡಳಿತ ಪ್ರದೇಶಗಳಾದ ದಾದ್ರ ಮತ್ತು ನಗರ್ ಹವೇಲಿ, ದಿಯು ಮತ್ತು ದಾಮನ್ ನಗರಗಳಲ್ಲಿ KISCE ಕೇಂದ್ರಗಳನ್ನು ಎರಡನೇ ಹಂತದಲ್ಲಿ ನಿರ್ಮಿಸಲು ಗುರುತಿಸಲಾಗಿದೆ.
ಯಾವ ರಾಜ್ಯಕ್ಕೆ ಎಷ್ಟು ಹಣ
- ಅಸ್ಸಾಂ: ಸ್ಟೇಟ್ಸ್ ಸ್ಪೋರ್ಟ್ಸ್ ಅಕಾಡೆಮಿ, ಸಾರುಸಜೈ- 7.96 ಕೋಟಿ ರೂ.
- ಮೇಘಾಲಯ: ಜೆಎನ್ಎಸ್ ಕಾಂಪ್ಲೆಕ್ಸ್, ಶಿಲ್ಲಾಂಗ್ 8.39 ಕೋಟಿ ರೂ.
- ದಾಮನ್ ಮತ್ತು ದಿಯು: ನ್ಯೂ ಸ್ಪೋರ್ಟ್ಸ್ ಕಾಂಪ್ಲೆಕ್ಸ್, ಸಿಲ್ವಾಸ್ಸಾ- 8.05 ಕೋಟಿ ರೂ.
- ಮಧ್ಯಪ್ರದೇಶ: ಎಂಪಿ ಸ್ಟೇಟ್ ಆಕಾಡೆಮಿ- 19 ಕೋಟಿ
- ಮಹಾರಾಷ್ಟ್ರ: ಶ್ರೀ ಶಿವಛತ್ರಪತಿ ಸ್ಪೋರ್ಟ್ಸ್ ಕಾಂಪ್ಲೆಕ್ಸ್, ಬಾಲೇವಾಡಿ, ಪುಣೆ- 16 ಕೋಟಿ ರೂ.
- ಸಿಕ್ಕಿಮ್: ಪಾಲ್ಜೋರ್ ಕ್ರೀಡಾಂಗಣ, ಗ್ಯಾಂಗ್ಟಾಕ್ - 7.91 ಕೋಟಿ ರೂ.
