ದುಬೈ: ಭಾರತದ ಭರವಸೆಯ ಬಾಕ್ಸರ್ ಏಷ್ಯನ್ ಬಾಕ್ಸಿಂಗ್ ಚಾಂಪಿಯನ್ಶಿಪ್ ಫೈನಲ್ನಲ್ಲಿ ರಿಯೋ ಒಲಿಂಪಿಕ್ಸ್ನಲ್ಲಿ ಬೆಳ್ಳಿ ಗೆದ್ದಿದ್ದ ಕಜಕಸ್ತಾನದ ವಾಸಿಲಿ ಲೆವಿಟ್ ಅವರನ್ನು ಮಣಿಸಿ ಚಿನ್ನಕ್ಕೆ ಮುತ್ತಿಕ್ಕಿದ್ದಾರೆ.
91 ಕೆಜಿ ವಿಭಾಗದಲ್ಲಿ ಸೋಮವಾರ ನಡೆದ ಫೈನಲ್ ಪಂದ್ಯದಲ್ಲಿ ಸಂಜೀತ್ 3-2ರಲ್ಲಿ 5 ಬಾರಿಯ ಏಷ್ಯನ್ ಚಾಂಪಿಯನ್ಶಿಪ್ ಪದಕ ವಿಜೇತ ವಾಲಿ ವಿರುದ್ಧ ಜಯ ಸಾಧಿಸಿದರು.
ಆದರೆ ಒಲಿಂಪಿಕ್ಸ್ ಬೌಂಡ್ ಬಾಕ್ಸರ್ ಅಮಿತ್ ಪಂಘಲ್ 3-2ರ ಅಂತರದಲ್ಲಿ ಉಜ್ಬೆಕಿಸ್ತಾನದ ಹಾಲಿ ಒಲಿಂಪಿಕ್ಸ್ ಚಾಂಪಿಯನ್ ಜೊಯಿರೋವ್ ಶಖೋಬಿದಿನ್ ವಿರುದ್ಧ 2-3ರಲ್ಲಿ ಸೋಲು ಕಂಡು ಬೆಳ್ಳಿಗೆ ತೃಪ್ತಿಪಟ್ಟುಕೊಂಡರು. ಶಿವ ಥಾಪ ಕೂಡ 64 ಕೆಜಿ ವಿಭಾಗದಲ್ಲಿ ಬೆಳ್ಳಿಗೆ ತೃಪ್ತಿಪಟ್ಟರು.
ಟೂರ್ನಿಯಲ್ಲಿ ಭಾಗವಹಿಸಿದ್ದ 19 ಮಂದಿ ಬಾಕ್ಸರ್ಗಳಲ್ಲಿ 15 ಮಂದಿ ಪದಕ ಪಡೆಯುವಲ್ಲಿ ಸಫಲರಾಗಿದ್ದಾರೆ. ಮಹಿಳೆಯರ ವಿಭಾಗದಲ್ಲಿ 10 ಮತ್ತು ಪುರುಷರ ವಿಭಾಗದಲ್ಲಿ 5 ಮಂದಿ ಪದಕ ಪಡೆದಿದ್ದಾರೆ. ಒಟ್ಟು 2 ಚಿನ್ನ 5 ಬೆಳ್ಳಿ, 8 ಕಂಚು ಪದಕ ಭಾರತದ ಪಾಲಾಗಿವೆ.
ಇದನ್ನು ಓದಿ:ಏಷ್ಯನ್ ಬಾಕ್ಸಿಂಗ್ ಚಾಂಪಿಯನ್ಶಿಪ್: 10 ಪದಕಗಳಿಗೆ ಕೊರಳೊಡ್ಡಿದ ಭಾರತದ ಮಹಿಳಾ ಬಾಕ್ಸರ್ಸ್
