ನವದೆಹಲಿ: ಭಾರತದ ಖ್ಯಾತ ಶಟ್ಲರ್ ಪಿವಿ ಸಿಂಧು ಸೈಯದ್ ಮೋದಿ ಇಂಟರ್ನ್ಯಾಷನಲ್ ಸೂಪರ್ 300 ಟೂರ್ನಮೆಂಟ್ನಲ್ಲಿ ಕ್ವಾರ್ಟರ್ ಫೈನಲ್ಸ್ಗೆ ಲಗ್ಗೆಯಿಟ್ಟಿದ್ದಾರೆ. ಪುರುಷರ ವಿಭಾಗದಲ್ಲಿ ಹೆಚ್ಎಸ್ ಪ್ರಣಯ್ 8ರ ಘಟ್ಟಕ್ಕೆ ಪ್ರವೇಶಿಸಿದ್ದಾರೆ.
ಗುರುವಾರ ನಡೆದ ಪಂದ್ಯದಲ್ಲಿ ಟೂರ್ನಮೆಂಟ್ನಲ್ಲಿ ಅಗ್ರ ಶ್ರೇಯಾಂಕ ಪಡೆದಿರುವ ಸಿಂಧು, ಗುರುವಾರ ನಡೆದ 2ನೇ ಸುತ್ತಿನ ಪಂದ್ಯದಲ್ಲಿ ಅಮೆರಿಕಾದ ಲಾರೆನ್ ಲ್ಯಾಮ್ ವಿರುದ್ಧ 21-16, 21-13ರ ಅಂತರದಲ್ಲಿ ಕೇವಲ 33 ನಿಮಿಷಗಳಲ್ಲೇ ಪಂದ್ಯವನ್ನು ಗೆದ್ದುಕೊಂಡರು.
ಮಾಜಿ ವಿಶ್ವಚಾಂಪಿಯನ್ ಸಿಂಧು 8ರ ಘಟ್ಟದ ಪಂದ್ಯದಲ್ಲಿ 6ನೇ ಶ್ರೇಯಾಂಕದ ಥಾಯ್ ಶಟ್ಲರ್ ಸುಪನಿಡಾ ಕೆಟೆಥಾಂಗ್ ವಿರುದ್ಧ ಸೆಣಸಾಡಲಿದ್ದಾರೆ. ಇದೇ ಆಟಗಾರ್ತಿಯ ವಿರುದ್ಧ ಇಂಡಿಯಾ ಓಪನ್ ಸೆಮಿಫೈನಲ್ಸ್ನಲ್ಲಿ ಸೋಲು ಕಂಡಿದ್ದರು.
ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ
ಮಹಿಳೆಯರ ಇತರೆ ಸಿಂಗಲ್ಸ್ ಪಂದ್ಯದಲ್ಲಿ ಆಕರ್ಷಿ 21-9, 21-6ರಲ್ಲಿ ಸಾಯಿ ಉತ್ತೇಜಿತ ರಾವ್ರನ್ನು, ಸಮಿಯಾ ಇಮಾದ್ ಫಾರೂಕಿ 21-6, 21-15ರಲ್ಲಿ ಕನಿಕಾ ಕನ್ವಾಲ್ರನ್ನು, ಮಾಳವಿಕಾ 21-10, 21-8ರಲ್ಲಿ ಪ್ರೇರಣಾರನ್ನು ಮಣಿಸಿದರು.
5ನೇ ಶ್ರೇಯಾಂಕ ಪಡೆದುಕೊಂಡಿರುವ ಪ್ರಣಯ್ ಭಾರತದವರೇ ಆದ ಪ್ರಿಯಾನ್ಶು ರಾಜಾವತ್ ವಿರುದ್ಧ 21-11, 16-21, 21-18ರ ರೋಚಕ ಕದನದಲ್ಲಿ ಗೆಲುವು ಸಾಧಿಸಿ ಕ್ವಾರ್ಟರ್ಗೆ ಎಂಟ್ರಿಕೊಟ್ಟರು. ಮುಂದಿನ ಸುತ್ತಿನಲ್ಲಿ ಭಾರತದ ಕಾರ್ತಿಕೇಯಾ ಗುಲ್ಶಾನ್ ಕುಮಾರ್ರನ್ನು ಮಣಿಸಿರುವ ಫ್ರಾನ್ಸ್ನ ಅರ್ನಾಡ್ ಮೆರ್ಕಲ್ ವಿರುದ್ಧ ಕಣಕ್ಕಿಳಿಯಲಿದ್ದಾರೆ.
ಇದನ್ನೂ ಓದಿ:ಐಸಿಸಿ ವರ್ಷದ ಟೆಸ್ಟ್ ತಂಡದಲ್ಲಿ ರೋಹಿತ್, ಪಂತ್, ಅಶ್ವಿನ್ಗೆ ಸ್ಥಾನ... ವಿಲಿಯಮ್ಸನ್ ನಾಯಕ
