ಆಕ್ರಮಣಕಾರಿ ಬದಲು ಜವಾಬ್ದಾರಿ ಆಟ: ಯುಪಿ ಯೋಧ ಮಣಿಸಿ ಸೇಡು ತೀರಿಸಿಕೊಂಡ ಬುಲ್ಸ್​

ಬೆಂಗಳೂರು ಬುಲ್ಸ್​ 17 ಪಂದ್ಯಗಳಲ್ಲಿ 9 ಜಯ ಮತ್ತು 7 ಸೋಲು ಹಾಗೂ ಒಂದು ಟೈನೊಂದಿಗೆ ಅಂಕಪಟ್ಟಿಯಲ್ಲಿ 2ನೇ ಸ್ಥಾನದಲ್ಲಿ ಮುಂದುವರಿದರೆ, ಸೋಲು ಕಂಡ ಯೋಧ 14 ಪಂದ್ಯಗಳಲ್ಲಿ 5 ಗೆಲುವು ಮತ್ತು 7 ಸೋಲು ಹಾಗೂ 3 ಟೈ ಸಾಧಿಸಿ 6ನೇ ಸ್ಥಾನಕ್ಕೆ ಬಡ್ತಿ ಪಡೆದುಕೊಂಡಿತು.

ಬೆಂಗಳೂರು: ಕಳೆದ 6 ಪಂದ್ಯಗಳಲ್ಲಿ 5 ರಲ್ಲಿ ಸೋಲು ಕಂಡಿದ್ದ ಬೆಂಗಳೂರು ಬುಲ್ಸ್​ ಇಂದು ತನ್ನ ಆಕ್ರಮಣ ಕಾರಿ ಆಟವನ್ನು ಬದಿಗೊತ್ತಿ ತಾಳ್ಮೆಯ ಆಟವನ್ನು ಪ್ರದರ್ಶಿಸಿ ಬಲಿಷ್ಠ ಯುಪಿ ತಂಡವನ್ನು 31-26ರಲ್ಲಿ ಮಣಿಸುವ ಮೂಲಕ ಗೆಲುವಿನ ಹಾದಿಗೆ ಮರಳಿದೆ.

ಯು ಮುಂಬಾ ಮತ್ತು ತಮಿಳ್ ತಲೈವಾಸ್​ ವಿರುದ್ಧ ಹೀನಾಯ ಪ್ರದರ್ಶನ ತೋರಿ ಭಾರಿ ಅಂತರದಿಂದ ಸೋಲು ಕಂಡಿದ್ದ ಪವನ್​ ಪಡೆ, ಇಂದಿನ ಪಂದ್ಯದಲ್ಲಿ ಆರಂಭದಿಂದ ಅಂತ್ಯದವರೆಗೆ ಎಚ್ಚರಿಕೆಯಿಂದ ಆಡಿತು. ಮೊದಲ ಹತ್ತು ನಿಮಿಷದೊಳಗೆ ಯೋಧ ತಂಡವನ್ನು ಆಲ್ ​ಔಟ್​ ಮಾಡಿದ ಬುಲ್ಸ್​ ಮೊದಲಾರ್ಧದ ವೇಳೆಗೆ 19-13ರಲ್ಲಿ ಮುನ್ನಡೆ ಪಡೆದುಕೊಂಡಿತು. ಅದೇ ಮುನ್ನಡೆಯನ್ನು ಕೊನೆಯವರೆಗೂ ಕಾಯ್ದುಕೊಳ್ಳವಲ್ಲಿ ಯಶಸ್ವಿಯಾಯಿತು.

• MATCH SET. SCORE SETTLED. 💯
  
  The Bulls are back on track with a terrific victory over their arch-rivals 💥#SuperhitPanga #VIVOProKabaddi #BLRvUP pic.twitter.com/RX0ieeYts1

  — ProKabaddi (@ProKabaddi) February 1, 2022 " class="align-text-top noRightClick twitterSection" data="

  MATCH SET. SCORE SETTLED. 💯
  
  The Bulls are back on track with a terrific victory over their arch-rivals 💥#SuperhitPanga #VIVOProKabaddi #BLRvUP pic.twitter.com/RX0ieeYts1

  — ProKabaddi (@ProKabaddi) February 1, 2022

  ">

  MATCH SET. SCORE SETTLED. 💯
  
  The Bulls are back on track with a terrific victory over their arch-rivals 💥#SuperhitPanga #VIVOProKabaddi #BLRvUP pic.twitter.com/RX0ieeYts1

  — ProKabaddi (@ProKabaddi) February 1, 2022

ಬೆಂಗಳೂರು ಪರ ಪವನ್​ ಶೆರಾವತ್​ 9 ಅಂಕ ಪಡೆದರೆ, ಇವರಿಗೆ ಸಾಥ್ ನೀಡಿದ ಭರತ್​ 6 ಅಂಕ ಪಡೆದರು. ಅಮನ್​ 7 ಟ್ಯಾಕಲ್​ ಅಂಕ ಪಡೆದು ಯುಪಿ ರೈಡರ್​ಗಳ ವಿರುದ್ಧ ಪ್ರಾಬಲ್ಯ ಸಾಧಿಸಿದರು. ಸೌರಭ್ ನಂಡಲ್ 3 , ಅಂಕಿತ್ 2 ಆಂಕ ಪಡೆದರು.

ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ

ಬೆಂಗಳೂರು ಡಿಫೆಂಡರ್​ಗಳ ವಿರುದ್ಧ ಯುಪಿ ರೈಡರ್​ಗಳ ಆಟ ನಡೆಯಲಿಲ್ಲ. ಪರ್​ದೀಪ್ ನರ್ವಾಲ್ 12 ರೈಡ್​ನಲ್ಲಿ ಕೇವಲ 4 ಅಂಕ ಪಡೆದರೆ ಸುರೇಂದ್ರ ಗಿಲ್​ 9 ರೈಡ್​ನಲ್ಲಿ ಕೇವಲ 2 ಅಂಕ ಮಾತ್ರ ಪಡೆದರು. ಸಬ್​ಸ್ಟಿಟ್ಯೂಟ್​ ಆಗಿ ಬಂದ ಶ್ರೀಕಾಂತ್ ಜಾಧವ್​ 6 ಅಂಕ ಪಡೆದರು. ಡಿಫೆಂಡಿಂಗ್​ನಲ್ಲಿ ನಿತೇಶ್ ಕುಮಾರ್​ 6 ಮತ್ತು ಸುಮಿತ್​ 4 ಅಂಕ ಪಡೆದು ಮಿಂಚಿದರಾದರೂ ಸೋಲನ್ನು ತಪ್ಪಿಸಲಾಗಲಿಲ್ಲ.

ಬೆಂಗಳೂರು ಬುಲ್ಸ್​ 17 ಪಂದ್ಯಗಳಲ್ಲಿ 9 ಜಯ ಮತ್ತು 7 ಸೋಲು ಹಾಗೂ ಒಂದು ಟೈನೊಂದಿಗೆ ಅಂಕಪಟ್ಟಿಯಲ್ಲಿ 2ನೇ ಸ್ಥಾನದಲ್ಲಿ ಮುಂದುವರಿದರೆ, ಸೋಲು ಕಂಡ ಯೋಧ 14 ಪಂದ್ಯಗಳಲ್ಲಿ 5 ಗೆಲುವು ಮತ್ತು 7 ಸೋಲು ಹಾಗೂ 3 ಟೈ ಸಾಧಿಸಿ 6ನೇ ಸ್ಥಾನಕ್ಕೆ ಬಡ್ತಿ ಪಡೆದುಕೊಂಡಿತು.

ಇದನ್ನೂ ಓದಿ:ನಿರ್ಮಲಾ ಬಜೆಟ್​ನಲ್ಲಿ ಕ್ರೀಡಾಕ್ಷೇತ್ರಕ್ಕೂ ಬಲ​.. ಕಳೆದ ವರ್ಷಕ್ಕಿಂತ 305 ಕೋಟಿ ರೂ. ಹೆಚ್ಚುವರಿ ಅನುದಾನ ಘೋಷಣೆ