ಗ್ರೀಕೋ ರೋಮನ್ ಕುಸ್ತಿಪಟು ನವೀನ್ ಕುಮಾರ್​ಗೆ ಮತ್ತೆ ಕೊರೊನಾ ದೃಢ

ನವೀನ್‌ ಕುಮಾರ್‌ ಕಳೆದ 5 ತಿಂಗಳ ಹಿಂದೆ ಕೊರೊನಾಗೆ ತುತ್ತಾಗಿದ್ದು, ಬಳಿಕ ಚೇತರಿಸಿಕೊಂಡಿದ್ದರು. ಈಗ ಎರಡನೇ ಬಾರಿ ಕೊರೊನಾ ಸೋಂಕು ಕಾಣಿಸಿಕೊಂಡಿದೆ.

ಸೋಫಿಯಾ (ಬಲ್ಗೇರಿಯಾ): ವಿಶ್ವ ಒಲಿಂಪಿಕ್ ಅರ್ಹತಾ ಪಂದ್ಯಗಳಲ್ಲಿ ಸ್ಪರ್ಧಿಸಲು ಸಜ್ಜಾಗಿದ್ದ ಭಾರತದ ಗ್ರೀಕೋ ರೋಮನ್ ಕುಸ್ತಿಪಟು ನವೀನ್ ಕುಮಾರ್ ಅವರಿಗೆ ಎರಡನೇ ಬಾರಿ ಕೊರೊನಾ ಸೋಂಕು ದೃಢಪಟ್ಟಿದೆ. ಹೀಗಾಗಿ ಅವರು ಸ್ಪರ್ಧೆಯಿಂದ ಹಿಂದೆ ಸರಿದಿದ್ದಾರೆ.

"ಬುಧವಾರ ತಂಡದ ಎಲ್ಲಾ ಸದಸ್ಯರನ್ನು ಕೋವಿಡ್​ ಪರೀಕ್ಷೆಗೆ ಒಳಪಡಿಸಲಾಗಿದ್ದು, ನಮ್ಮೆಲ್ಲರ ವರದಿ ನೆಗೆಟಿವ್ ಬಂದಿದೆ. ನವೀನ್​ಗೆ ಮತ್ತೆ ಸೋಂಕು ತಗುಲಿದೆ. ಅವರು ಈಗ ಇರುವ ಹೋಟೆಲ್​ನಲ್ಲಿಯೇ ತಂಗಿದ್ದಾರೆ" ಎಂದು ಹರ್ಗೋಬಿಂದ್ ಹೇಳಿದರು.

ಗ್ರೀಕೋ ರೋಮನ್ ಸ್ಪರ್ಧೆಯು ಶನಿವಾರದಿಂದ ಪ್ರಾರಂಭವಾಗಲಿದ್ದು, ಈಗ 97 ಕೆಜಿ ಸ್ಪರ್ಧೆಯಲ್ಲಿ ಭಾರತವು ಪ್ರತಿನಿಧಿಸುವುದಿಲ್ಲ. ಭಾರತದ ಯಾವುದೇ ಗ್ರೀಕೋ ರೋಮನ್ ಕುಸ್ತಿಪಟುಗಳು ಟೋಕಿಯೊ ಕ್ರೀಡಾಕೂಟಕ್ಕೆ ಅರ್ಹತೆ ಪಡೆದಿಲ್ಲ.