ನಾಳೆ ಹಾಕಿ ವಿಶ್ವಕಪ್​ ಅನಾವರಣ: ಬಾರಾಬತಿ ಕ್ರೀಡಾಂಗಣದಿಂದ ಅದ್ಧೂರಿ ಚಾಲನೆ

ಹಾಕಿ ವಿಶ್ವಕಪ್​ಗೆ ನಾಳೆ ಅನಾವರಣ - ವಿಶ್ವಕಪ್​ಗೆ ಚಾಲನೆ ನೀಡುವ ಕಾರ್ಯಕ್ರಮಕ್ಕೆ ಮದುವಣಗಿತ್ತಿಯಂತೆ ಸಿದ್ಧವಾದ ಕಟಕ್​ - ಬಾಲಿವುಡ್​ನ ಪ್ರಸಿದ್ಧ ಕಲಾವಿದರಿಂದ ಮನರಂಜನಾ ಕಾರ್ಯಕ್ರಮ

ಕಟಕ್​(ಒಡಿಶಾ): ಅಂತಾರಾಷ್ಟ್ರೀಯ ಹಾಕಿ ಫೆಡರೇಶನ್​​ ವತಿಯಿಂದ ಆಯೋಜನೆ ಗೊಂಡಿರುವ 15ನೇ ಆವೃತ್ತಿಯ ಹಾಕಿ ವಿಶ್ವಕಪ್​ಗೆ ನಾಳೆ ಅದ್ಧೂರಿ ಚಾಲನೆ ಸಿಗಲಿದೆ. ಒಡಿಶಾದ ಕಟಕ್​ನ ಬಾರಾಬಬತಿ ಕ್ರಿಡಾಂಗಣದಲ್ಲಿ ಮಹಾಕುಂಭದ ಉದ್ಘಾಟನಾ ಸಮಾರಂಭ ನಡೆಯಲಿದೆ. ಬಾಲಿವುಡ್​ನ ಪ್ರಸಿದ್ಧ ಕಲಾವಿದರು ಮನರಂಜನಾ ಕಾರ್ಯಕ್ರಮಗಳನ್ನು ನೀಡಲಿದ್ದಾರೆ. ಕಲಾವಿದರ ಮನರಂಜನಾ ಕಾರ್ಯಕ್ರಮಕ್ಕೆ ಬಾರಾಬತಿ ಕ್ರೀಡಾಂಗಣದಲ್ಲಿ ವೇದಿಕೆ ಸಜ್ಜಾಗಿದೆ. ಇಡೀ ನಗರ ಮದುವಣಗಿತ್ತಿಯಂತೆ ಶೃಂಗಾರವಾಗಿದೆ.

ಹಾಕಿ ವಿಶ್ವಕಪ್​ ಟ್ರೋಫಿ

ಇಂದು ಸಂಜೆ ಹಾಕಿ ವಿಶ್ವಕಪ್ ಟ್ರೋಫಿಗೆ ಅದ್ಧೂರಿ ಸ್ವಾಗತ ಕೋರಲಾಯಿತು. ಕಟಕ್​ ಜಿಲ್ಲಾಡಳಿತವು ಹಾಕಿ ವಿಶ್ವಕಪ್ ​ಅನ್ನು ಸ್ವೀಕರಿಸಿ ​ಜವಾಹರಲಾಲ್​ ನೆಹರು ಒಳಾಂಗಣ ಕ್ರೀಡಾಂಗಣದಲ್ಲಿ ಪೊಲೀಸ್​ ಬಿಗಿ ಭದ್ರತೆಯಲ್ಲಿ ಇರಿಸಿದೆ. ನಾಳೆ ವಿಶ್ವಕಪ್ ಅ​ನ್ನು ಅನಾವರಣಗೊಳಿಸಿ ಕಾರ್ಯಕ್ರಮಕ್ಕೆ ಚಾಲನೆ ನೀಡಲಾಗುವುದು. ಟ್ರೋಫಿ ಅನಾವಣದ ನಂತರ ನಗರದ ಪ್ರಮುಖ ಪ್ರದೇಶಗಳಲ್ಲಿ ಮೆರವಣಿಗೆಗೊಳ್ಳಲಿದೆ. ನಂತರ ಹಾಕಿ ವಿಶ್ವಕಪ್ ಟ್ರೋಫಿ ನಾಳೆ ಮಧ್ಯಾಹ್ನ 1 ಗಂಟೆಗೆ ಬಾರಾಬತಿ ಕ್ರೀಡಾಂಗಣಕ್ಕೆ ಆಗಮಿಸಲಿದೆ.

• Just 2️⃣ days to go!
  
  Watch your favourite stars at the #Celebrations of #HWC2023, to be held at the historic #BarabatiStadium in #Cuttack.
  
  Also catch them LIVE 🔴 on DSYS YouTube Channel, DD Sports & https://t.co/PDBHO9iOdb on Jan 11th, from 6 PM onwards.
  #HockeyHaiDilMera pic.twitter.com/bj0LtOyII4

  — Odisha Sports (@sports_odisha) January 9, 2023 " class="align-text-top noRightClick twitterSection" data="

  Just 2️⃣ days to go!
  
  Watch your favourite stars at the #Celebrations of #HWC2023, to be held at the historic #BarabatiStadium in #Cuttack.
  
  Also catch them LIVE 🔴 on DSYS YouTube Channel, DD Sports & https://t.co/PDBHO9iOdb on Jan 11th, from 6 PM onwards.
  #HockeyHaiDilMera pic.twitter.com/bj0LtOyII4

  — Odisha Sports (@sports_odisha) January 9, 2023

  ">

  Just 2️⃣ days to go!
  
  Watch your favourite stars at the #Celebrations of #HWC2023, to be held at the historic #BarabatiStadium in #Cuttack.
  
  Also catch them LIVE 🔴 on DSYS YouTube Channel, DD Sports & https://t.co/PDBHO9iOdb on Jan 11th, from 6 PM onwards.
  #HockeyHaiDilMera pic.twitter.com/bj0LtOyII4

  — Odisha Sports (@sports_odisha) January 9, 2023

ಮೆರವಣಿಗೆ ವೇಳೆ ನಗರದ ವಿವಿಧೆಡೆ ಟ್ರೋಫಿಯನ್ನು ಸ್ವಾಗತಿಸಲಾಗುವುದು. ಮಧ್ಯಾಹ್ನ 3 ಗಂಟೆಯೊಳಗೆ ಬಾರಾಬತಿ ಕ್ರೀಡಾಂಗಣಕ್ಕೆ ತಲುಪುವಂತೆ ಸಿಎಂಸಿ ಆಯುಕ್ತರು ಮನವಿ ಮಾಡಿದ್ದಾರೆ. ಉದ್ಘಾಟನಾ ಸಮಾರಂಭದಲ್ಲಿ ಒಡಿಶಾ ಹೈಕೋರ್ಟ್‌ನ ಮುಖ್ಯ ನ್ಯಾಯಮೂರ್ತಿಗಳು, ಇತರ ನ್ಯಾಯಾಧೀಶರು, ಮುಖ್ಯಮಂತ್ರಿಗಳು, ಸಚಿವರು ಮತ್ತು ರಾಜ್ಯದ ಹೊರಗಿನಿಂದ ಬರುವ ಗಣ್ಯರು ಭಾಗವಹಿಸಲಿದ್ದಾರೆ. ಬಾರಬತಿ ಸ್ಟೇಡಿಯಂನಲ್ಲಿ ನಾಳೆ 6 ಗಂಟೆಗೆ ಉದ್ಘಾಟನಾ ಸಮಾರಂಭ ನಡೆಯಲಿದೆ.

ಸಾಂಸ್ಕೃತಿಕ ಕಾರ್ಯಕ್ರಮಕ್ಕೆ ಸಿದ್ಧತೆ: ಬಾರಾಬತಿ ಕ್ರೀಡಾಂಗಣ ನಾಳೆಯ ಉದ್ಘಾಟನಾ ಕಾರ್ಯಕ್ರಮಕ್ಕೆ ಸಂಪೂರ್ಣ ಸಜ್ಜಾಗಿದೆ. ನಾಳೆಯ ಮನರಂಜನಾ ಕಾರ್ಯಕ್ರಮಕ್ಕಾಗಿ ವಿವಿಧ ಕಲಾತಂಡಗಳು ಅಭ್ಯಾಸ ನಡೆಸುತ್ತಿವೆ. ಒಡಿಶಾ ರಾಜ್ಯದ ಸಂಸ್ಕೃತಿಕ ಮೆರುಗನ್ನು ತೋರ್ಪಡಿಸುವ ಮತ್ತು ಗ್ರಾಮೀಣ ಮನರಂಜನಾ ನೃತ್ಯಗಳಿಗೆ ಪ್ರಾಶಸ್ತ್ಯ ನೀಡಲಾಗಿದೆ.

ನಾಳೆ ಮಧ್ಯಾಹ್ನದ ನಂತರ ರಜೆ ಘೋಷಣೆ: ಬಾರಾಬತಿ ಕ್ರೀಡಾಂಗಣದಲ್ಲಿ ನಾಳೆ ಉದ್ಘಾಟನಾ ಸಮಾರಂಭ ಇರುವುದರಿಂದ ಕಟಕ್​ ಜಿಲ್ಲೆಯ ಎಲ್ಲಾ ಶಾಲೆ ಕಾಲೇಜುಗಳಿಗೆ ಮಧ್ಯಾಹ್ನದ ನಂತರ ರಜೆ ಘೋಷಿಸಲಾಗಿದೆ. ಈ ಬಗ್ಗೆ ಕಟಕ್​ ಜಿಲ್ಲಾಧಿಕಾರಿ ಇಂದು ಆದೇಶ ಹೊರಡಿಸಿದ್ದಾರೆ. ಈವೆಂಟ್​ನ ಪಾಸ್​ ಆಥವಾ ಟಿಕೆಟ್​ ಹೊಂದಿರುವವರಿಗೆ ನಗರದಿಂದ ಕ್ರೀಡಾಂಗಣಕ್ಕೆ ಬರಲು ಉಚಿತ ಬಸ್​ ಸೇವೆ ಒದಗಿಸಲಾಗುವುದು ಎಂದು ತಿಳಿಸಿದ್ದಾರೆ. ಅಲ್ಲದೇ ಸರ್ಕಾರಿ ಕಚೇರಿ ಮತ್ತು ಖಾಸಗಿ ಕಂಪನಿಗಳೂ ಸಹ ರಜೆ ಘೋಷಿಸಿವೆ.

ಒಡಿಶಾದಲ್ಲಿ ಹಾಕಿ ವಿಶ್ವಕಪ್​: 2023ರ ಹಾಕಿ ವಿಶ್ವಕಪ್‌ನ 15ನೇ ಆವೃತ್ತಿಯು ಒಡಿಶಾದ ಭುವನೇಶ್ವರ ಮತ್ತು ರೂರ್ಕೆಲಾದಲ್ಲಿ ಜನವರಿ 13 ರಿಂದ 29 ರವರೆಗೆ ನಡೆಯಲಿದೆ. ಈ ಸ್ಪರ್ಧೆಯಲ್ಲಿ ವಿಶ್ವದ 16 ದೇಶಗಳು ವಿಶ್ವ ಚಾಂಪಿಯನ್ ಪಟ್ಟಕ್ಕಾಗಿ ಆಡಲಿವೆ. 13 ರಂದು ವಿಶ್ವದ ನಾಲ್ಕನೇ ಅತಿ ದೊಡ್ಡ ಹಾಕಿ ಕ್ರೀಡಾಂಗಣವಾದ ಬಿರ್ಸಾ ಮುಂಡಾ ಮೈದಾನದಲ್ಲಿ ಭಾರತ ಮತ್ತು ಸ್ಪೇನ್ ​ನಡುವೆ ಪಂದ್ಯ ನಡೆಯಲಿದೆ.

16 ತಂಡಗಳನ್ನು ನಾಲ್ಕು ಗುಂಪುಗಳಾಗಿ ವಿಂಗಡಿಸಲಾಗಿದೆ. ಎ ಗುಂಪಿನಲ್ಲಿ - ಆಸ್ಟ್ರೇಲಿಯಾ, ದಕ್ಷಿಣ ಆಫ್ರಿಕಾ, ಫ್ರಾನ್ಸ್, ಅರ್ಜೆಂಟೀನಾ. ಬಿ ಗುಂಪಿನಲ್ಲಿ - ಬೆಲ್ಜಿಯಂ, ಜಪಾನ್, ಕೊರಿಯಾ, ಜರ್ಮನಿ. ಸಿ ಗುಂಪಿನಲ್ಲಿ - ನೆದರ್‌ಲ್ಯಾಂಡ್, ಚಿಲಿ, ಮಲೇಷ್ಯಾ, ನ್ಯೂಜಿಲ್ಯಾಂಡ್ ​ಮತ್ತು ಡಿ ಗುಂಪಿನಲ್ಲಿ - ಭಾರತ, ವೇಲ್ಸ್, ಸ್ಪೇನ್, ಇಂಗ್ಲೆಂಡ್ ತಂಡಗಳಿವೆ. ನಾಲ್ಕು ಬಾರಿ ಚಾಂಪಿಯನ್​ ಆದ ಪಾಕಿಸ್ತಾನ ಈ ಬಾರಿ ವಿಶ್ವಕಪ್​ಗೆ ಪ್ರವೇಶ ಪಡೆದಿಲ್ಲ.

ಇದನ್ನೂ ಓದಿ: Hockey World Cup: 1972ರ ಮ್ಯೂನಿಚ್​ ಒಲಿಂಪಿಕ್ಸ್‌ನ ಭಾರತದ ಅಗ್ರ ಸಾಧನೆ