'ಥಾಮಸ್​​ ಕಪ್'​ ಗೆದ್ದ ಭಾರತ: ಇದು ಸಾರ್ವಕಾಲಿಕ ಶ್ರೇಷ್ಠ ಸಾಧನೆ ಎಂದ ಕೋಚ್​ ವಿಮಲ್ ಕುಮಾರ್

ಮೇ 15ರಂದು ಥಾಮಸ್ ಕಪ್ ಗೆಲ್ಲುವ ಮೂಲಕ ಭಾರತ ಹೊಸದೊಂದು ಇತಿಹಾಸ ನಿರ್ಮಿಸಿದೆ. ಈ ಸಾಧನೆ ಬಗ್ಗೆ ಕೋಚ್​ ವಿಮಲ್ ಕುಮಾರ್ 'ಈಟಿವಿ ಭಾರತ' ಜೊತೆ ಮಾತನಾಡಿದ್ದಾರೆ.

ಹೈದರಾಬಾದ್​: ಬ್ಯಾಡ್ಮಿಂಟನ್​​​ನಲ್ಲಿ ಹೊಸ ಇತಿಹಾಸ ಸೃಷ್ಟಿ ಮಾಡಿರುವ ಭಾರತ, ಚೊಚ್ಚಲ ಬಾರಿಗೆ 'ಥಾಮಸ್ ಕಪ್​' ಗೆದ್ದು ಐತಿಹಾಸಿಕ ದಾಖಲೆ ನಿರ್ಮಾಣ ಮಾಡಿದೆ. ಈ ವಿಚಾರವಾಗಿ ಕೋಚ್​​ ವಿಮಲ್ ಕುಮಾರ್ ಮಾತನಾಡಿದ್ದು, ಇದೊಂದು ಸಾರ್ವಕಾಲಿಕ ಶ್ರೇಷ್ಠ ಸಾಧನೆ ಎಂದು ಬಣ್ಣಿಸಿದ್ದಾರೆ.

ಭಾರತೀಯ ಬ್ಯಾಡ್ಮಿಂಟನ್​​ನಲ್ಲಿ ಥಾಮಸ್ ಕಪ್​ ಗೆಲುವು ದೊಡ್ಡದು ಎಂದಿರುವ ಅವರು, ಕ್ರಿಕೆಟ್​ನಲ್ಲಿ ವಿಶ್ವಕಪ್​ ಹಾಗೂ ಬ್ಯಾಡ್ಮಿಂಟನ್ ತಾರೆ ಕಿಡಂಬಿ ಶ್ರೀಕಾಂತ್​ ಅವರ ಕೊಡುಗೆಗೆ ಹೋಲಿಕೆ ಮಾಡಿದ್ದಾರೆ. 'ಈಟಿವಿ ಭಾರತ' ಜೊತೆ ದೂರವಾಣಿ ಮೂಲಕ ಮಾತನಾಡಿರುವ ವಿಮಲ್ ಕುಮಾರ್​, ಆಲ್​ ಇಂಗ್ಲೆಂಡ್​ ಚಾಂಪಿಯನ್​ಶಿಪ್​​ನಲ್ಲಿ ಪಿ ವಿ ಸಿಂಧು ಹಾಗೂ ಪ್ರಕಾಶ್ ಪಡುಕೋಣೆ ಅವರ ಸಾಧನೆ ವಿಶೇಷವಾಗಿದ್ದವು. ಆದರೆ, ಒಂದು ತಂಡವಾಗಿ ಥಾಮಸ್​ ಕಪ್​ ಗೆಲುವು ದೊಡ್ಡ ಸಾಧನೆ ಎಂದು ನಾನು ಹೇಳುತ್ತೇನೆ ಎಂದರು.

• What a comeback by @lakshya_sen including this crazy point 👀 He takes 🇮🇳 to a 1️⃣-0️⃣ lead.
  
  Follow LIVE: https://t.co/eLgY44YZE9#ThomasUberCups #Bangkok2022 pic.twitter.com/XsCnanIxvh

  — BWF (@bwfmedia) May 15, 2022 " class="align-text-top noRightClick twitterSection" data="

  What a comeback by @lakshya_sen including this crazy point 👀 He takes 🇮🇳 to a 1️⃣-0️⃣ lead.
  
  Follow LIVE: https://t.co/eLgY44YZE9#ThomasUberCups #Bangkok2022 pic.twitter.com/XsCnanIxvh

  — BWF (@bwfmedia) May 15, 2022

  ">

  What a comeback by @lakshya_sen including this crazy point 👀 He takes 🇮🇳 to a 1️⃣-0️⃣ lead.
  
  Follow LIVE: https://t.co/eLgY44YZE9#ThomasUberCups #Bangkok2022 pic.twitter.com/XsCnanIxvh

  — BWF (@bwfmedia) May 15, 2022

ಈ ಗೆಲುವು ಎಷ್ಟು ವಿಶೇಷ ಮತ್ತು ಬ್ಯಾಡ್ಮಿಂಟನ್​​ಗೆ ಹೇಗೆ ಉತ್ತೇಜನ ನೀಡಲಿದೆ ಎಂದು ಕೇಳಿರುವ ಪ್ರಶ್ನೆಗೆ ಉತ್ತರಿಸಿರುವ ಅವರು, ಈ ಗೆಲುವು ತುಂಬಾ ವಿಶೇಷ. ಬ್ಯಾಡ್ಮಿಂಟನ್​​​ನಲ್ಲಿ ಥಾಮಸ್​ ಕಪ್ ಗೆಲ್ಲುವುದು ಟೆನಿಸ್​​ನಲ್ಲಿ ಡೇವಿಡ್ ಕಪ್​​ ಹಾಗೂ ಕ್ರಿಕೆಟ್​ನಲ್ಲಿ ವಿಶ್ವಕಪ್​ ಗೆದ್ದಿದ್ದಕ್ಕೆ ಸಮಾನ. ಈ ಜಯ ಅನೇಕ ಯುವಕರನ್ನ ಕ್ರೀಡೆಯತ್ತ ಕರೆದೊಯ್ಯುತ್ತದೆ ಎಂದರು.

ಲಕ್ಷ್ಯಸೇನ್​ ಅದ್ಭುತ ಫಾರ್ಮ್​​ನಲ್ಲಿದ್ದು, ಪಂದ್ಯಾವಳಿಯಲ್ಲಿ ಅವರ ಪ್ರದರ್ಶನದ ಬಗ್ಗೆ ನಿಮ್ಮ ಅಭಿಪ್ರಾಯ?: ಇಂತಹ ಚಾಂಪಿಯನ್​ಶಿಪ್​​ಗಳಲ್ಲಿ ಹಿರಿಯ ಆಟಗಾರರು ಹೆಚ್ಚು ಪ್ರಾಮುಖ್ಯತೆ ವಹಿಸುತ್ತಾರೆ. ಲಕ್ಷ್ಯಸೇನ್​ಗೆ ಹೋಲಿಕೆ ಮಾಡಿದಾಗ, ಶ್ರೀಕಾಂತ್, ಪ್ರಣಯ್​ ಅನುಭವಿ ಆಟಗಾರರು. ಆದರೆ, ಲಕ್ಷ್ಯಸೇನ್​​ ಪ್ರದರ್ಶನ ನಿಜಕ್ಕೂ ಎಲ್ಲರಿಗೂ ಪ್ರೇರಣೆ. 1983ರಲ್ಲಿ ಭಾರತ ವಿಶ್ವಕಪ್ ಗೆದ್ದ ಬಳಿಕ ಕ್ರಿಕೆಟ್ ಜನಪ್ರಿಯವಾಯಿತು. ಬ್ಯಾಡ್ಮಿಂಟನ್ ಕೂಡ ಇದೀಗ ಹೆಚ್ಚು ಜನಪ್ರಿಯವಾಗುತ್ತಿದ್ದು, ಥಾಮಸ್ ಕಪ್​ನಲ್ಲಿ ಕಿಡಂಬಿ ಶ್ರೀಕಾಂತ್​ ಅವರ ಪರಿಶ್ರಮ ತುಂಬಾ ಇದೆ ಎಂದು ಹೇಳಿದರು.