ಹೈದರಾಬಾದ್: ಭಾರತದ ಟಾಪ್ ಫ್ರೀಸ್ಟೈಲ್ ಕುಸ್ತಿಪಟು ಬಜರಂಗ್ ಪೂನಿಯಾ 2020(21)ರಲ್ಲಿ ನಡೆಯುವ ಟೋಕಿಯೋ ಒಲಿಂಪಿಕ್ಸ್ನಲ್ಲಿ ಚಿನ್ನದ ಪದಕ ಗೆದ್ದು 2008ರಲ್ಲಿ ಅಭಿನವ್ ಬಿಂದ್ರಾ ಮಾಡಿದ ಸಾಧನೆಯನ್ನು ಪುನಾರಾವರ್ತಿಸುವೆ ಎಂದು ಈ ಟಿವಿ ಭಾರತ ನಡೆಸಿದ ಎಕ್ಸ್ಕ್ಲೂಸಿವ್ ಸಂದರ್ಶನದಲ್ಲಿ ಹೇಳಿಕೊಂಡಿದ್ದಾರೆ.
ಕೊರೊನಾ ವೈರಸ್ ಭೀತಿಯಿಂದ ಮುಂದಿನ ವರ್ಷಕ್ಕೆ ಮುಂದೂಡಲ್ಪಟ್ಟಿರುವ ಟೋಕಿಯೋ ಒಲಿಂಪಿಕ್ಸ್ನಲ್ಲಿ ಭಾರತಕ್ಕೆ ಐತಿಹಾಸಿಕ ಎರಡನೇ ಚಿನ್ನದ ಪದಕ ಗೆದ್ದು ಕೊಡುವ ಬಹುದೊಡ್ಡ ಭರವಸೆ ಮೂಡಿಸಿದ್ದಾರೆ.
ಕೋಟ್ಯಂತರ ಜನ ಸಂಖ್ಯೆ ಇರುವ ಭಾರತ ದೇಶ ಒಲಿಂಪಿಕ್ಸ್ ಇತಿಹಾಸದಲ್ಲಿ ಗೆದ್ದಿರುವುದು ಕೇವಲ ಒಂದೇ ಒಂದು ಚಿನ್ನದ ಪದಕ ಎನ್ನುವುದು ನಿಜಕ್ಕೂ ವಿಷಾದವೇ ಸರಿ. ಅದು 2008ರ ಬೀಜಿಂಗ್ ಒಲಿಂಪಿಕ್ಸ್ನಲ್ಲಿ ಅಭಿನವ್ ಬಿಂದ್ರಾ ಶೂಟಿಂಗ್ನಲ್ಲಿ ಗೆದ್ದಿದ್ದರು. ಇದು ವೈಯಕ್ತಿಕ ವಿಭಾಗದಲ್ಲಿ ಬಂದಿದ್ದ ಮೊದಲ ಚಿನ್ನದ ಪದಕವಾಗಿದೆ. ವಿಶ್ವದ ಎರಡನೇ ಹೆಚ್ಚು ಜನಸಂಖ್ಯೆಯನ್ನು ಹೊಂದಿರುವ ದೇಶವಾದ ಭಾರತ ತಂಡ ಮುಂದಿನ ವರ್ಷ ನಡೆಯುವ ಒಲಿಂಪಿಕ್ಸ್ನಲ್ಲಿ ಎರಡನೇ ಚಿನ್ನಕ್ಕಾಗಿ ಕಾತುರದಿಂದ ಕಾಯುತ್ತಿದೆ.
ಇಡಿ ದೇಶದ ಜನರ ನಿರೀಕ್ಷೆಯನ್ನು ಈಡೇರಿಸುವುದು ಅನೇಕ ಜನರಿಗೆ ಹೊರೆಯಾಗಿರಬಹುದು,. ಆದರೆ ಬಜರಂಗ್ ಪೂನಿಯಾಗೆ ಇದೊಂದು ಹೆಮ್ಮೆಯ ವಿಷಯವಾಗಿದೆ.
"ದೇಶವಾಸಿಗಳು ಒಲಿಂಪಿಕ್ ವೈಭವಕ್ಕಾಗಿ ನನ್ನ ಮೇಲೆ ಇಟ್ಟಿರುವ ನಿರೀಕ್ಷೆಗೆ ನಾನು ಕೃತಜ್ಞ ಹಾಗೂ ತೃಪ್ತಿ ಹೊಂದಿದ್ದೇನೆ. ಅವರು ನನ್ನನು ನಂಬುವುದರಿಂದಲೇ ನನ್ನ ಮೇಲೆ ಪದಕದ ನಿರೀಕ್ಷೆಗೆ ಕಾರಣವಾಗಿದೆ. 2008ರಲ್ಲಿ ಬೇಸಿಗೆ ಕೂಟದಲ್ಲಿ ಅಭಿನವ್ ಬಿಂದ್ರಾ ಮಾಡಿರುವ ಸಾಧನೆಯನ್ನು ನಾನು ಪುನಾರಾವರ್ತಿಸುತ್ತೇನೆ ಎಂದು ಪೂನಿಯಾ ಹೇಳಿದ್ದಾರೆ.
65ಕೆಜಿ ವಿಭಾಗದಲ್ಲಿ ಎರಡನೇ ಶ್ರೇಯಾಂಕದಲ್ಲಿರುವ ಪೂನಿಯಾ ಕೊರೊನಾ ವೈರಸ್ ಲಾಕ್ಡೌನ್ ಕುರಿತು ಮಾತನಾಡಿದ್ದು, ತಾವು ಸರ್ಕಾರ ಮತ್ತು ವೈದ್ಯರು ನೀಡಿರುವ ಎಲ್ಲ ಸೂಚನೆ ಮತ್ತು ನಿರ್ದೇಶನಗಳನ್ನು ಪಾಲಿಸುತ್ತಿರುವುದಾಗಿ ಹೇಳಿದ್ದಾರೆ.
"ಲಾಕ್ಡೌನ್ ಜಾರಿಗೊಳಿಸಿದಾಗಿನಿಂದ ನಾನು ಮನೆಯ ಹೊರಗೆ ಹೋಗಿಲ್ಲ, ನಾನು ಮನೆಯಲ್ಲೇ ತರಬೇತಿ ಪಡೆಯುತ್ತಿದ್ದೇನೆ ಹಾಗೂ ಎಲ್ಲ ಕುಸ್ತಿ ಟೂರ್ನಿಗಳನ್ನು ರದ್ದುಗೊಳಿಸಿರುವುದರಿಂದ ನಾನು ಹೊರ ಹೋಗುತ್ತಿಲ್ಲ" ಎಂದು ಪೂನಿಯಾ ಹೇಳಿದ್ದಾರೆ
ಏಷ್ಯನ್ ಮತ್ತು ಕಾಮನ್ವೆಲ್ತ್ ಗೇಮ್ಸ್ನಲ್ಲಿ ಚಿನ್ನದ ಪದಕ ವಿಜೇತರಾಗಿರುವ ಪೂನಿಯಾ ತಮ್ಮ ತರಬೇತಿ ಉತ್ತಮ ರೀತಿಯಲ್ಲಿ ನಡೆಯುತ್ತಿದೆ ಎಂದು ತಿಳಿಸಿದ್ದಾರೆ . ಇನ್ನು ತರಬೇತಿಗೆ ಅಗತ್ಯ ಪಾರ್ಟ್ನರ್ ಅನುಪಸ್ಥಿತಿಯನ್ನು ನಿರಾಕರಿಸಿದ್ದಾರೆ.
ನನ್ನ ತರಬೇತಿ ಅತ್ಯುತ್ತಮವಾಗಿ ನಡೆಯುತ್ತಿದೆ. ನನ್ನ ದೌರ್ಬಲ್ಯಗಳ ಬಗ್ಗೆ ಕೆಲಸ ಮಾಡುತ್ತಿದ್ದೇನೆ. ತರಬೇತಿ ವೇಳೆ ಪಾರ್ಟ್ನರ್ನ ಮಿಸ್ ಮಾಡಿಕೊಳ್ಳುತ್ತಿದ್ದೇನೆ. ಏಕೆಂದರೆ ನಾನು ಮನೆಯಲ್ಲಿ ತರಬೇತಿ ಪಡೆಯುತ್ತಿದ್ದೇನೆ ಹೊರೆತು ಶಿಬಿರಗಳಲ್ಲಿ ಅಲ್ಲ. ಆದ್ದರಿಂದ ನನಗೆ ಪಾರ್ಟ್ನರ್ ಲಭ್ಯರಿಲ್ಲ. ಅದೊಂದನ್ನು ಹೊರತುಪಡಿಸಿದರೆ ಎಲ್ಲವೂ ಉತ್ತಮವಾಗಿ ನಡೆಯುತ್ತಿದೆ. ನನ್ನ ತರಬೇತಿಯನ್ನ ಸುಧಾರಿಸಲು ನಾನು ಕೆಲವು ವಿಷಯಗಳನ್ನು ಅರ್ಥಮಾಡಿಕೊಂಡಿದ್ದೇನೆ.
ಇನ್ನು ತಮ್ಮ ವೃತ್ತಿಜೀವನದ ಅತ್ಯುತ್ತಮ ಕ್ಷಣ ಯಾವುದು ಎಂದಿದ್ದಕ್ಕೆ, ತಾವೂ 18 ಅಥವಾ 19 ವರ್ಷವಿದ್ದಾಗ 2013ರಲ್ಲಿ ವಿಶ್ವಚಾಂಪಿಯನ್ಶಿಪ್ನಲ್ಲಿ ಪದಕ ಗೆದ್ದಿರುವುದು ಎಂದು ಖೇಲ್ರತ್ನ ಪ್ರಶಸ್ತಿ ವಿಜೇತ ಹೇಳಿದ್ದಾರೆ.
