ಬರ್ಮಿಂಗ್‌ಹ್ಯಾಮ್‌(ಯುಕೆ): ಬರ್ಮಿಂಗ್‌ಹ್ಯಾಮ್‌ನಲ್ಲಿ ನಡೆಯುತ್ತಿರುವ ಕಾಮನ್ವೆಲ್ತ್ ಗೇಮ್ಸ್ನಲ್ಲಿ ಭಾರತದ ಭುಜಬಲ ಪರಾಕ್ರಮ ಮುಂದುವರಿದಿದೆ. ಕುಸ್ತಿಯ ಎಲ್ಲ ವಿಭಾಗದಲ್ಲಿಯೂ ಭಾರತದ ಶಕ್ತಿ ಪ್ರದರ್ಶನ ಕಂಡುಬರುತ್ತಿದೆ. ಪುರುಷರ 74 ಕೆಜಿ ವಿಭಾಗದ ಫೈನಲ್‌ ಪಂದ್ಯದಲ್ಲಿ ಕುಸ್ತಿಪಟು ನವೀನ್ ಕುಮಾರ್, ಪಾಕಿಸ್ತಾನದ ಮೊಹಮ್ಮದ್ ಷರೀಫ್ ತಾಹಿರ್ ವಿರುದ್ಧ 9-0 ಅಂತರದ ಜಯ ಸಾಧಿಸಿ ಚಿನ್ನಕ್ಕೆ ಕೊರಳೊಡ್ಡಿದರು. ಇದು ಕುಸ್ತಿಯಲ್ಲಿ ದೇಶದ ಬಂದ 12 ನೇ ಪದಕ ಎಂಬುದು ಗಮನಾರ್ಹ.
-
12th gold medal🥇, 6th in wrestling.. Naveen Kumar winning moments..#Wrestling #naveenkumar #CommonwealthGames2022 pic.twitter.com/giW1T75iLo
— Nishant Rana (@nishantranaCRM) August 6, 2022 " class="align-text-top noRightClick twitterSection" data="
">12th gold medal🥇, 6th in wrestling.. Naveen Kumar winning moments..#Wrestling #naveenkumar #CommonwealthGames2022 pic.twitter.com/giW1T75iLo
— Nishant Rana (@nishantranaCRM) August 6, 202212th gold medal🥇, 6th in wrestling.. Naveen Kumar winning moments..#Wrestling #naveenkumar #CommonwealthGames2022 pic.twitter.com/giW1T75iLo
— Nishant Rana (@nishantranaCRM) August 6, 2022
ನವೀನ್ ಮೊದಲ ಸುತ್ತಿನಲ್ಲಿ ಪಾಕ್ ಪೈಲ್ವಾನ್ನನ್ನು ಉರುಳಿಸುವ ಮೂಲಕ 2 ಪಾಯಿಂಟ್ ಪಡೆದರು. ಬಳಿಕ ಇವರ ಹಲವು ಪ್ರಯತ್ನಗಳಿಗೆ ತಾಹಿರ್ ಸವಾಲೊಡ್ಡಿದರು. ಮೊದಲಾರ್ಧದ ಉಳಿದ ಸಮಯದಲ್ಲಿ ಇಬ್ಬರೂ ಆಟಗಾರರು ರಕ್ಷಣಾತ್ಮಕ ಆಟದ ಮೊರೆ ಹೋದರು. ದ್ವಿತೀಯಾರ್ಧದಲ್ಲಿ ಪಾಕಿಸ್ತಾನದ ಆಟಗಾರನ ಎಲ್ಲ ಪಟ್ಟುಗಳನ್ನು ಬೇಧಿಸಿದ ಚಾಣಾಕ್ಷ ಜಟ್ಟಿ ನವೀನ್ ಸತತವಾಗಿ 8 ಪಾಯಿಂಟ್ ತನ್ನ ಖಾತೆಗೆ ಹಾಕಿಕೊಂಡರು. ಈ ವೇಳೆ ಆದ ಒಂದು ಫೌಲ್ನಿಂದ ಅವರು 1 ಅಂಕ ಕಳೆದುಕೊಳ್ಳಬೇಕಾಯ್ತು. ಆದರೂ ಪಟ್ಟು ಬಿಡದ ನವೀನ್ ಆಕ್ರಮಣಕಾರಿ ಆಟವಾಡಿದರು.
23 ವರ್ಷದ ನವೀನ್‌ರ ತಾಂತ್ರಿಕತೆ ಮತ್ತು ಆಕ್ರಮಣಕಾರಿ ಆಟದ ಮುಂದೆ ಪಾಕ್ ಪೈಲ್ವಾನ ಸಂಪೂರ್ಣವಾಗಿ ಬಸವಳಿದರು. ಉಳಿದ ಸಮಯದಲ್ಲಿ ರಕ್ಷಣೆಗೆ ಮೊರೆ ಹೋಗಿ ಅವರು ಸೋಲನುಭವಿಸಿದರು. ಈ ಮೂಲಕ ನವೀನ್ ಚೊಚ್ಚಲ ಕಾಮನ್ವೆಲ್ತ್ ಗೇಮ್ಸ್ನಲ್ಲಿ ಚಿನ್ನದ ಬೆಳೆ ಬೆಳೆದರು. 23 ವರ್ಷದೊಳಗಿನ ಪಂದ್ಯದ ವಿಶ್ವ ಚಾಂಪಿಯನ್ ನವೀನ್, ಟೋಕಿಯೋ ಒಲಿಂಪಿಕ್ ಸಂದರ್ಭದಲ್ಲಿ ಕೋವಿಡ್ ತುತ್ತಾಗಿ ಕ್ರೀಡಾಕೂಟ ತಪ್ಪಿಸಿಕೊಂಡಿದ್ದರು.
ಇದನ್ನೂ ಓದಿ: CWG 2022: ಇತಿಹಾಸ ಸೃಷ್ಟಿಸಿದ ವಿನೇಶ್ ಫೋಗಟ್... ಹ್ಯಾಟ್ರಿಕ್ ಚಿನ್ನಕ್ಕೆ ಮುತ್ತಿಕ್ಕಿದ ಕುಸ್ತಿಪಟು
