ಟೋಕಿಯೋ: ಭಾರತದ ಭರವಸೆಯ ಬ್ಯಾಡ್ಮಿಂಟನ್ ಜೋಡಿಯಾದ ಚಿರಾಗ್ ಶೆಟ್ಟಿ ಮತ್ತು ಸಾತ್ವಿಕ್ ಸಾಯಿರಾಜ್ ರಾಂಕಿರೆಡ್ಡಿ ಪುರುಷರ ಡಬಲ್ಸ್ನಲ್ಲಿ 3ನೇ ಶ್ರೇಯಾಂಕದ ಚೈನೀಸ್ ತೈಪೆಯ ಯಂಗ್ ಲೀ ಮತ್ತು ಚಿ-ಲಿನ್ ವಾಂಗ್ ವಿರುದ್ಧ ಗೆಲುವು ಸಾಧಿಸಿ ಶುಭಾರಂಭ ಮಾಡಿದ್ದಾರೆ.
ಶನಿವಾರ ನಡೆದ ಪಂದ್ಯದಲ್ಲಿ ಮೊದಲ ಗೇಮ್ನಲ್ಲಿ 21-16ರಿಂದ ಗೆಲುವು ಸಾಧಿಸಿದ ಭಾರತೀಯ ಜೋಡಿ, 2ನೇ ಗೇಮ್ನಲ್ಲಿ ಸತತ ಎರಡು ಥಾಯ್ಲೆಂಡ್ ಓಪನ್ ಗೆದ್ದಿದ್ದ ತೈಪೆ ಜೋಡಿ 16-21ರಿಂದ ಸೋಲು ಕಂಡಿತು. ನಿರ್ಣಾಯಕ ವಾಗಿದ್ದ ಟೈ ಬ್ರೇಕರ್ನಲ್ಲಿ ಎರಡೂ ಜೋಡಿ ಭರ್ಜರಿ ಪೈಪೋಟಿ ನಡೆಸಿದರಾದರು, ಕೊನೆಗೆ ವಿಜಯ ಲಕ್ಷ್ಮಿ ಭಾರತದ ಪಾಲಾಯಿತು.
ಆದರೆ, 13ನೇ ಶ್ರೇಯಾಂಕದ ಸಾಯಿ ಪ್ರಣೀತ್ ಪುರಷರ ಸಿಂಗಲ್ಸ್ನಲ್ಲಿ 47ನೇ ಶ್ರೇಯಾಂಕದ ಇಸ್ರೇಲ್ನ ಮಿಶಾ ಜಿಲ್ಬೆರ್ಮನ್ ವಿರುದ್ಧ 17-21, 15-21ರಲ್ಲಿ ಸೋಲು ಕಾಣುವ ಮೂಲಕ ನಿರಾಸೆಯನುಭವಿಸಿದರು.
ಇದನ್ನು ಓದಿ: Tokyo Olympics- ಭಾರತಕ್ಕೆ ಮೊದಲ ಪದಕ : ಬೆಳ್ಳಿ Medal ಗೆದ್ದ ವೇಟ್ ಲಿಫ್ಟರ್ ಮೀರಾಬಾಯಿ ಚಾನು
