ಮೆಲ್ಬೋರ್ನ್ : 20 ಬಾರಿಯ ಗ್ರ್ಯಾಂಡ್ ಸ್ಲಾಮ್ ಚಾಂಪಿಯನ್ ರಾಫೆಲ್ ನಡಾಲ್ 5 ಸೆಟ್ಗಳ ರೋಚಕ ಹೋರಾಟದಲ್ಲಿ 14ನೇ ಶ್ರೇಯಾಂಕದ ಕೆನಡಾದ ಡೆನಿಸ್ ಶಪೊವಲೋವ್ ವಿರುದ್ಧ ಜಯ ಸಾಧಿಸಿ ನಾಲ್ಕರ ಘಟ್ಟಕ್ಕೆ ಪ್ರವೇಶಿಸಿದ್ದಾರೆ.
4 ಗಂಟೆ 8 ನಿಮಿಷಗಳ ಮ್ಯಾರಾಥಾನ್ ಹೋರಾಟದಲ್ಲಿ ಸ್ಪೇನ್ ಸ್ಟಾರ್ ನಡಾಲ್ 6-3,6-4, 4-6,3-6,6-3ರ ರೋಚಕ ಹಣಾಹಣಿಯಲ್ಲಿ ಶಪೊವಲೋವ್ ವಿರುದ್ಧ ಗೆದ್ದು ಬೀಗಿದರು.
2009ರ ಚಾಂಪಿಯನ್ ನಡಾಲ್ ಮೊದಲೆರಡು ಸೆಟ್ಗಳಲ್ಲಿ ವಿಶ್ವಾಸದಿಂದ ಆಡಿ ಎರಡರಲ್ಲೂ ಗೆಲುವು ಸಾಧಿಸಿದ್ದರಿಂದ ಏಕಪಕ್ಷೀಯವಾಗಿ ಪಂದ್ಯವನ್ನು ಗೆಲ್ಲಬಹುದು ಎಂದು ನಿರೀಕ್ಷಿಸಲಾಗಿತ್ತು. ಆದರೆ, ಕೆನಡಿಯನ್ ಮರು ಹೋರಾಟ ನಡೆಸಿ 3 ಮತ್ತು 4 ಸೆಟ್ಗಳನ್ನು ಗೆದ್ದುಕೊಂಡರು.
ಇದನ್ನೂ ಓದಿ:ಐಪಿಎಲ್ನ ದುಬಾರಿ ಫ್ರಾಂಚೈಸಿಗೆ 'ಲಖನೌ ಸೂಪರ್ ಜೇಂಟ್ಸ್' ಎಂದು ನಾಮಕರಣ
ಆದರೆ, ಕೊನೆಯ ಸೆಟ್ನಲ್ಲಿ ಆಕ್ರಮಣಕಾರಿ ಪ್ರದರ್ಶನ ತೋರಿದ ನಡಾಲ್ ಡಬಲ್ ಫಾಲ್ಟ್ ಹೊರೆತಾಗಿಯೂ ಮೊದಲ ಸರ್ವ್ ಉಳಿಸಿಕೊಂಡಿದ್ದಲ್ಲದೆ, ನಂತರದ ಗೇಮ್ನಲ್ಲಿ ಶಪೊವಲೋವ್ ಸರ್ವೀಸ್ ಬ್ರೇಕ್ ಮಾಡಿ 2-0ಯಲ್ಲಿ ಮುನ್ನಡೆ ಪಡೆದರು.
ಕೊನೆವರೆಗೂ ತಮ್ಮ ಸರ್ವ್ ಉಳಿಸಿಕೊಂಡ ನಡಾಲ್, 6-3ರಲ್ಲಿ ಗೆದ್ದು ಬೀಗಿದರು. ರಾಫೆಲ್ ನಡಾಲ್ ಸೆಮಿಫೈನಲ್ಸ್ನಲ್ಲಿ ಇಟಲಿಯ ಮ್ಯಾಟಿಯೊ ಬೆರೆಟ್ಟಿನಿ ಅಥವಾ ಗೇಲ್ ಮಾನ್ಫಿಲ್ಸ್ ಅವರ ನಡುವೆ ಗೆದ್ದವರನ್ನ ಎದುರಿಸಲಿದ್ದಾರೆ.
ಸೆಮಿಗೆ ಎಂಟ್ರಿಕೊಟ್ಟ ನಂಬರ್ 1 ಆ್ಯಶ್ಲೇ ಬಾರ್ಟಿ : ಮಹಿಳೆಯರ ಸಿಂಗಲ್ಸ್ ವಿಭಾಗದಲ್ಲಿ ವಿಶ್ವದ ನಂಬರ್ 1 ಆಟಗಾರ್ತಿ ಆಸ್ಟ್ರೇಲಿಯಾದ ಬಾರ್ಟಿ 21ನೇ ಶ್ರೇಯಾಂಕದ ಅಮೆರಿಕಾದ ಜೆಸ್ಸಿಕಾ ಪೆಗುಲಾ ವಿರುದ್ಧ 6-2,6-0ಯಲ್ಲಿ ಗೆಲುವು ಸಾಧಿಸಿ ಸೆಮಿಫೈನಲ್ ಪ್ರವೇಶಿಸಿದರು.
2021ರ ವಿಂಬಲ್ಡನ್ ಚಾಂಪಿಯನ್ ಈ ಪ್ರಶಸ್ತಿಯನ್ನು ಗೆದ್ದರೆ 1978ರ ನಂತರ ಆಸ್ಟ್ರೇಲಿಯನ್ ಓಪನ್ ಗೆದ್ದ ಆಸ್ಟ್ರೇಲಿಯನ್ ಆಟಗಾರ್ತಿ ಎಂಬ ಶ್ರೇಯಕ್ಕೆ ಪಾತ್ರರಾಗಲಿದ್ದಾರೆ.
ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ
