ಪ್ಯಾರಾ ಏಷ್ಯನ್ ಗೇಮ್ಸ್​​ 2023 : ಎರಡನೇ ದಿನ ಚಿನ್ನಕ್ಕೆ ಮುತ್ತಿಟ್ಟ ಪ್ರಾಚಿ ಯಾದವ್​

ಚೀನಾದ ಹ್ಯಾಂಗ್​ಝೌನಲ್ಲಿ ನಡೆಯುತ್ತಿರುವ ಪ್ಯಾರಾ ಏಷ್ಯನ್ ಗೇಮ್ಸ್​​ನಲ್ಲಿ ಭಾರತದ ಪ್ರಾಚಿ ಯಾದವ್​ ಚಿನ್ನದ ಪದಕ ಪಡೆದಿದ್ದಾರೆ.

ಹ್ಯಾಂಗ್​ಝೌ (ಚೀನಾ): ಇಲ್ಲಿ ನಡೆಯುತ್ತಿರುವ ಪ್ಯಾರಾ ಏಷ್ಯನ್ ಗೇಮ್ಸ್​​​ನಲ್ಲಿ ಭಾರತ ತನ್ನ ಪದಕ ಬೇಟೆಯನ್ನು ಮುಂದುವರೆಸಿದೆ. ಏಷ್ಯನ್​ ಪ್ಯಾರಾ ಗೇಮ್ಸ್​ನ ಎರಡನೇ ದಿನವಾದ ಮಂಗಳವಾರ ಭಾರತದ ಪ್ರಾಚಿ ಯಾದವ್​ ಚಿನ್ನದ ಪದಕ ಪಡೆದಿದ್ದಾರೆ. ಮಹಿಳೆಯರ ಕೆಎಲ್​2 ಕ್ಯಾನೋಯಿಂಗ್​ ಸ್ಪರ್ಧೆಯಲ್ಲಿ ಪ್ರಾಚಿ ಚಿನ್ನದ ಪದಕ ಗೆದ್ದಿದ್ದು, ಪ್ಯಾರಾ ಏಷ್ಯನ್​ ಗೇಮ್ಸ್​ನ ನಾಲ್ಕನೇ ಆವೃತ್ತಿಯಲ್ಲಿ ಎರಡನೇ ಪದಕಕ್ಕೆ ಮುತ್ತಿಕ್ಕಿದ್ದಾರೆ.

ಮೊದಲ ದಿನ ಬೆಳ್ಳಿ ಪದಕ ಪಡೆದಿದ್ದ ಪ್ರಾಚಿ : ಇದಕ್ಕೂ ಮುನ್ನ ಮೊದಲ ದಿನವಾದ ಸೋಮವಾರ ನಡೆದ ಮಹಿಳೆಯರ ಕ್ಯಾನೋಯಿಂಗ್​ ವಿಎಲ್ 2​ ವಿಭಾಗದಲ್ಲಿ ಪ್ರಾಚಿ ಯಾದವ್​ ಬೆಳ್ಳಿ ಪದಕ ಗೆದ್ದಿದ್ದರು. ಮೊದಲ ದಿನ ಉಜ್ಬೇಕಿಸ್ಥಾನದ ಇರೋದಖೋನ್​ ರುಸ್ತಮೋವ ಜೊತೆ ಪ್ರಬಲ ಹೋರಾಟ ನಡೆಸಿದ ಅವರು ಅಂತಿಮ ಕ್ಷಣದಲ್ಲಿ ಬೆಳ್ಳಿ ಪದಕಕ್ಕೆ ತೃಪ್ತಿಪಡಬೇಕಾಯಿತು. ಪ್ರಾಚಿ ಕೇವಲ 1.022 ಸೆಕೆಂಡ್​ಗಳಲ್ಲಿ ಚಿನ್ನದ ಪದಕದಿಂದ ವಂಚಿತರಾಗಿದ್ದರು.

• First GOLD of Day 2 at #AsianParaGames! 🥇🇮🇳
  
  Our #TOPScheme athlete @ItzPrachi_ strikes Gold for India in Para Canoe, Women's KL2, with an impressive clocking of 54.962.
  This marks her second medal at the #AsianParaGames2022 🏆🚣🏻‍♀️
  
  Congratulations Prachi on this remarkable… pic.twitter.com/i2ZIKRq2Pn

  — SAI Media (@Media_SAI) October 24, 2023 " class="align-text-top noRightClick twitterSection" data="

  First GOLD of Day 2 at #AsianParaGames! 🥇🇮🇳
  
  Our #TOPScheme athlete @ItzPrachi_ strikes Gold for India in Para Canoe, Women's KL2, with an impressive clocking of 54.962.
  This marks her second medal at the #AsianParaGames2022 🏆🚣🏻‍♀️
  
  Congratulations Prachi on this remarkable… pic.twitter.com/i2ZIKRq2Pn

  — SAI Media (@Media_SAI) October 24, 2023

  ">

  First GOLD of Day 2 at #AsianParaGames! 🥇🇮🇳
  
  Our #TOPScheme athlete @ItzPrachi_ strikes Gold for India in Para Canoe, Women's KL2, with an impressive clocking of 54.962.
  This marks her second medal at the #AsianParaGames2022 🏆🚣🏻‍♀️
  
  Congratulations Prachi on this remarkable… pic.twitter.com/i2ZIKRq2Pn

  — SAI Media (@Media_SAI) October 24, 2023

ಇದೀಗ ಮಂಗಳವಾರ ನಡೆದ ಮಹಿಳೆಯರ ಕೆಎಲ್​2 ಕ್ಯಾನೋಯಿಂಗ್​ ಸ್ಪರ್ಧೆಯಲ್ಲಿ ಪ್ರಾಚಿ ಚಿನ್ನದ ಪದಕ ಪಡೆದು ಸಾಧನೆ ಮಾಡಿದ್ದಾರೆ. ಪ್ರಾಚಿ 54.962 ಸೆಕೆಂಡ್​ಗಳಲ್ಲಿ ಗುರಿ ಮುಟ್ಟುವ ಮೂಲಕ ಚಿನ್ನದ ಪದಕ ಪಡೆದರು. ಚೀನಾದ ಶಂಶಾನ್​ ವಾಂಗ್​ 55.674 ಸೆಕೆಂಡ್​ಗಳಲ್ಲಿ ಗುರಿ ಮುಟ್ಟುವ ಮೂಲಕ ಬೆಳ್ಳಿ ಪದಕ ಪಡೆದರು. ಇರಾನ್​ನ ರೊಯಾ ಸೋಲ್ಟಾನಿ 56.714 ಸೆಕೆಂಡ್​ಗಳಲ್ಲಿ ಗುರಿ ತಲುಪುವ ಮೂಲಕ ಕಂಚಿನ ಪದಕ ಪಡೆದರು. ಜೊತೆಗೆ ರಜನಿ ಝಾ12.190 ಸೆಕೆಂಡ್​ಗಳಲ್ಲಿ ಗುರಿ ತಲುಪುವ ಮೂಲಕ ಐದನೇ ಸ್ಥಾನ ಪಡೆದರು. ಒಟ್ಟು ಆರು ಮಂದಿ ಅಥ್ಲೀಟ್​​ಗಳು ಸ್ಫರ್ಧೆಯಲ್ಲಿ ಭಾಗವಹಿಸಿದ್ದರು.

ಇವರ ಜೊತೆಗೆ, ಪುರುಷರ ವಿಭಾಗದ ಕೆಎಲ್​​3 ಕ್ಯಾನೋಯಿಂಗ್​ ಸ್ಪರ್ಧೆಯಲ್ಲಿ 27 ವರ್ಷದ ಮನೀಷ್​ ಕೌರವ್​ ಕಂಚಿನ ಪದಕ ಪಡೆದಿದ್ದಾರೆ. ಪುರುಷರ ವಿಭಾಗದ ಕ್ಯಾನೋಯಿಂಗ್​ ಕೆಎಲ್​3 ಸ್ಪರ್ಧೆಯಲ್ಲಿ 44.065 ಸೆಕೆಂಡ್​ಗಳಲ್ಲಿ ಗುರಿ ಮುಟ್ಟುವ ಮೂಲಕ ಕಂಚಿನ ಪದಕ ಪಡೆದರು. ಮನೀಷ್​ ಕೌರವ್​ ಎರಡು ಬಾರಿ ಏಷ್ಯನ್​ ಚಾಂಪಿಯನ್​ ಶಿಪ್​ನಲ್ಲಿ ಎರಡು ಚಿನ್ನದ ಪದಕವನ್ನು ಪಡೆದಿದ್ದಾರೆ. ಜೊತೆಗೆ ರಾಷ್ಟ್ರಮಟ್ಟದ ಕ್ರೀಡಾಕೂಟದಲ್ಲಿ ಹಲವು ಪದಕಗಳನ್ನು ಪಡೆದಿದ್ದಾರೆ.

ಆರು ಚಿನ್ನ ಸೇರಿ ಒಟ್ಟು 17 ಪದಕ : ಪ್ರಾಚಿ ಯಾದವ್​ ಕಳೆದ ಕೆಲವು ವರ್ಷಗಳಿಂದ ರಾಷ್ಟ್ರೀಯ ಮತ್ತು ಅಂತಾರಾಷ್ಟ್ರೀಯ ಕ್ರೀಡಾಕೂಟದಲ್ಲಿ ಅದ್ಭುತ ಪ್ರದರ್ಶನ ನೀಡುತ್ತಾ ಬಂದಿದ್ದಾರೆ. ಪ್ಯಾರಾಲಿಂಪಿಕ್​ ವರ್ಲ್ಡ್​ ಕಪ್​ನಲ್ಲಿ ಕಂಚಿನ ಪದಕ ಪಡೆಯುವ ಮೂಲಕ ಪ್ರಾಚಿ ಯಾದವ್​ ಪ್ಯಾರಿಸ್ ಒಲಿಂಪಿಕ್ಸ್​ಗೆ ಅರ್ಹತೆ ಪಡೆದಿದ್ದಾರೆ. ಪ್ರಾಚಿ ತನ್ನ ಕ್ರೀಡಾ ಜೀವನವನ್ನು ಪ್ಯಾರಾ ​ಸ್ವಿಮ್ಮರ್​ ಆಗಿ ಪ್ರಾರಂಭಿಸಿದರು. ಬಳಿಕ ತನ್ನ ಈಜುತರಬೇತುದಾರರ ಸಲಹೆಯಂತೆ 2018ರಿಂದ ಕ್ಯಾನೋಯಿಂಗ್​ ತರಬೇತಿಯಲ್ಲಿ ಪಡೆಯಲು ಪ್ರಾರಂಭಿಸಿದರು. ಪ್ರಾಚಿ ಜಪಾನ್​ನ ಟೋಕಿಯೋದಲ್ಲಿ ನಡೆದ ಪ್ಯಾರಾಲಿಂಪಿಕ್​ ಕ್ರೀಡಾಕೂಟಕ್ಕೆ ಅರ್ಹತೆ ಪಡೆದ ಮೊದಲ ಭಾರತೀಯ ಪ್ಯಾರಾ ಕ್ಯಾನೋ ಅಥ್ಲೀಟ್​ ಆಗಿದ್ದಾರೆ. ಏಷ್ಯನ್​ ಪ್ಯಾರಾ ಗೇಮ್ಸ್​ನ ಮೊದಲ ದಿನ ಭಾರತವು ಆರು ಚಿನ್ನ ಸೇರಿ ಒಟ್ಟು 17 ಪದಕಗಳನ್ನು ಗೆದ್ದಿದೆ.

ಇದನ್ನೂ ಓದಿ : ಪ್ಯಾರಾ ಏಷ್ಯನ್ ಗೇಮ್ಸ್: ಮೊದಲ ದಿನ 6 ಚಿನ್ನ ಸೇರಿ 17 ಪದಕ ಗೆದ್ದ ಭಾರತದ ಅಥ್ಲೀಟ್​ಗಳು