ನವದೆಹಲಿ: ಎಫ್‌ಐಎಚ್ ಒಡಿಶಾ ಹಾಕಿ ಪುರುಷರ ವಿಶ್ವಕಪ್ 2023 ಭುವನೇಶ್ವರ್-ರೂರ್ಕೆಲಾದಲ್ಲಿ ಅದ್ಭುತವಾಗಿ ನಿರ್ವಹಿಸಿದ್ದಕ್ಕಾಗಿ ಹಾಕಿ ಇಂಡಿಯಾಕ್ಕೆ ಏಷ್ಯನ್ ಹಾಕಿ ಫೆಡರೇಶನ್ (ಎಎಚ್‌ಎಫ್) ಗುರುವಾರ ಅತ್ಯುತ್ತಮ ಸಂಘಟಕ ರಾಷ್ಟ್ರ ಪ್ರಶಸ್ತಿಯನ್ನು ನೀಡಿದೆ. ಕೊರಿಯಾದ ಮುಂಗ್ಯೊಂಗ್‌ನಲ್ಲಿ ನಡೆದ ಎಎಚ್‌ಎಫ್ ಸಭೆಯಲ್ಲಿ ಹಾಕಿ ಇಂಡಿಯಾ ಪ್ರಧಾನ ಕಾರ್ಯದರ್ಶಿ ಭೋಲಾ ನಾಥ್ ಸಿಂಗ್ ಅವರು ಪ್ರಶಸ್ತಿಯನ್ನು ಸ್ವೀಕರಿಸಿದರು.
ನಾಲ್ಕು ವರ್ಷಕ್ಕೊಮ್ಮೆ ನಡೆಯುವ ಹಾಕಿ ವಿಶ್ವಕಪ್ನಲ್ಲಿ ಪ್ರಪಂಚದಾದ್ಯಂತದ 16 ತಂಡಗಳು ಭಾಗವಹಿಸುತ್ತವೆ. ಈ ಬಾರಿ ಭುವನೇಶ್ವರ ಮತ್ತು ರೂರ್ಕೆಲಾದಲ್ಲಿ ಎರಡು ವಿಶ್ವ ದರ್ಜೆ ಸ್ಟೇಡಿಯಂನಲ್ಲಿ ಪಂದ್ಯಗಳು ನಡೆದಿದ್ದವು. ಭುವನೇಶ್ವರದ ಕಳಿಂಗ ಹಾಕಿ ಸ್ಟೇಡಿಯಂ ಈ ಹಿಂದೆ ಎಫ್‌ಐಎಚ್ ಹಾಕಿ ಪುರುಷರ ವಿಶ್ವಕಪ್ 2018 ಅನ್ನು ಆಯೋಜಿಸಿದ್ದರೆ, ರೂರ್ಕೆಲಾದಲ್ಲಿ ಹೊಸದಾಗಿ ನಿರ್ಮಿಸಲಾದ ಬಿರ್ಸಾ ಮುಂಡಾ ಹಾಕಿ ಕ್ರೀಡಾಂಗಣದಲ್ಲಿ ಮೊದಲ ಬಾರಿಗೆ ಆಯೋಜಿಸಲಾಗಿತ್ತು. ಇದು ವಿಶ್ವದ ಅತಿದೊಡ್ಡ ಹಾಕಿ ಕ್ರೀಡಾಂಗಣವಾಗಿ ಭ್ರಾತೃತ್ವದ ಕಲ್ಪನೆಯನ್ನು ಮೂಡಿಸಿತ್ತು.
-
Hockey India congratulated the Odisha State Government on Friday for winning the Asian Hockey Federation (AHF) Award for Best Hockey Infrastructure at the AHF Congress in Mungyeong, Korea.https://t.co/jXMf3zsNSp#HockeyIndia
— Hockey India (@TheHockeyIndia) March 24, 2023 " class="align-text-top noRightClick twitterSection" data="
">Hockey India congratulated the Odisha State Government on Friday for winning the Asian Hockey Federation (AHF) Award for Best Hockey Infrastructure at the AHF Congress in Mungyeong, Korea.https://t.co/jXMf3zsNSp#HockeyIndia
— Hockey India (@TheHockeyIndia) March 24, 2023Hockey India congratulated the Odisha State Government on Friday for winning the Asian Hockey Federation (AHF) Award for Best Hockey Infrastructure at the AHF Congress in Mungyeong, Korea.https://t.co/jXMf3zsNSp#HockeyIndia
— Hockey India (@TheHockeyIndia) March 24, 2023
ಒಲಿಂಪಿಕ್ ಶೈಲಿಯ ಹಾಕಿ ಗ್ರಾಮದ ರೀತಿ ಬಿರ್ಸಾ ಮುಂಡಾ ಹಾಕಿ ಕ್ರೀಡಾಂಗಣ ನಿರ್ಮಾಣ ಮಾಡಲಾಗಿದೆ. ಒಲಿಂಪಿಕ್ ಗೇಮ್ಸ್, ಕಾಮನ್‌ವೆಲ್ತ್ ಗೇಮ್ಸ್ ಮತ್ತು ಏಷ್ಯನ್ ಗೇಮ್ಸ್‌ನಂತಹ ಕ್ರೀಡಾಕೂಟಗಳ ಗೇಮ್ಸ್ ವಿಲೇಜ್‌ನಂತಹ ಅನುಭವವನ್ನು ನೀಡುತ್ತದೆ. ಇಲ್ಲಿ ಭಾಗವಹಿಸುವ ತಂಡಕ್ಕೆ ಅಗತ್ಯವಾದ ಎಲ್ಲಾ ಸೌಲಭ್ಯಗಳು ದೊರೆಯುವಂತೆ ನಿರ್ಮಿಸಲಾಗಿದೆ ಎಂದು ಪ್ರಕಟಣೆ ತಿಳಿಸಲಾಗಿತ್ತು.
ಭಾರತದಲ್ಲಿ ಆಯೋಜನೆಗೊಂಡಿದ್ದ ಹಾಕಿ ವಿಶ್ವಕಪ್ಗೆ ಒಡಿಶಾ ಸರ್ಕಾರ ಉತ್ತಮ ಬೆಂಬಲ ನೀಡಿತ್ತು. ಅಭಿಮಾನಿಗಳನ್ನು ಕ್ರಿಡಾಂಗಣಕ್ಕೆ ಕರೆತರಲು ಬಸ್ ವ್ಯವಸ್ಥೆಯಿಂದ ಹಿಡಿದು ಎಲ್ಲವನ್ನೂ ನೋಡಿಕೊಂಡಿತ್ತು. ವಿಶ್ವಕಪ್ ಟ್ರೋಫಿಯನ್ನು ನಗರದಾದ್ಯಂತ ಮೆರವಣಿಗೆ ಮಾಡಲಾಗಿತ್ತು. ಉದ್ಘಾಟನಾ ಕಾರ್ಯಕ್ರಮಕ್ಕೆ ಬಾಲಿವುಡ್ ಸ್ಟಾರ್ ನಟರಾದ ರಣವೀರ್ ಸಿಂಗ್, ದಿಶಾ ಪಟಾನಿ ಮತ್ತು ಅಂತಾರಾಷ್ಟ್ರೀಯ ಖ್ಯಾತಿಯ ಕೆ-ಪಾಪ್ ಬ್ಯಾಂಡ್ನಿಂದ ಸಂಗೀತ ಕಾರ್ಯಕ್ರಮವನ್ನೂ ಆಯೋಜಿಸಲಾಗಿತ್ತು.
"ಏಷ್ಯನ್ ಹಾಕಿ ಫೆಡರೇಶನ್ಗೆ ಸಿಕ್ಕ ಈ ಮನ್ನಣೆಗಾಗಿ ನಾವು ತುಂಬಾ ವಿನಮ್ರರಾಗಿದ್ದೇವೆ ಮತ್ತು ಕೃತಜ್ಞರಾಗಿರುತ್ತೇವೆ. ತವರಿನಲ್ಲಿ ವಿಶ್ವಕಪ್ ಯಾವಾಗಲೂ ವಿಶೇಷವಾಗಿರುತ್ತದೆ. ಹಾಕಿ ಇಂಡಿಯಾ, ಭಾಗವಹಿಸುವ ತಂಡಗಳು, ಅಧಿಕಾರಿಗಳು, ಅದರಲ್ಲಿ ಭಾಗವಹಿಸಿದ ಪ್ರತಿಯೊಬ್ಬರಿಗೂ ಧನ್ಯವಾದ ತಿಳಿಸುವುದು ನಮ್ಮ ಪ್ರಮುಖ ಆದ್ಯತೆಯಾಗಿದೆ. ಪಂದ್ಯಗಳಲ್ಲಿ ಪ್ರೇಕ್ಷಕರು ಮರೆಯಲಾಗದ ಅನುಭವವನ್ನು ಹೊಂದಿದ್ದಾರೆ" ಎಂದು ಹಾಕಿ ಇಂಡಿಯಾದ ಅಧ್ಯಕ್ಷ ದಿಲೀಪ್ ಟಿರ್ಕಿ ಹೇಳಿದ್ದಾರೆ.
"ಮುಖ್ಯಮಂತ್ರಿ ನವೀನ್ ಪಟ್ನಾಯಕ್ ಅವರ ಬೆಂಬಲ ಮತ್ತು ದೂರದೃಷ್ಟಿಯಿಲ್ಲದೆ ನಮ್ಮ ಪ್ರಯತ್ನವು ಸಾಧ್ಯವಾಗುತ್ತಿರಲಿಲ್ಲ, ಎಲ್ಲಾ ಪಾಲುದಾರರು ಮತ್ತು ಈ ಕಾರ್ಯಕ್ರಮವನ್ನು ಮೆಗಾ ಯಶಸ್ವಿಗೊಳಿಸಲು ಒಟ್ಟಾಗಿ ಕೆಲಸ ಮಾಡಿದ ಹಲವರಿಗೆ ಧನ್ಯವಾದ" ಎಂದು ಹರ್ಷಚಿತ್ತದಿಂದ ಟಿರ್ಕಿ ತಿಳಿಸಿದರು.
ಅತ್ಯಂತ ಹೆಮ್ಮೆಯ ಕ್ಷಣ: "ಉತ್ಸಾಹ ಮತ್ತು ನಿಖರತೆಯಿಂದ ಕೆಲಸ ಮಾಡಿದಾಗ ನಾವೆಲ್ಲರೂ ಏನನ್ನು ಸಾಧಿಸಬಹುದು ಎಂಬುದಕ್ಕೆ ಭುವನೇಶ್ವರ-ರೂರ್ಕೆಲಾದಲ್ಲಿ ನಡೆದ ಎಫ್‌ಐಎಚ್ ಒಡಿಶಾ ಹಾಕಿ ಪುರುಷರ ವಿಶ್ವಕಪ್ 2023 ಸಾಕ್ಷಿಯಾಗಿದೆ. ಈ ಪ್ರಶಸ್ತಿಯು ಹಾಕಿ ಇಂಡಿಯಾ ಸಿಬ್ಬಂದಿಯ ಕಠಿಣ ಪರಿಶ್ರಮಕ್ಕೆ ಸಲ್ಲುತ್ತದೆ. ಈ ಪ್ರಯತ್ನವನ್ನು ಗುರುತಿಸಿದ್ದಕ್ಕಾಗಿ ನಾನು ಏಷ್ಯನ್ ಹಾಕಿ ಫೆಡರೇಶನ್ಗೆ ಕೃತಜ್ಞತೆಯನ್ನು ಸಲ್ಲಿಸುತ್ತೇನೆ" ಎಂದು ಪ್ರಶಸ್ತಿ ಕುರಿತು ಭೋಲಾ ನಾಥ್ ಸಿಂಗ್ ಸಂತಸ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ: 4ನೇ ಏಷ್ಯನ್ ಖೋ ಖೋ ಚಾಂಪಿಯನ್‌ಶಿಪ್: ಭಾರತದ ಪುರುಷ, ಮಹಿಳಾ ತಂಡಕ್ಕೆ ಪ್ರಶಸ್ತಿ
