ಸಿಂಗಾಪುರ್: ಭಾರತ ಅರ್ಜನ್ ಸಿಂಗ್ ಭುಲ್ಲರ್ ಶನಿವಾರ ಎಂಎಂಎ (ಮಿಕ್ಸೆಡ್ ಮಾರ್ಷಲ್ ಆರ್ಟ್ಸ್) ಹೆವಿ ವೇಯ್ಟ್ ಚಾಂಪಿಯನ್ ಆಗಿದ್ದು, ಈ ಸಾಧನೆ ಮಾಡಿದ ಭಾರತ ಮೂಲದ ಮೊದಲ ಫೈಟರ್ ಎನಿಸಿಕೊಂಡಿದ್ದಾರೆ.
ಅರ್ಜನ್ ಈ ಪಂದ್ಯದಲ್ಲಿದೀರ್ಘಕಾಲ ಹೆವಿ ವೇಯ್ಟ್ ವಿಶ್ವ ಚಾಂಪಿಯನ್ ಆಗಿ ಪ್ರಾಬಲ್ಯ ಸಾಧಿಸಿದ್ದ ಫಿಲಿಪಿನೋ-ಅಮೆರಿಕನ್ ಫೈಟರ್ ಬ್ರೆಂಡನ್ ವೆರಾ ಅವರನ್ನು ಒನ್ ಹೆವಿವೇಯ್ಟ್ ವರ್ಲಡ್ ಟೈಟರಲ್ ಗೆದ್ದರು. ಈ ಮೂಲಕ ಮಿಕ್ಸಡ್ ಮಾರ್ಷಲ್ ಆರ್ಟ್ಸ್ನಲ್ಲಿ ಚಾಂಪಿಯನ್ ಆದ ಮೊದಲ ಭಾರತೀಯ ಮೂಲದ ಮೊದಲ ಫೈಟರ್ ಎನಿಸಿಕೊಂಡಿದ್ದಾರೆ.
ಭುಲ್ಲರ್ ಮೊದಲ ಸುತ್ತಿನಲ್ಲಿ ಎಚ್ಚರಿಕೆಯಿಂದ ವೆರಾ ವಿರುದ್ಧ ಫೀಂಟ್ ಮತ್ತು ಸ್ಟ್ರೈಕ್ಗಳಿಂದ ಮೇಲಯುಗೈ ಸಾಧಿಸಿದರು. ಆದರೆ, ಎರಡನೇ ಸುತ್ತಿನಲ್ಲಿ ಟೆಕ್ನಿಕಲ್ ನಾಕೌಟ್ (ಟಿಕೆಒ)ಮೂಲಕ ಗೆಲುವು ಸಾಧಿಸಿದರು. ಈ ಗೆಲುವಿನೊಂದಿಗೆ ಇಂಡೋ - ಕೆನಡಿಯನ್ ಫೈಟರ್ ಅರ್ಜನ್ ಸಿಂಗ್ ಭುಲ್ಲರ್ ಎಂಎಂಎ ವೃತ್ತಿಪರ ದಾಖಲೆಯನ್ನು 11-1ಕ್ಕೆ ವಿಸ್ತರಿಸಿಕೊಂಡರು.
ಇನ್ನು 2015ರಿಂದ ಹೆವಿವೇಯ್ಟ್ ವರ್ಲ್ಡ್ ಪ್ರಶಸ್ತಿಯನ್ನು ತನ್ನಲ್ಲೇ ಉಳಿಸಿಕೊಂಡಿರುವ ವೆರಾ ಈ ಸೋಲಿನೊಂದಿಗೆ ವೃತ್ತಿಜೀವನದಲ್ಲಿ ಕೇವಲ ನಾಲ್ಕನೇ ಬಾರಿ ಸೋಲು ಕಂಡರು.
ಇದನ್ನು ಓದಿ: ಇಂಗ್ಲೆಂಡ್ ಪ್ರವಾಸದಲ್ಲಿ ಭಾರತ ಉತ್ತಮ ಯಶಸ್ಸು ಸಾಧಿಸಲಿದೆ: ಮಹಮ್ಮದ್ ಶಮಿ
