ಗ್ವಾಟೆಮಾಲಾ ಸಿಟಿ: ದೀಪಿಕಾ ಕುಮಾರಿ, ಅಂಕಿತಾ ಭಕತ್ ಮತ್ತು ಕೋಮಲಿಕಾ ಬಾರಿ ಅವರನ್ನು ಒಳಗೊಂಡ ಭಾರತದ ಮಹಿಳಾ ರಿಕರ್ವ್ ತಂಡ ಆತಿಥೇಯ ಗ್ವಾಟೆಮಾಲಾ ತಂಡವನ್ನು ಮಣಿಸಿ ಆರ್ಚರಿ ವಿಶ್ವಕಪ್ ಮೊದಲ ಹಂತದ ಟೂರ್ನಿಯಲ್ಲಿ ಫೈನಲ್ ಪ್ರವೇಶಿಸಿದೆ.
ಸೆಮಿಫೈನಲ್ನಲ್ಲಿ ಎಲಿಯಾ ಕ್ಯಾನಲೆಸ್‌, ಇನೆಸ್‌ ಡಿ ವಾಲೆಸ್ಕೊ ಹಾಗೂ ಲೆಯರೆ ಫರ್ನಾಂಡೀಸ್ ಇನ್ಫಾಂಟೆ ಹೊಂದಿದ್ದ ಸ್ಪೇನ್ ವಿರುದ್ಧ ಭಾರತದ ಮಹಿಳಾ ತಂಡ 6-0ಯಲ್ಲಿ ಮಣಿಸಿ ಫೈನಲ್ ತಲುಪಿತು.
ಆದರೆ ಭಾರತದ ಪುರುಷರ ತಂಡ ಆತಿಥೇಯ ಸ್ಪೇನ್ ವಿರುದ್ಧ ಸೋಲು ಕಂಡು ನಿರಾಶೆಯನುಭವಿಸಿದರು. ಎರಡು ತಂಡಗಳ ನಡುವಿನ ಸ್ಪರ್ಧೆ 4-4ರಲ್ಲಿ ಟೈನಲ್ಲಿ ಅಂತ್ಯವಾಗಿತ್ತು. ಆದರೆ ಶೂಟ್-ಆಫ್ನಲ್ಲಿ ಸ್ಪೇನ್ 27-26ರಲ್ಲಿ ರೋಚಕ ಗೆಲುವು ಸಾಧಿಸಿ ಫೈನಲ್ ಪ್ರವೇಶಿಸಿತು.
ಮಿಕ್ಸಡ್ ಡಬಲ್ಸ್ ಮತ್ತು ಸಿಂಗಲ್ಸ್ನಲ್ಲಿ ಇತ್ತೀಚೆಗೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿರುವ ಆತನು ದಾಸ್ ಮತ್ತು ದೀಪಿಕಾ ಕುಮಾರಿ ಜೋಡಿ ಕಂಚಿನ ಪದಕ ಸುತ್ತಿಗೆ ಪ್ರವೇಶಿಸಿದ್ದಾರೆ. ಅಲ್ಲದೆ ವೈಯಕ್ತಿಕ ವಿಭಾಗಗಳಲ್ಲೂ ಇಬ್ಬರೂ ನಾಲ್ಕರ ಘಟ್ಟ ತಲುಪುವ ಮೂಲಕ ಭಾರತಕ್ಕೆ ಹೆಚ್ಚುವರಿ 3 ಪದಕಗಳನ್ನು ಖಚಿತಪಡಿಸಿದ್ದಾರೆ.
ಇದನ್ನು ಓದಿ:ವಿಶ್ವ ಯುವ ಬಾಕ್ಸಿಂಗ್ ಚಾಂಪಿಯನ್‌ಶಿಪ್‌ : 7ಭಾರತೀಯ ನಾರಿಯರಿಗೆ ಚಿನ್ನದ ಪದಕ
