ನವದೆಹಲಿ: ಇತ್ತೀಚಿನ ಪ್ಯಾರಾ ಏಷ್ಯನ್ ಗೇಮ್ಸ್ನಲ್ಲಿ ಭಾರತದ ಶೀತಲ್ ದೇವಿ ಅಸಾಧಾರಣ ಪ್ರತಿಭೆಯಾಗಿ ಹೊರಹಮ್ಮಿದ್ದಾರೆ. ಎರಡು ಕೈಗಳಿಲ್ಲದ ಜಮ್ಮು ಮತ್ತು ಕಾಶ್ಮೀರದ ಬಾಲೆ ಇಡೀ ಕ್ರೀಡಾ ಜಗತ್ತಿನಲ್ಲಿ ಹೊಸ ಅಲೆ ಎಬ್ಬಿಸಿದ್ದಾರೆ. 16 ವರ್ಷದ ಈ ಅಪರೂಪದ ಪಟು ಬಿಲ್ಲುಗಾರಿಕೆಯಲ್ಲಿ ಎರಡು ಚಿನ್ನ ಹಾಗೂ ಒಂದು ಬೆಳ್ಳಿ ಪದಕ ಗೆದ್ದು ವಿಶ್ವವನ್ನೇ ಬೆರಗುಗೊಳಿಸಿದ್ದಾರೆ.
ಹ್ಯಾಂಗ್‌ಝೌನಲ್ಲಿ ನಡೆದ ಪ್ಯಾರಾ ಏಷ್ಯನ್ ಗೇಮ್ಸ್ನಲ್ಲಿ ಎರಡು ಕೈಗಳಿಲ್ಲದ ಶೀತಲ್ ದೇವಿ ಬಿಲ್ಲುಗಾರಿಕೆ ಸ್ಪರ್ಧೆಯಲ್ಲಿ ಬಂಗಾರ, ಬೆಳ್ಳಿ ಸಮೇತ ಮೂರು ಪದಕಗಳಿಗೆ ಮುತ್ತಿಕ್ಕಿ ಹೊಸ ಇತಿಹಾಸ ಸೃಷ್ಟಿಸಿದ್ದಾರೆ. ಮಹಿಳೆಯರ ವೈಯಕ್ತಿಕ ಕಾಂಪೌಂಡ್ ಓಪನ್ ಹಾಗೂ ಕಾಂಪೌಂಡ್ ಮಿಶ್ರ ವಿಭಾಗದಲ್ಲಿ ಎರಡು ಚಿನ್ನ ಮತ್ತು ಮಹಿಳೆಯರ ಡಬಲ್ಸ್‌ನಲ್ಲಿ ಶೀತಲ್ ದೇವಿ ಬೆಳ್ಳಿ ಪದಕಕ್ಕೆ ಕೊರಳೊಡ್ಡಿದ್ದಾರೆ. ತೋಳ್ಬಲವಿಲ್ಲದೆಯೇ ಕಾಲಿನಲ್ಲಿ ಬಿಲ್ಲನ್ನು ಹಿಡಿದು ಪದಕಗಳಿಗೆ ಗುರಿಯಿಟ್ಟು ಬಿಲ್ಲುಗಾರ್ತಿ ಅಬ್ಬರಿಸಿದ್ದಾರೆ. ಈ ಮೂಲಕ ಒಂದೇ ಕ್ರೀಡಾಕೂಟದಲ್ಲಿ ಎರಡು ಸ್ವರ್ಣ ಪದಕಗಳನ್ನು ಗೆದ್ದ ಮೊದಲ ಭಾರತೀಯ ಮಹಿಳಾ ಅಥ್ಲೀಟ್ ಎಂಬ ಶ್ರೇಷ್ಠ ಹೆಗ್ಗಳಿಕೆಗೆ ಕಣಿವೆ ನಾಡಿನ ಕುವರಿ ಪಾತ್ರರಾಗಿದ್ದಾರೆ.
-
I will never,EVER again complain about petty problems in my life. #SheetalDevi you are a teacher to us all. Please pick any car from our range & we will award it to you & customise it for your use. pic.twitter.com/JU6DOR5iqs
— anand mahindra (@anandmahindra) October 28, 2023 " class="align-text-top noRightClick twitterSection" data="
">I will never,EVER again complain about petty problems in my life. #SheetalDevi you are a teacher to us all. Please pick any car from our range & we will award it to you & customise it for your use. pic.twitter.com/JU6DOR5iqs
— anand mahindra (@anandmahindra) October 28, 2023I will never,EVER again complain about petty problems in my life. #SheetalDevi you are a teacher to us all. Please pick any car from our range & we will award it to you & customise it for your use. pic.twitter.com/JU6DOR5iqs
— anand mahindra (@anandmahindra) October 28, 2023
ಜೀವನಕ್ಕೆ ಚೈತನ್ಯ ತುಂಬಿದ ಸೇನಾ ಶಿಬಿರ: ಜಮ್ಮು ಮತ್ತು ಕಾಶ್ಮೀರದ ಶೀತಲ್ ದೇವಿಯ ಜೀವನವೇ ಸ್ಪೂರ್ತಿದಾಯಕವಾಗಿದೆ. ಬಡ ಕುಟುಂಬದಲ್ಲಿ ಜನಿಸಿದ ಇವರು ಹುಟ್ಟಿನಿಂದಲೇ ತೋಳುಗಳನ್ನು ಕಳೆದುಕೊಂಡಿದ್ದರು. ಫೋಕೊಮೆಲಿಯಾ ಎಂಬ ಕಾಯಿಲೆಯಿಂದಾಗಿ ಎರಡೂ ಕೈಗಳು ಬೆಳೆಯಲು ಸಾಧ್ಯವಾಗಲಿಲ್ಲ. ಆದಾಗ್ಯೂ, ಕುಗ್ಗದೇ ತನ್ನ ಕಾಲುಗಳನ್ನೇ ಅಸ್ತ್ರಗಳನ್ನಾಗಿ ಮಾಡಿಕೊಂಡರು.
ಮಕ್ಕಳೊಂದಿಗೆ ಆಡಿ, ನಲಿಯುತ್ತಲೇ ಕಾಲುಗಳಿಂದಲೇ ಕೆಲಸ ಮಾಡಲು ಕಲಿತರು. ಆದರೆ, ಶೀತಲ್ ದೇವಿಗೆ ಭಾರತೀಯ ಸೇನೆ ಆಯೋಜಿಸಿದ್ದ ಕ್ರೀಡಾ ಶಿಬಿರವು ಆಕೆಯ ಬದುಕಿಗೆ ತಿರುವು ನೀಡಿತು. ಸೇನಾ ಕ್ರೀಡಾ ಶಿಬಿರದಲ್ಲಿ ಭಾಗವಹಿಸಿದ್ದು ಈಕೆಗೆ ತಿರುವು ಮಾತ್ರವಲ್ಲದೇ ಜೀವನಕ್ಕೆ ಚೈತನ್ಯ ಕೂಡ ತುಂಬಿತು. ಆಟಗಳಲ್ಲಿ ಆಸಕ್ತಿ ಬೆಳೆಸಿಕೊಂಡಿದ್ದ ಶೀತಲ್ ದೇವಿಗೆ ಬಿಲ್ಲುಗಾರಿಕೆ ಇಷ್ಟವಾಗಿತ್ತು. ಕಾಲುಗಳನ್ನೇ ತನ್ನ ಕೈಗಳಂತೆ ಬಳಸಿ ದೇಶಕ್ಕಾಗಿ ಪದಕಗಳನ್ನು ಗೆದ್ದಿದ್ದಾರೆ.
ಕೋಚ್ ಕುಲದೀಪ್ ವೆದ್ವಾನ್ ಅವರಲ್ಲಿ ತರಬೇತಿ ಪಡೆದ ಶೀತಲ್ ದೇವಿ ಎರಡು ಕೈ ಇಲ್ಲದಿದ್ದರೂ ಕಾಲಿನಿಂದ ಬಾಣ ಬಿಡುವ ಅಭ್ಯಾಸ ನಡೆಸಿದರು. ಹಂತ ಹಂತವಾಗಿ ಸಾಮಾನ್ಯ ಬಿಲ್ಲುಗಾರರೊಂದಿಗೆ ಪೈಪೋಟಿಗೆ ಇಳಿದರು. ಗುಜರಾತ್‌ನಲ್ಲಿ ನಡೆದ 18 ವರ್ಷದೊಳಗಿನವರ ಪಂದ್ಯಾವಳಿಯಲ್ಲಿ ಭಾಗವಹಿಸುವ ಮೂಲಕ ತಮ್ಮ ಶಕ್ತಿಯನ್ನು ಪ್ರದರ್ಶಿಸಿದರು. ಜೆಕ್ ರಿಪಬ್ಲಿಕ್ನಲ್ಲಿ ನಡೆದ ಯುರೋಪಿಯನ್ ಪ್ಯಾರಾ ಆರ್ಚರಿ ಕಪ್ನಲ್ಲಿ ಬೆಳ್ಳಿ ಗೆಲ್ಲುವ ಮೂಲಕ ಶೀತಲ್ ತಮ್ಮ ಆತ್ಮವಿಶ್ವಾಸ ಹೆಚ್ಚಿಸಿಕೊಂಡರು.
ಅದೇ ವಿಶ್ವಾಸದಿಂದ ಈ ಬಿಲ್ಲುಗಾರ್ತಿ ಪಿಲ್ಸೆನ್ನಲ್ಲಿ ನಡೆದ ವಿಶ್ವ ಪ್ಯಾರಾ ಚಾಂಪಿಯನ್ಷಿಪ್ನಲ್ಲಿ ಬೆಳ್ಳಿ ಗೆದ್ದರು. 2012ರ ಪ್ಯಾರಾ ಒಲಿಂಪಿಕ್ಸ್ನಲ್ಲಿ ಬೆಳ್ಳಿ ಗೆದ್ದ ಅಮೆರಿಕದ ಎರಡು ಕೈಗಳಿಲ್ಲದ ಮ್ಯಾಟ್ ಸುಟ್ಜ್‌ಮನ್ ಅವರು ಶೀತಲ್ ದೇವಿ ಬಿಲ್ಲಿನ ಗುರಿಗಳನ್ನು ಸುಧಾರಿಸಿದರು. ಈಗ ಪ್ಯಾರಾ ಏಷ್ಯನ್ ಕ್ರೀಡಾಕೂಟದಲ್ಲಿ ಎರಡು ಚಿನ್ನ ಸೇರಿದಂತೆ ಮೂರು ಪದಕಗಳನ್ನು ಗೆದ್ದಿರುವ ಶೀತಲ್, 2024ರ ಪ್ಯಾರಿಸ್ ಪ್ಯಾರಾ ಒಲಿಂಪಿಕ್ಸ್ನಲ್ಲಿ ಪದಕ ಗೆಲುವು ಗುರಿ ಹೊಂದಿದ್ದಾರೆ.
ಶೀತಲ್ ದೇವಿಗೆ ಮಹೀಂದ್ರಾ ಫಿದಾ... ಕಾರು ಗಿಫ್ಟ್!: ಬಿಲ್ಲುಗಾರ್ತಿ ಶೀತಲ್ ದೇವಿಯ ಐತಿಹಾಸಿಕ ಸಾಧನೆ, ಪರಿಶ್ರಮಕ್ಕೆ ಮಹೀಂದ್ರಾ ಗ್ರೂಪ್ ಅಧ್ಯಕ್ಷ ಆನಂದ್ ಮಹೀಂದ್ರಾ ಫಿದಾ ಆಗಿದ್ದಾರೆ. ಅದ್ಭುತ ಪ್ರತಿಭೆ ಶೀತಲ್ ದೇವಿಯ ಸಾಹಸಗಾಥೆ ಬಿತ್ತರಿಸುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣ 'ಎಕ್ಸ್'ನಲ್ಲಿ ಹಂಚಿಕೊಂಡಿರುವ ಆನಂದ್ ಮಹೀಂದ್ರಾ, ಈ ಸಾಧಕಿಗೆ ವಿಶೇಷ ಕಾರು ಗಿಫ್ಟ್ ನೀಡಲಾಗುವುದು ಎಂದು ಪ್ರಕಟಿಸಿದ್ದಾರೆ.
''ನನ್ನ ಜೀವನದಲ್ಲಿನ ಸಣ್ಣಪುಟ್ಟ ಸಮಸ್ಯೆಗಳ ಬಗ್ಗೆ ನಾನು ಎಂದಿಗೂ ದೂರುವುದಿಲ್ಲ. ಶೀತಲ್ ದೇವಿ ನೀವು ನಮ್ಮೆಲ್ಲರಿಗೂ ಗುರು. ದಯವಿಟ್ಟು ನಮ್ಮ ಕಡೆಯಿಂದ ಯಾವುದೇ ಕಾರನ್ನು ಆರಿಸಿಕೊಳ್ಳಿಸಿ, ನಾವು ಅದನ್ನು ನಿಮಗೆ ನೀಡುತ್ತೇವೆ. ನಿಮ್ಮ ಬಳಕೆಗಾಗಿ ಅದನ್ನು ಮಾರ್ಪಡಿಸಿ ಕೊಡುತ್ತೇವೆ'' ಎಂದು ಆನಂದ್ ಮಹೀಂದ್ರಾ ತಿಳಿಸಿದ್ದಾರೆ.
