ಲಂಡನ್: ಕಳೆದ ಒಂದು ವಾರದ ಅವಧಿಯಲ್ಲಿ ನಡೆಸಿದ ನೂತನ ಕೋವಿಡ್ 19 ಪರೀಕ್ಷೆಯಲ್ಲಿ 8 ಆಟಗಾರರಿಗೆ ಪಾಸಿಟಿವ್ ವರದಿ ಬಂದಿದೆ ಎಂದು ಪ್ರೀಮಿಯರ್ ಲೀಗ್ ಆಡಳಿತ ಖಚಿತಪಡಿಸಿದೆ.
ಕೋವಿಡ್ 19 ಪಾಸಿಟಿವ್ ಬಂದಿರುವ ಆಟಗಾರರು ಪ್ರತ್ಯೇಕವಾಗಿ 10 ದಿನಗಳ ಕಾಲ ಸೆಲ್ಫ್ ಐಸೊಲೀಸನ್ನಲ್ಲಿರಲಿದ್ದಾರೆ ಎಂದು ಸೋಮವಾರ ಪ್ರೀಮಿಯರ್ ಲೀಗ್ ಹೇಳಿಕೆ ಬಿಡುಗಡೆ ಮಾಡಿದೆ.
" ಅಕ್ಟೋಬರ್ 12 ಮತ್ತು ಅಕ್ಟೋಬರ್ 18ರ ನಡುವೆ ಸುಮಾರು 1,575 ಆಟಗಾರರು ಮತ್ತು ಸಿಬ್ಬಂದಿಯನ್ನು ಕೋವಿಡ್ -19 ಪರೀಕ್ಷೆಗೆ ಒಳಪಡಿಸಿದ್ದು, ಈ ಪೈಕಿ ಎಂಟು ಮಂದಿಗೆ ಕೋವಿಡ್ 19 ಪಾಸಿಟಿವ್ ದೃಢಪಟ್ಟಿದೆ " ಎಂದು ಪ್ರೀಮಿಯರ್ ಲೀಗ್ ತನ್ನ ಹೇಳಿಕೆಯಲ್ಲಿ ತಿಳಿಸಿದೆ.
ಒಟ್ಟಾರೆ ಆಗಸ್ಟ್ 31ರಿಂದ ಇಲ್ಲಿಯವರೆಗೆ ನಡೆದ 7 ಸುತ್ತಿನ ಕೋವಿಡ್ ಟೆಸ್ಟ್ನಲ್ಲಿ 42 ಮಂದಿಯಲ್ಲಿ ಕೊರೊನಾ ಪಾಸಿಟಿವ್ ಕಂಡುಬಂದಿದೆ.
