ಬ್ಯೂನಸ್ ಐರಿಸ್ (ಅರ್ಜೆಂಟೀನಾ): ಅರ್ಜೆಂಟೀನಾ ಹಾಗೂ ಬೋಲಿವಿಯಾ ನಡುವಿನ ಫುಟ್ಬಾಲ್ ಪಂದ್ಯದಲ್ಲಿ ಮೂರು ಗೋಲು ಬಾರಿಸುವ ಮೂಲಕ ಅರ್ಜೇಟೀನಾ ಸ್ಟಾರ್ ಆಟಗಾರ ಲಿಯೋನಲ್ ಮೆಸ್ಸಿ ಬ್ರೆಜಿಲ್ನ ಪೀಲೆ ಅವರ ಗೋಲುಗಳ ಸಂಖ್ಯೆಯಲ್ಲಿ ಮೀರಿಸಿದ್ದಾರೆ.
ಅಲ್ಲದೆ ದಕ್ಷಿಣ ಅಮೆರಿಕ ಇತಿಹಾಸದಲ್ಲಿಯೇ ಹೆಚ್ಚು ಅಂತಾರಾಷ್ಟ್ರೀಯ ಗೋಲು ಬಾರಿಸಿದ ಆಟಗಾರ ಎಂಬ ಕೀರ್ತಿಗೆ ಭಾಜನರಾಗಿದ್ದಾರೆ. 34 ವರ್ಷದ ಮೆಸ್ಸಿ ಅರ್ಜೆಂಟೀನಾ ಪರವಾಗಿ ಮೂರು ಗೋಲು ಬಾರಿಸಿದರು.
ಈ ಮೂಲಕ ರಾಷ್ಟ್ರೀಯ ತಂಡದ ಪರವಾಗಿ 79 ಗೋಲು ಬಾರಿಸಿದಂತಾಗಿದೆ. ಆದರೆ, ಬ್ರೆಜಿಲ್ನ ಪೀಲೆ ಒಟ್ಟು 92 ಪಂದ್ಯದಲ್ಲಿ 77 ಗೋಲು ಬಾರಿಸಿದ್ದಾರೆ. ಬೋಲಿವಿಯಾ ವಿರುದ್ಧದ ಪಂದ್ಯದ ವೇಳೆ ಮೊದಲಾರ್ಧದ 14ನೇ ನಿಮಿಷದಲ್ಲಿ ಮೊದಲ ಗೋಲು ಬಾರಿಸಿದರು.
ಬಳಿಕ 64ನೇ ನಿಮಿಷದಲ್ಲಿ ಹಾಗೂ 88ನೇ ನಿಮಿಷದಲ್ಲಿ 3ನೇ ಗೋಲು ದಾಖಲಿಸಿ ಈ ಸಾಧನೆ ಮಾಡಿದ್ದಾರೆ. ಈ ಮೂಲಕ ತಂಡವು 3-0 ಗೋಲುಗಳ ಅಂತರದಿಂದ ಜಯ ದಾಖಲಿಸುವಲ್ಲಿಯೂ ನೆರವಾದರು.
ಓದಿ: US Open ಡಬಲ್ಸ್: ಮೊದಲ ಸುತ್ತಿನಲ್ಲೇ ಹೊರಬಿದ್ದ ಅಂಕಿತಾ, ದಿವಿಜ್ ಶರಣ್
