ಕಣ್ಣೂರು: ಕೇರಳದ 7ನೇ ತರಗತಿ ಓದುತ್ತಿರುವ ಶಾಲಾ ಬಾಲಕಿ ಒಂದೇ ನಿಮಿಷದಲ್ಲಿ ಫುಟ್ಬಾಲ್ ಅನ್ನು 171 ಬಾರಿ ನೆಲಕ್ಕೆ ಬೀಳಿಸದೆ ಜಗ್ಲಿಂಗ್ ಮಾಡುವ ಮೂಲಕ ಜರ್ಮನಿಯ ಜಗ್ಲರ್ರೊಬ್ಬರ ಹೆಸರಲ್ಲಿದ್ದ ವಿಶ್ವದಾಖಲೆಯನ್ನು ಬ್ರೇಕ್ ಮಾಡಿದ್ದಾರೆ. ಕೇರಳದ ಉತ್ತರ ಮಲಬಾರ್ ಪ್ರದೇಶದ ಫುಟ್ಬಾಲ್ಗೆ ಜನಪ್ರಿಯವಾಗಿರುವ ಪಳಂಗೋಡೆ ಗ್ರಾಮದ 13 ವರ್ಷದ ಬಾಲಕಿ ತನ್ನ ಫುಟ್ಬಾಲ್ ಕುಶಲತೆಯಲ್ಲಿ ವಿಶ್ವ ದಾಖಲೆಗೆ ಪಾತ್ರರಾಗಿದ್ದಾರೆ.
ಕೇರಳದ ಕಣ್ಣೂರು ಜಿಲ್ಲೆಯ ಪಳಂಗೋಡ್‌ನ ಹದಿಮೂರು ವರ್ಷದ ಬಿ.ಎಲ್. ಅಖಿಲಾ, ಫುಟ್ಬಾಲ್ಅನ್ನು ಒಂದು ನಿಮಿಷದಲ್ಲಿ ನೆಲಕ್ಕೆ ಬೀಳಿಸದಂತೆ 171 ಜಗ್ಲಿಂಗ್( ಕಾಲಿನಲ್ಲಿ ನೆಲಕ್ಕೆ ಬೀಳದಂತೆ ಪುಟಿಸುವುದು) ಮಾಡಿ ಬ್ರೆಜಿಲ್ನ ಜಗ್ಲರ್ ಹೆಸರಿನಲ್ಲಿರದ್ದ ದಾಖಲೆಯನ್ನು ಮುರಿದಿದ್ದಾರೆ. ಈ ಹಿಂದೆ ಬ್ರೆಜಿಲ್ನ ಜಗ್ಲರ್ ಜೋಶುವಾ ಡುರೆಟ್ಟೆ ಎಂಬುವವರು ಈ ವಿಶ್ವದಾಖಲೆ ಹೊಂದಿದ್ದರು.
ಅಖಿಲಾ ಮೀನುಗಾರ ಬೈಜು ಮತ್ತು ಲೀಮಾ ಮೇರಿ ದಂಪತಿಯ 2ನೇ ಮಗಳಾಗಿದ್ದು, ಮಗಳ ಸಾಧನೆಗೆ ಈ ದಂಪತಿ ಸಂತೋಷ ವ್ಯಕ್ತಪಡಿಸಿದ್ದಾರೆ. ತಮ್ಮ ಮಗಳು ಚಿಕ್ಕ ವಯಸ್ಸಿನಿಂದಲೂ ಫುಟ್ಬಾಲ್ ಬಗ್ಗೆ ಒಲವನ್ನು ಹೊಂದಿದ್ದರಿಂದ ಈ ಸಾಧನೆಗೆ ಪಾತ್ರಳಾಗಿದ್ದಾಳೆ ಎಂದು ತಿಳಿಸಿದ್ದಾರೆ.
ಅಖಿಲಾ ತನ್ನ ಅಸಮಾನ್ಯವಾದವಾದ ಫುಟ್ಬಾಲ್ ಕೌಶಲ್ಯದಿಂದ ಜಿ.ವಿ ರಾಜಾ ಕ್ರೀಡಾ ಶಾಲೆಗೆ ಪ್ರವೇಶ ಪಡೆದಿದ್ದಾಳೆ. ಲಾಕ್ಡೌನ್ನಿಂದ ಶಾಲೆ ಮುಚ್ಚಿದ್ದು, ಶಾಲೆ ಮತ್ತೆ ತೆರೆಯುವುದನ್ನು ಕಾತುರದಿಂದ ಕಾಯುತ್ತಿದ್ದಾಳೆ ಎಂದು ಅವರ ಪೋಷಕರು ತಿಳಿಸಿದ್ದಾರೆ.
