ಗೋವಾ: ಕಳೆದ ಇಂಡಿಯನ್ ಸೂಪರ್ ಲೀಗ್ (ಐಎಸ್ಎಲ್) ಸೀಸನ್ನ ಫೈನಲ್ನಲ್ಲಿ ಚೆನ್ನೈಯನ್ ವಿರುದ್ಧ ಎಟಿಕೆ ಭರ್ಜರಿ ಜಯಗಳಿಸಿದ ಬಳಿಕ, ಭಾರತದ ನೆಲದಲ್ಲಿ ಫುಟ್ಬಾಲ್ ಕ್ರೀಡೆ ಆರಂಭಗೊಂಡಿಲ್ಲ. ಕೊರೊನಾ ಹಿನ್ನೆಲೆಯಲ್ಲಿ ಮೈದಾನಗಳು ಬಂದ್ ಆಗಿದ್ದವು. ಇದೇ ಫೈನಲ್ ಪಂದ್ಯ ಕೋವಿಡ್ಗೂ ಮೊದಲು ಆಡಲಾದ ಫುಟ್ಬಾಲ್ ಪಂದ್ಯವಾಗಿದೆ.
ಕೇರಳ ಬ್ಲಾಸ್ಟರ್ಸ್ ಮತ್ತು ಎಟಿಕೆ ಮೋಹನ್ ಬಗಾನ್ ನಡುವೆ ಮುಂದಿನ ಸೀಸನ್ನ ಮೊದಲ ಪಂದ್ಯ ಇಂದು ನಡೆಯಲಿದೆ. ಇದಕ್ಕಾಗಿ ಗೋವಾ ಮೈದಾನ ಸಕಲ ರೀತಿಯಲ್ಲೂ ಸಜ್ಜಾಗಿದೆ. ಆದರೆ, ಯಾವುದೇ ಫುಟ್ಬಾಲ್ ಅಭಿಮಾನಿಗಳಿಗೂ ಮೈದಾನದೊಳಗೆ ಪ್ರವೇಶ ಇರುವುದಿಲ್ಲ.
ಕಳೆದ ಸೀಸನ್ನಲ್ಲಿ 10 ತಂಡಗಳಿದ್ದು, ಒಟ್ಟು 95 ಪಂದ್ಯಗಳು ನಡೆಯುತ್ತಿದ್ದವು. ಈ ಬಾರಿಯ ಸೀಸನ್ನಲ್ಲಿ ಎಸ್ಸಿ ಪೂರ್ವ ಬಂಗಾಳದ ತಂಡದ ಸೇರ್ಪಡೆಯೊಂದಿಗೆ 115 ಪಂದ್ಯಗಳನ್ನು ಆಡಲಾಗುತ್ತದೆ. ಅಲ್ಲದೇ ಈ ಸೀಸನ್ನ ಐಎಸ್‌ಎಲ್‌ನಲ್ಲಿ ಬಹುನಿರೀಕ್ಷಿತ ಕೋಲ್ಕತಾ ಡರ್ಬಿ ನವೆಂಬರ್ 27 ರಂದು ಪ್ರಾರಂಭವಾಗಲಿದೆ.
