ನವದೆಹಲಿ: ನಾನು ಭಾರತ ಅಂಡರ್ 16 ತಂಡದ ಬಹುದೊಡ್ಡ ಅಭಿಮಾನಿ ಎಂದು ಭಾರತ ಸೀನಿಯರ್ ಫುಟ್ಬಾಲ್ ತಂಡದ ನಾಯಕ ಸುನಿಲ್ ಚೆಟ್ರಿ ಶುಕ್ರವಾರ ಹೇಳಿದ್ದಾರೆ.
ಎಐಎಫ್ಎಫ್(AIFF) ಟಿವಿಯ ಜೊತೆಗಿನ ಲೈಔ್ ಚಾಟ್ನಲ್ಲಿ ಮಾತನಾಡಿದ ಚೆಟ್ರಿ, ತಾವು ಅಂಡರ್ 16 ಬ್ಯಾಚ್ನ ಅಭಿಮಾನಿ, ನನ್ನ ಪ್ರಕಾರ ಆ ತಂಡ ಭಾರತವನ್ನು ಏಷ್ಯಾದ ಟಾಪ್ 10ಕ್ಕೆ ಖಂಡಿತ ಕೊಂಡೊಯ್ಯಲಿದೆ ಎಂದು ಅಭಿಪ್ರಾಯಪಟ್ಟಿದ್ದಾರೆ.
ನಾನು ಈಗಾಗಲೆ ಅಂಡರ್ 16 ತಂಡ ಹಾಗೂ ಇಂಡಿಯನ್ ಆ್ಯರೋಸ್ನ ಬಹುದೊಡ್ಡ ಅಭಿಮಾನಿಯಾಗಿದ್ದೇನೆ. ಅದರಲ್ಲೂ ಬಿಬೊಯಾನೋ ನೇತೃತ್ವದ ಅಂಡರ್ 16 ತಂಡಕ್ಕ ನಾನು ದೊಡ್ಡ ಅಭಿಮಾನಿ. ಅದು ನಿಜಕ್ಕೂ ಅದ್ಭುತ ತಂಡವಾಗಿದೆ ಎಂದು ಹೇಳಿದ್ದಾರೆ.
"ಅವರು ತುಂಬಾ ಚೆನ್ನಾಗಿ ಫುಟ್ಬಾಲ್ ಪಂದ್ಯಗಳನ್ನು ಆಡಿದ್ದಾರೆ. ಪ್ರತಿ ಹಂತದಲ್ಲೂ ಸುಧಾರಣೆ ಮುಂದುವರಿಸುತ್ತಿದ್ದಾರೆ. ಆ ಹುಡುಗರು ಹಿಂದಿನ ಬ್ಯಾಚ್(ಎಎಫ್‌ಸಿ ಯು -16 ಚಾಂಪಿಯನ್‌ಶಿಪ್‌ನಲ್ಲಿ ಕ್ವಾರ್ಟರ್ ಫೈನಲ್ಗೆ ಏರಿದ್ದ 2018ರ ಬ್ಯಾಚ್ಗಿಂತ ಉತ್ತಮವಾಗಿ ಆಡುತ್ತಿದ್ದಾರೆ" ಎಂದು ಚೆಟ್ರಿ ತಿಳಿಸಿದ್ದಾರೆ.
ಗುರುವಾರ ನಡೆದ ಬಹ್ರೇನ್ ಎಎಫ್ಎಫ್ ಅಂಡರ್ -16 ಚಾಂಪಿಯನ್ಶಿಪ್ನ ಸಿ ಗುಂಪಿನಲ್ಲಿ ಕೊರಿಯಾ, ಜೆಕ್ ಗಣರಾಜ್ಯ, ಆಸ್ಟ್ರೇಲಿಯಾ ಮತ್ತು ಉಜಬೇಕಿಸ್ತಾನ್ ತಂಡಗಳ ಜೊತೆ ಡ್ರಾ ಸಾಧಿಸಿತು. ಗುಂಪಿನ ಅಗ್ರ ಎರಡು ತಂಡಗಳು ಕ್ವಾರ್ಟರ್ ಫೈನಲ್ಗೇರಲಿದ್ದು, ನಾಲ್ಕು ಸೆಮಿಫೈನಲಿಸ್ಟರ್ಗಳು ಪೆರು ದೇಶದಲ್ಲಿ ಫೀಫಾ ಅಂಡರ್ 17 ವಿಶ್ವಕಪ್ಗೆ ಅರ್ಹತೆ ಗಿಟ್ಟಿಸಿಕೊಳ್ಳಲಿವೆ.
ಭಾರತ ತಂಡ ಅಂಡರ್ 16 ಚಾಂಪಿಯನ್ಶಿಪ್ಗೆ ಸತತ 3ನೇ ಸಲ ಹಾಗೂ ಒಟ್ಟಾರೆ 9ನೇ ಬಾರಿಗೆ ಅರ್ಹತೆ ಪಡೆದಿದೆ.
ಈ ಬ್ಯಾಚ್ ಉತ್ತಮ ಫಲಿತಾಂಶ ನೀಡಿದಾಗ ಪ್ರಸ್ತುತ 14ರ ತಂಡದ ಹುಡುಗರಿಗೆ ಇನ್ನೂ ಉತ್ತಮ ಫಲಿತಾಂಶ ನೀಡಲು ಉತ್ತಮ ಸಿದ್ದತೆ ನಡೆಸಿಕೊಳ್ಳುವ ಜವಾಬ್ದಾರಿ ನೀಡುತ್ತದೆ. ಏಕೆಂದರೆ ಈ ಹುಡುಗರು ಸಾಧಿಸಿದ ಸಾಧನೆಯನ್ನು ಉತ್ತಮಗೊಳಿಸಲು ಅವರು ಬಯಸುತ್ತಾರೆ. ನೀವೂ ಕೂಡ ಸಾಧನೆ ನಿರಂತರವಾಗಿ ಹೆಚ್ಚಿಸಿಕೊಳ್ಳಲು ಬಯಸುತ್ತೀರಿ ಎಂದು ಚೆಟ್ರಿ ಅಭಿಪ್ರಾಯಪಟ್ಟಿದ್ದಾರೆ.
ಈ ಹಂತದಲ್ಲಿ ಭಾರತದ ಫುಟ್ಬಾಲ್ ತಂಡ ಏಷ್ಯಾದ ಅಗ್ರ 10 ತಂಡಗಳಲ್ಲಿ ಸ್ಥಾನ ಪಡೆಯಬೇಕು ಎಂದು ನೀವು ಬಯಸುತ್ತೀರಿ. ಇದು ಸಾಧ್ಯವಾಗಬೇಕಾದರೆ ಯುವ ಆಟಗಾರರು ಸೀನಿಯರ್ ತಂಡದಲ್ಲಿ ಬಂದು ಉತ್ತಮ ಪ್ರದರ್ಶನ ನೀಡಿದಾಗ ಮಾತ್ರ ಸಾಧ್ಯವಾಗುತ್ತದೆ ಎಂದು ಚೆಟ್ರಿ ಹೇಳಿದ್ದಾರೆ.
